လံာ်သိၣ်လီၤသီလီၤတၢ် 27:1 - Sgaw Karen Common Bible

¹ အန့ၣ်ဝံၤဒီး, စီၤမိၤၡ့ဃုာ်ဒီးကီၢ်အံၣ်စရ့လးအခိၣ်အနၢ်တဖၣ် စံးဘၣ်ပှၤဂီၢ်မုၢ်, “စူၢ်ကယဲၢ်တၢ်သိၣ်လိနဲၣ်ယုၤတဖၣ်လၢယက ဟ့ၣ်လီၤသုလၢမုၢ်မဆါတနံၤအံၤတက့ၢ်.

လံာ်သိၣ်လီၤသီလီၤတၢ် 27:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:8

လၢတၢ်န့ၣ်အဃိ, ယပှၤဂီၢ်မုၢ်သ့ၣ်ဧၢ, လၢပကစၢ်ယွၤဒီးကယဲၢ်အံၣ် စရ့လး, ယွၤအပှၤဂီၢ်မုၢ်, အတၢ်ပာ်ဖှိၣ်သးအံၤအမဲာ်ညါ, ယသိၣ်လီၤမၤလိာ်သုလၢသုကစူၢ်ကယဲၢ်တၢ်လၢယွၤပကစၢ်ယွၤမၤလိာ် တ့ၢ်ပှၤလီၤတံၢ်လီၤဆဲး, ဒ်သိးသုကအိၣ်ဆိးထွဲဘၣ်လၢကီၢ်အဂ့ၤအံၤအပူၤ, ဒီးဒ်သိးသုကဟ့ၣ်န့ၢ်သါဘၣ်ဒံးဆူပှၤစိၤလၢခံတဖၣ်လီၤစိၤ လီၤထီအဂီၢ်န့ၣ်လီၤ.”

စံးထီၣ်ပတြၢၤ 78:7

လၢကျဲဒ်အံၤ, အဝဲသ့ၣ်စ့ၢ်ကီးကသန့ၤအသးလၢကစၢ်ယွၤအပူၤ, ဒီးတသးပ့ၤနီၣ်တၢ်လၢယွၤမၤတ့ၢ်ဝဲတဖၣ်န့ၣ်ဘၣ်. မ့မ့ၢ်အဝဲသ့ၣ်ကစူၢ်ယွၤအတၢ်မၤလိာ်တဖၣ် ထီဘိန့ၣ်လီၤ.

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

လံာ်သိၣ်လီၤသီလီၤတၢ် 1:1

လၢလံာ်အံၤအပူၤအိၣ်ဒီးတၢ်ကတိၤတဖၣ်လၢစီၤမိၤၡ့ကတိၤတ့ၢ် ဝဲဆူကီၢ်အံၣ်စရ့လးအပှၤဂီၢ်မုၢ်, ဖဲအဝဲသ့ၣ်အိၣ်လၢပှၢ်မုၢ်ကနၢအပူၤလၢထံကျိယၢ်ဒ့ၣ်အမုၢ်ထီၣ် အခါန့ၣ်လီၤ. အဝဲသ့ၣ်အိၣ်လၢထံကျိယၢ်ဒ့ၣ်အတၢ်တြီၤပူၤဘူးဒီးဝ့ၢ်စူး, လၢအအိၣ်ဖဲလၢတၢ်ဘၢၣ်စၢၤဖဲတခီမ့ၢ်ဝ့ၢ်ပၤရၣ်ဒီးလၢအဂၤတခီ န့ၣ်အိၣ်ဒီးဝ့ၢ်တိဖလး, ဝ့ၢ်လၤဘၣ်, ဝ့ၢ်ဃစ့ရိးဒီးဝ့ၢ်ဒံစၤဟးတဖၣ်န့ၣ်လီၤ.

လံာ်သိၣ်လီၤသီလီၤတၢ် 11:32

မၤလီၤတံၢ်လၢသုကစူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢ ယဟ့ၣ်လီၤသုတနံၤအံၤန့ၣ်တက့ၢ်.

လံာ်သိၣ်လီၤသီလီၤတၢ် 26:16

မုၢ်မဆါတနံၤအံၤယွၤသုကစၢ်ယွၤမၤလိာ်သုလၢသုကစူၢ်ကယဲၢ် အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်အဃိစူၢ်အီၤလၢ တၢ်သူၣ်တီသးတီလၢသုသးဒီဖျၢၣ်ညါတက့ၢ်.

လံာ်သိၣ်လီၤသီလီၤတၢ် 26:19

ယွၤကမၤဒိၣ်ထီၣ်သုဒိၣ်န့ၢ်ဒံးပှၤကလုာ်ဂၤတဖၣ်လၢအတ့လီၤဝဲခဲလၢာ်, ဒီးသုကဟဲစိာ်တၢ်စံးထီၣ်ပတြၢၤဒီးတၢ်ယူးယီၣ်အမံၤန့ၣ်လီၤ. သုကမ့ၢ်အဝဲအပှၤဂီၢ်မုၢ်ဒၣ်ဝဲဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.”

လံာ်သိၣ်လီၤသီလီၤတၢ် 27:2

မုၢ်တနံၤဖဲသုခီဂာ်ထံကျိယၢ်ဒ့ၣ်ဒီးလဲၤနုာ်ဆူထံကီၢ်လၢ ယွၤ, သုကစၢ်ယွၤကဟ့ၣ်သုန့ၣ်, သုကဘၣ်ပာ်လီၤလၢၢ်ဖးဒိၣ်တနီၤ, ဖှူဘၢအီၤဒီးအီကတ့ၣ်,

လံာ်သိၣ်လီၤသီလီၤတၢ် 6:17

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဝဲဟ့ၣ်လီၤတ့ၢ် သုန့ၣ်သပှၢ်ကတၢၢ်တက့ၢ်.

ယၤကိာ် 2:10

ပှၤတဂၤဂ့ၤတဂၤဂ့ၤလၢအလုၣ်သ့ၣ်ခါပတာ်တၢ်မၤလိာ်တဘီ န့ၣ်, အတၢ်ကမၣ်အိၣ်ဝဲလၢအလုၣ်သ့ၣ်ခါပတာ်တၢ်မၤလိာ် ခဲလၢာ်န့ၣ်လီၤ.