လံာ်သိၣ်လီၤသီလီၤတၢ် 26:6 - Sgaw Karen Common Bible

⁶ ပှၤအဲၤကူပတူးဖိတဖၣ်မၤအၢမၤသီပှၤဒီးမၤဆူၣ်ပှၤလၢပကမၤ တၢ်ဒ်ကုၢ်တဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 26:6 Iomraidhean Croise

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 1:14

ဒီးမၢဆူၣ်မၤနၢၤဝဲဒၣ်လၢတၢ်သူၣ်ထီၣ်ဘှီထီၣ်တၢ်မၤလီၢ်တဖၣ် ဒီးလၢစံာ်ပျီတဖၣ်အပူၤ, ဒီးတသးကညီၤဘၣ်ဝဲနီတစဲးဘၣ်န့ၣ်လီၤ.

လံာ်တၢ်ဟးထီၣ်ကွံာ် 1:16

“ဖဲသုမၤစၢၤပှၤဧ့ၤဘြံၤမုၣ်တဖၣ်ဆံးစၢ်အဖိန့ၣ်မ့ၢ်အိၣ် ဖျဲၣ်ထီၣ်အပိာ်ခွါဖိဒီးမၤသံကွံာ်အီၤတက့ၢ်. မ့မ့ၢ်အပိာ်မုၣ်ဖိဒီးပျဲအမူတက့ၢ်,” န့ၣ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်တၢ်ဟးထီၣ်ကွံာ် 1:8

ဒီးအခါဖဲန့ၣ်စီၤပၤအသီတဂၤလၢအတသ့ၣ်ညါဘၣ်စီၤယိၤသးန့ၣ် ပၢတၢ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 5:19

ဒီးပှၤအံၣ်စရ့လးဖိလၢအကွၢ်ထွဲတၢ်ဖံးတၢ်မၤတဖၣ်သ့ၣ်ညါဝဲ ဒၣ်လၢအအိၣ်လၢတၢ်ကီတၢ်ခဲအပူၤဖဲအဝဲသ့ၣ်ဘၣ်တၢ်တဲ အီၤလၢကဘၣ်မၤတၢးခီအနီၣ်ဂံၢ်ပှဲၤသိးဒီးအနီၣ်ဂံၢ်ဒ်လၢညါ အသိးကိးမုၢ်နံၤန့ၣ်လီၤ.

လံာ်တၢ်ဟးထီၣ်ကွံာ် 5:23

စးထီၣ်လၢယလဲၤဆူစီၤပၤအအိၣ်ဒီးကတိၤတၢ်လၢနဂီၢ်န့ၣ်, အဝဲမၤအၢပှၤဂီၢ်မုၢ်နးနးကလဲာ်န့ၣ်လီၤ. ဒီးနတမၤဒံးတၢ်နီတမံၤလၢကမၤစၢၤအဝဲသ့ၣ်အဂီၢ်ဘၣ်.

လံာ်တၢ်ဟးထီၣ်ကွံာ် 5:9

မၢပှၤတဖၣ်အံၤမၤတၢ်ဆူၣ်ဆူၣ်ဒီးအါအါဒ်သိးအဆၢကတီၢ်သုတအိၣ် လၢကကနၣ်တၢ်ကတိၤကလီကလီတဂ့ၤ, န့ၣ်တက့ၢ်.”

လံာ်တၢ်ဂံၢ် 20:15

ပမိၢ်ပၢ်ဖံဖုလၢပျၢၤတဖၣ်လဲၤနုာ်ဆူကီၢ်အဲၤကူပတူးဒ်လဲၣ်, တၢ်လီၢ်ဖဲပအိၣ်ဆိးတ့ၢ်လၢအါနံၣ်အါလါအတီၢ်ပူၤန့ၣ်လီၤ. ပှၤအဲၤကူပတူးဖိတဖၣ်မၤအၢမၤနးတ့ၢ်ပမိၢ်ပၢ်ဖံဖုတဖၣ်, ဒီးပဝဲဒၣ်

လံာ်သိၣ်လီၤသီလီၤတၢ် 26:7

တုၤနုၤတစုပကိးထီၣ်တၢ်မၤစၢၤဆူယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ. အဝဲနၢ်ဟူပှၤဒီးထံၣ်ပတၢ်တူၢ်ဘၣ်ခီၣ်ဘၣ်, တၢ်ကိၢ်တၢ်ဂီၤ, ဒီးတၢ်နးတၢ်ဖှီၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.