လံာ်သိၣ်လီၤသီလီၤတၢ် 26:2 - Sgaw Karen Common Bible

² သုဝဲကိးဂၤဒဲးသုကဘၣ်ဒၢနုာ်သုတၤသူတၤသၣ်လၢသုထၢဖှိၣ် က့ၤအီၤအခီၣ်ထံးတပူန့ၣ်ဆူနာ်တဖျၢၣ်အပူၤဒီးလဲၤစိာ်အီၤဆူ တၢ်ဘူၣ်ထီၣ်ဘါထီၣ်အလီၢ်တတီၤန့ၣ်လီၤ.

လံာ်သိၣ်လီၤသီလီၤတၢ် 26:2 Iomraidhean Croise

လံာ်စီၤပၤခံဘ့ၣ်တဘ့ၣ် 4:42

မၤကဒီးအဂၤတဘျီန့ၣ်, ပှၤတဂၤဟဲဝဲလၢဘဧၤလးၡလံၡၤ, ဟဲစိာ်န့ၢ်စီၤအလံၤၡါလၢကိၣ်အလိၣ်ခံဆံ, လၢအဘၣ်တၢ်မၤအီၤလၢဘုမုယီၤလၢတၢ်ကူးအီၤအဆိကတၢၢ်ဖဲနံၣ် အဝဲန့ၣ်ဒီးဘုစဲၤလၢတၢ်ကူးအီၤသီသီတနီၤန့ၣ်လီၤ. စီၤအလံၤၡါတဲဘၣ်အခ့အပှၤလၢကဒုးအီၣ်ဝံတဖုအံၤလၢတၢ်သ့ၣ် တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:5

တုၤတၢ်ကလုၢ်ဘၣ်တၢ်ဟ့ၣ်လီၤအီၤဝံၤတဘျီဃီန့ၣ်, ကီၢ်အံၣ်စရ့လးအပှၤဂီၢ်မုၢ်ဟဲစိာ်တၢ်ဟ့ၣ်အဂ့ၤကတၢၢ်တဖၣ်လၢ အဝဲသ့ၣ်အဘုဧိၤဟုဧိၤ, စပံးထံ, သ့ၣ်စၤယံးအသိ, ကနဲစီဒီးစံာ်ဧိၤပှဲၤဧိၤအတၢ်ဟးထီၣ်တဖၣ်အကျါ, ဒီးအဝဲသ့ၣ်ဟဲစိာ်စ့ၢ်ကီးကယဲၢ်တၢ်လၢအဒိးန့ၢ်ဝဲခဲလၢာ်အတၢ် ဆံဆဲၣ်ပူတပူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”

လံာ်စီၤနဃ့မယၤ 12:44

ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဟးထီၣ်ကွံာ် 34:26

ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

လံာ်ယံးရမံယၤ 2:3

ကီၢ်အံၣ်စရ့လးဧၢ, နဘၣ်ဃးတ့ၢ်ဒၣ်ထဲယၤတဂၤဧိၤလီၤ. နမ့ၢ်တ့ၢ်ယတၢ်န့ၢ်သါစီဆှံလီၤ. ယဒုးလီၤဘၣ်တၢ်နးတၢ်ဖှီၣ်ဒီးတၢ်တတၢးတနါ လၢပှၤလၢအမၤဘၣ်ဒိဘၣ်ထံးနၤ ကိးဂၤဒဲးအဖီခိၣ်န့ၣ်လီၤ. ယၤ, ယွၤအံၤ, ယကတိၤလံတၢ်လံ.”

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

လံာ်ယဃ့းစက့လး 48:14

တၢ်လီၢ်ကဝီၤလၢအဘၣ်တၢ်လုၢ်ထီၣ်အီၤလၢယွၤန့ၣ်မ့ၢ်လီၢ် အဂ့ၤကတၢၢ်လၢကီၢ်ပူၤဒီးပှၤတဘၣ်ဆါကွံာ်အီၤမ့ၢ်ဂ့ၤ, တဘၣ်လဲလိာ်အီၤမ့ၢ်ဂ့ၤ, တဘၣ်ဟ့ၣ်ဆူပှၤအဂၤတဂၤအအိၣ် မ့ၢ်ဂ့ၤနီတဂၤဘၣ်. တၢ်လီၢ်ကဝီၤအံၤစီဆှံဒီးဘၣ်ဃးဒီးယွၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:12

ဒီးတၤသၣ်ဆိအတၢ်လုၢ်မၤဘူၣ်တဖၣ်န့ၣ်တၢ်ဟဲစိာ်အီၤဆူယွၤအအိၣ်သ့လီၤ. ဘၣ်ဆၣ်ဒီးတၢ်တဘၣ်ဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဘၣ်.

လံာ်တၢ်ဘူၣ်ထီၣ်ဘါထီၣ် 2:14

ဒီးပှၤမ့ၢ်ဟဲစိာ်တၤသၣ်ဆိအတၢ်လုၢ်မၤဘူၣ်ဆူယွၤအအိၣ်န့ၣ် ကဘၣ်ဟဲစိာ်ဘုဆိလၢအဘၣ်တၢ်ဝဲာ်မံအီၤမ့တမ့ၢ်ဘၣ်တၢ်တိၢ်အီၤန့ၣ်လီၤ.

ရိမ့ၤ 11:16

ကိၣ်ကမူၣ်ကျဲအသးဒီးထံအဆိကတၢၢ်တစှီၤမ့ၢ်ဘၣ်တၢ်လုၢ် ထီၣ်အီၤဆူကစၢ်ယွၤအအိၣ်ဒီး, ကိၣ်ဒီလိၣ်မ့ၢ်အတၢ်စ့ၢ်ကီး လီၤ. ဒီးသ့ၣ်တထူၣ်အဂံၢ်တဖၣ်မ့ၢ်ဘၣ်တၢ်ဟ့ၣ်လီၤကစၢ်ယွၤဒီး, သ့ၣ်အဒ့တဖၣ်မ့ၢ်အတၢ်စ့ၢ်ကီးန့ၣ်လီၤ.

ရိမ့ၤ 16:5

ယဆှၢစ့ၢ်ကီးယတၢ်ဆၢဂ့ၤဆၢဝါတဖၣ်ဆူတၢ်အိၣ်ဖှိၣ်လၢအဘူၣ် သကိးဘါသကိးတၢ်လၢအဝဲသ့ၣ်အဟံၣ်ပူၤအအိၣ်န့ၣ်လီၤ. ယဆှၢယတၢ်ဆၢဂ့ၤဆၢဝါဆူယတံၤသကိးလၢယအဲၣ်အီၤစီၤ အ့ပဲန့းတူး, လၢအမ့ၢ်ပှၤအဆိကတၢၢ်တဂၤလၢအစူၢ်က့ၤနာ်က့ၤခရံာ်လၢ ကီၢ်အၤစံအပူၤတဂၤအအိၣ်န့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

1 ကရံၣ်သူး 15:23

ဘၣ်ဆၣ်ဒီးပှၤတဂၤဘၣ်တဂၤကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤလၢအဂ့ၢ်အဝီဘၣ်ဘျီးဘၣ်ဒါန့ၣ်လီၤ. အဆိကတၢၢ်န့ၣ်, ခရံာ်, အန့ၣ်ဝံၤအလီၢ်ခံ, ဖဲအဝဲဒၣ်ဟဲ အဆၢကတီၢ်န့ၣ်, ပှၤတဖၣ်လၢအဘၣ်ထွဲဒီးအီၤန့ၣ်လီၤ.

1 ကရံၣ်သူး 16:2

ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 18:4

အဝဲသ့ၣ်ကဘၣ်ဒိးန့ၢ်ဘၣ်ဘုဧိၤဟုဧိၤ, စပံးထံ, သ့ၣ်စၤယံးအသိဒီးသိဆူၣ်အတၢ်ဟ့ၣ်နီၤအဆိကတၢၢ်တမံၤန့ၣ်လီၤ.

လံာ်သိၣ်လီၤသီလီၤတၢ် 26:1

တုၤသုမၤန့ၢ်ကီၢ်လၢယွၤသုကစၢ်ယွၤဟ့ၣ်လီၤသုဒီးသူၣ်လီၤ သုတၢ်အိၣ်တၢ်ဆိးအလီၢ်ဖဲန့ၣ်ဝံၤအလီၢ်ခံန့ၣ်

လံာ်သိၣ်လီၤသီလီၤတၢ် 26:3

လဲၤဆူပှၤလုၢ်တၢ်အခိၣ်အိၣ်မူအိၣ်ဒါလၢဆၢကတီၢ်အဝဲန့ၣ်အအိၣ် ဒီးစံးဘၣ်အီၤ, ခဲအံၤယအၢၣ်လီၤဟ့ၣ်တၢ်သ့ၣ်ညါဆူယွၤလၢယနုာ်လီၤဘၣ်ဆူကီၢ် တဘ့ၣ်လၢအဝဲအၢၣ်လီၤတ့ၢ်တၢ်ဒီးပမိၢ်ပၢ်ဖံဖုလၢပျၢၤတဖၣ်လၢ ကဟ့ၣ်လီၤပှၤအဃိန့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.