လံာ်သိၣ်လီၤသီလီၤတၢ် 26:5 - Sgaw Karen Common Bible

⁵ တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 26:5 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 24:4

နဘၣ်က့ၤဆူကီၢ်လၢယအိၣ်ဖျဲၣ်ထီၣ်ဝဲဒီးမၤန့ၢ်မါတဂၤလၢယဖိ ခွါစီၤအံၤစဲးအဂီၢ်လၢယဘူးယတံၢ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 28:5

စီၤအံၤစဲးဆှၢဝဲစီၤယၤကိာ်ဆူကီၢ်မ့းစပတၤမံ, ဆူစီၤလၤဘၣ်လၢအမ့ၢ်ပှၤစူၤရံဖိစီၤဘသူၤအ့လးအဖိခွါ, စီၤယၤကိာ်ဒီးစီၤဧ့ၡီၤအမိၢ်နီၢ်ရံးဘကၤအဒီပုၢ်ဝဲၢ်ခွါ အအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:20

စီၤယၤကိာ်လီန့ၢ်စီၤလၤဘၣ်ခီဖျိတၢ်တဒုးသ့ၣ်ညါအီၤလၢအတၢ် ဟးထီၣ်အဂ့ၢ်ဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:24

လၢမုၢ်နၤအဝဲန့ၣ်လၢတၢ်မံမီၢ်အပူၤကစၢ်ယွၤဟဲဆူစီၤလၤဘၣ် အအိၣ်ဒီးစံးအီၤ, “ပလီၢ်နသးလၢနသုတမၤပျံၤမၤဖုးစီၤယၤကိာ်လၢကျဲနီတဘိတ ဂ့ၤ.”

လံာ်တၢ်ကဲထီၣ်အခီၣ်ထံး 31:40

အါစုအါဘျီယတူၢ်ဘၣ်တၢ်ကိၢ်တၢ်ကဲၤလၢမုၢ်ဆါခီဒီးတၢ်ဂိၢ် တၢ်ခုၣ်လၢမုၢ်နၤခါလီၤ. ယမံဒၣ်လဲာ်တန့ၢ်ဘၣ်.

လံာ်တၢ်ကဲထီၣ်အခီၣ်ထံး 43:12

ဟံးန့ၢ်စ့ၢ်ကီးစ့ခံစး, မ့ၢ်လၢသုကဘၣ်က့ၤစိာ်က့ၤစ့လၢ အဘၣ်တၢ်ဟ့ၣ်ကဒါက့ၤသုလၢသုထၢၣ်တဖၣ်အဖီခိၣ်အဃိလီၤ. ဘၣ်သ့ၣ်သ့ၣ်တၢ်န့ၣ်ကမ့ၢ်တၢ်ကမူၤကမၣ်တမံၤလီၤ.

လံာ်တၢ်ကဲထီၣ်အခီၣ်ထံး 45:11

နမ့ၢ်အိၣ်လၢကီၢ်ကိၡ့ၣ်အပူၤဒီး, ယအံးထွဲကွၢ်ထွဲနၤသ့လီၤ. တၢ်သၣ်ဝံၤလီၤဒိကအိၣ်ဒံးဝဲယဲၢ်နံၣ်, ဒီးယတအဲၣ်ဒိးလၢနၤ, နပှၤဒူၣ်ဖိထၢဖိဒီးဆၣ်ဖိကီၢ်ဖိအဒၢတဖၣ်ကသၣ်ဝံၤလီၤဒိန့ၣ် ဘၣ်.”

လံာ်တၢ်ကဲထီၣ်အခီၣ်ထံး 45:7

ကစၢ်ယွၤဆှၢဆိတ့ၢ်ယၤလၢသုမဲာ်ညါ, ဒ်သိးကမၤပူၤမၤဖျဲးသု လၢကျဲလီၤလိၢ်လီၤလးဒ်အံၤ, လၢကမၤလီၤတံၢ်ဝဲလၢသု, ဒီးသုစၢၤသုသွဲၣ်တဖၣ်ကအိၣ်မူဘၣ် ဒံးဝဲအဂီၢ်လီၤ.

လံာ်တၢ်ကဲထီၣ်အခီၣ်ထံး 46:27

ဖိခွါခံဂၤအိၣ်ဖျဲၣ်ဝဲလၢစီၤယိၤသးအဂီၢ်လၢကီၢ်အဲၤကူ ပတူးအပူၤန့ၣ်လီၤ. စီၤယၤကိာ်အဒူၣ်ဖိထၢဖိလၢအလဲၤန့ၣ်, အတၢ်ဂံၢ်တုၤဆူကီၢ်အဲၤကူပတူးအပူၤမ့ၢ်ဝဲ, ပှၤအဂၤနွံဆံန့ၣ်လီၤ.

လံာ်တၢ်ကဲထီၣ်အခီၣ်ထံး 47:27

ပှၤအံၣ်စရ့လးဖိတဖၣ်အိၣ်ဝဲဆိးဝဲလၢကီၢ်အဲၤကူပတူးအပူၤ, လၢကီၢ်ကိၡ့ၣ်အလီၢ်ကဝီၤဖဲအဝဲသ့ၣ်ထူးထီၣ်တီၤထီၣ်, ဒီးအိၣ်ဒီးအဖိတဖၣ်အါဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 47:4

ပဟဲဒ်သိးပကအိၣ်သကိးလၢထံကီၢ်အံၤအပူၤလီၤ. အဂ့ၢ်ဒ်အံၤ, လၢကီၢ်ကနၤဧၣ်န့ၣ်တၢ်သၣ်ဝံၤလီၤဒိနးနးကျံး ကျံးအိၣ်ထီၣ်ဝဲတုၤဒၣ်လဲာ်အီၣ်ဆၣ်အလီၢ်လါဟ့လၢပသိတဖၣ်အဂီၢ် တအိၣ်လၢၤဘၣ်. ဝံသးစူၤပျဲပအိၣ်ပဆိးလၢကီၢ်ကိၡ့ၣ်အလီၢ်ကဝီၤအပူၤတ က့ၢ်.”

လံာ်တၢ်ဟးထီၣ်ကွံာ် 1:12

ဘၣ်ဆၣ်ဒီး, ဒ်ပှၤအဲၤကူပတူးဖိတဖၣ်မၤနးမၤဖှီၣ်ပှၤအံၣ်စရ့လး ဖိတဖၣ်အါထီၣ်အသိးန့ၣ်, ပှၤအံၣ်စရ့လးဖိတဖၣ်အနီၣ်ဂံၢ်ဒံးအါထီၣ်ဒီးအိၣ်ရၤလီၤအသး ပှဲၤလၢကီၢ်ဒီဘ့ၣ်ညါအပူၤန့ၣ်လီၤ. ဒီးပှၤအဲၤကူပတူးဖိတဖၣ်ပျံၤဝဲပှၤအံၣ်စရ့လးဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 1:5

ဒီးကယဲၢ်ပှၤလၢအဟဲလီၤစၢၤလီၤသွဲၣ်တံၢ်နီၢ်လၢစီၤယၤကိာ် န့ၣ်အနီၣ်ဂံၢ်ခဲလၢာ်မ့ၢ်ဝဲအဂၤနွံဆံန့ၣ်လီၤ. မ့မ့ၢ်စီၤယိၤသးတခီအိၣ်ပာ်စၢၤလံလၢကီၢ်အဲၤကူပတူးအပူၤ န့ၣ်လီၤ.

လံာ်တၢ်ဟးထီၣ်ကွံာ် 1:7

မ့မ့ၢ်အဝဲသ့ၣ်အစၢၤအသွဲၣ်လၢအမ့ၢ်ဝဲပှၤအံၣ်စရ့လးဖိတဖၣ် န့ၣ်, အိၣ်ဒီးအဖိအလံၤအါဂၤ, ဒီးအါထီၣ်ဂီၢ်ထီၣ်ဝဲဒီးဆူၣ်ထီၣ်ဝဲ တုၤကီၢ်အဲၤကူပတူးအိၣ်ပှဲၤဒီးအဝဲသ့ၣ်တဖၣ်န့ၣ်လီၤ.

လံာ်ဟိၤၡ့ 12:12

ပပၢ်ဖးဒိၣ်လၢပျၢၤစီၤယၤကိာ်ဘၣ်ဃ့ၢ်ကွံာ်ဆူကီၢ်မ့းစပတၤမံ, တၢ်လီၢ်ဖဲကမၤန့ၢ်အမါတဂၤအဂီၢ်, အဝဲမၤတၢ်လၢပှၤအဂၤတဂၤအဂီၢ်ဒီးကွၢ်ထွဲန့ၢ်အဝဲအသိတဖၣ်န့ၣ်လီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

မၤတၢ် 7:15

အန့ၣ်တစု, စီၤယၤကိာ်ဒီးအဒူၣ်ဖိထၢဖိခဲလၢာ်လဲၤလီၤဝဲဆူကီၢ် အဲၤကူပတူး, ဒီးအဝဲဒၣ်ဒီးပပၢ်ဖးဒိၣ်တဖၣ်သံဝဲဒၣ်ဖဲကီၢ်န့ၣ်အပူၤလီၤ.

လံာ်သိၣ်လီၤသီလီၤတၢ် 1:10

ယွၤ, သုကစၢ်ယွၤမၤအါထီၣ်သုနီၣ်ဂံၢ်ဒ်ဆၣ်ဧိၤဖီဧိၤတဖၣ်လၢ မူခိၣ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 10:22

ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 26:4

ပှၤလုၢ်တၢ်အခိၣ်ကဟံးန့ၢ်နာ်လၢသုအိၣ်ဒီးပာ်လီၤအီၤလၢယွၤ သုကစၢ်ယွၤအတၢ်လုၢ်လီၢ်အမဲာ်ညါန့ၣ်လီၤ.

လံာ်သိၣ်လီၤသီလီၤတၢ် 7:7

တမ့ၢ်ယွၤအဲၣ်သု, ဒီးဃုထၢသုမ့ၢ်လၢသုနီၣ်ဂံၢ်အါန့ၢ်ဒံး ပှၤအဂၤတဖၣ်အဃိဘၣ်. သုမ့ၢ်ပှၤအဆံးကတၢၢ်တကလုာ် လၢဟီၣ်ခိၣ်ချၢန့ၣ်လီၤ.