လံာ်သိၣ်လီၤသီလီၤတၢ် 26:19 - Sgaw Karen Common Bible

¹⁹ ယွၤကမၤဒိၣ်ထီၣ်သုဒိၣ်န့ၢ်ဒံးပှၤကလုာ်ဂၤတဖၣ်လၢအတ့လီၤဝဲခဲလၢာ်, ဒီးသုကဟဲစိာ်တၢ်စံးထီၣ်ပတြၢၤဒီးတၢ်ယူးယီၣ်အမံၤန့ၣ်လီၤ. သုကမ့ၢ်အဝဲအပှၤဂီၢ်မုၢ်ဒၣ်ဝဲဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.”

လံာ်သိၣ်လီၤသီလီၤတၢ် 26:19 Iomraidhean Croise

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

လံာ်တၢ်ဟးထီၣ်ကွံာ် 19:5

ခဲကနံၣ်အံၤ, သုမ့ၢ်စူၢ်ယၤဒီးတိၢ်န့ၢ်ဖံးဃာ်ယတၢ်အၢၣ်လီၤအီ လီၤန့ၣ်သုကကဲထီၣ်ယပှၤဂီၢ်မုၢ်ဒၣ်ယဲလီၤ. ဟီၣ်ခိၣ်ဒီဘ့ၣ်န့ၣ်မ့ၢ်ယတၢ်လီၤ. ဘၣ်ဆၣ်ဒီးသုကမ့ၢ်ယပှၤဃုထၢဖိတဖၣ်,

လံာ်တၢ်ဟးထီၣ်ကွံာ် 19:6

ပှၤဂီၢ်မုၢ်တဖုလၢတၢ်ပာ်စီဆှံအီၤထဲဒၣ်ဆူယၤတဂၤဧိၤအအိၣ်, ဒီးသုကမၤတၢ်ခ့တၢ်ပှၤအတၢ်မၤလၢယဂီၢ်ဒ်ပှၤလုၢ်တၢ်အခိၣ်တဖၣ် အသိးန့ၣ်လီၤ.”

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 2:3

ကီၢ်အံၣ်စရ့လးဧၢ, နဘၣ်ဃးတ့ၢ်ဒၣ်ထဲယၤတဂၤဧိၤလီၤ. နမ့ၢ်တ့ၢ်ယတၢ်န့ၢ်သါစီဆှံလီၤ. ယဒုးလီၤဘၣ်တၢ်နးတၢ်ဖှီၣ်ဒီးတၢ်တတၢးတနါ လၢပှၤလၢအမၤဘၣ်ဒိဘၣ်ထံးနၤ ကိးဂၤဒဲးအဖီခိၣ်န့ၣ်လီၤ. ယၤ, ယွၤအံၤ, ယကတိၤလံတၢ်လံ.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်စဖါနယၤ 3:19

ကွၢ်ကွၢ်, အကတီၢ်ဖဲန့ၣ် ယကစံၣ်ညီၣ်ပှၤမၤအၢမၤနးနၤတဖၣ်, ယကအုၣ်က့ၤခီၣ်က့ၤကယဲၢ်ပှၤခီၣ်ဟးဂီၤ, ဒီးဟဲက့ၤစိာ်ပှၤဘၣ်တၢ်စိာ်မၢကဲကုၢ်အီၤ တဖၣ်ဆူဟံၣ်န့ၣ်လီၤ. ယကလဲလိာ်ကွံာ်အတၢ်မဲာ်ဆှးဆူတၢ်လၤတၢ်ကပီၤ, ဒီးကယဲၢ်ပှၤဟီၣ်ခိၣ်ဖိခဲလၢာ်ကစံးထီၣ်ပတြၢၤ အဝဲသ့ၣ်လီၤ.

လံာ်စဖါနယၤ 3:20

တၢ်ဆၢကတီၢ်သုးဘူးအသးလံ. ယကဟဲက့ၤစိာ်သုပှၤဂီၢ်မုၢ်လီၤပြံလီၤပြါဆူဟံၣ်, ယကမၤဟူထီၣ်သါလီၤသုမံၤလၢဟီၣ်ခိၣ်ဒီဘ့ၣ်ညါ ဒီးဒုးအီၣ်ကုးအီပှဲၤကဒီးသုတဘျီန့ၣ်လီၤ.”

လံာ်စကၤရယၤ 8:13

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, လၢအပူၤကွံာ်န့ၣ်, ပှၤတခီဘီမုၢ်ဖိတဖၣ်တဂၤဒီးတဂၤစံးဝဲလၢမ်တၢ်တတၢးတနါ တမံၤဃီလၢအလီၤဘၣ်လၢကီၢ်ယူဒၤဒီးကီၢ်အံၣ်စရ့လးအလိၤ ကလီၤဘၣ်နၤတက့ၢ်, ဖဲအဆိၣ်အၢလိာ်အသးန့ၣ်လီၤ. မ့မ့ၢ်ခဲအံၤယကအုၣ်က့ၤခီၣ်က့ၤသုလီၤ. အန့ၣ်ဒီးပှၤတခီဘီမုၢ်ဖိတဖၣ်ကစံးလိာ်အသးတဂၤဒီးတဂၤ, မ်သုကဒိးန့ၢ်တၢ်ဆိၣ်ဂ့ၤတမံၤဃီလၢအဘၣ်ကီၢ် ယူဒၤဒီးကီၢ်အံၣ်စရ့လးတက့ၢ်န့ၣ်လီၤ. လၢတၢ်န့ၣ်အဃိ, အိၣ်ဒီးတၢ်သးဒူတက့ၢ်.”

လံာ်သိၣ်လီၤသီလီၤတၢ် 27:1

အန့ၣ်ဝံၤဒီး, စီၤမိၤၡ့ဃုာ်ဒီးကီၢ်အံၣ်စရ့လးအခိၣ်အနၢ်တဖၣ် စံးဘၣ်ပှၤဂီၢ်မုၢ်, “စူၢ်ကယဲၢ်တၢ်သိၣ်လိနဲၣ်ယုၤတဖၣ်လၢယက ဟ့ၣ်လီၤသုလၢမုၢ်မဆါတနံၤအံၤတက့ၢ်.

လံာ်သိၣ်လီၤသီလီၤတၢ် 28:1

သုမ့ၢ်စူၢ်ယွၤ, သုကစၢ်ယွၤဒီးတိၢ်န့ၢ်ဖံးဃာ်အဝဲအတၢ်မၤလိာ် တဖၣ်လၢယဟ့ၣ်လီၤသုတနံၤအံၤ, လၢတၢ်သးတီအပူၤန့ၣ်, အဝဲကမၤဒိၣ်ထီၣ်သုအါန့ၢ်ဒံးပှၤကလုာ်အဂၤလၢဟီၣ်ခိၣ်ချၢအံၤ တကလုာ်လၢ်လၢ်တက့ၢ်န့ၣ်လီၤ.

လံာ်သိၣ်လီၤသီလီၤတၢ် 28:13

ယွၤ, သုကစၢ်ယွၤကဒုးကဲထီၣ်သုလၢပှၤခိၣ်ပှၤနၢ်လၢပှၤကလုာ် တဖၣ်အဖီခိၣ်ဒီးတမ့ၢ်ဘၣ်ပှၤတဖုလၢအပိာ်ပှၤအခံဘၣ်န့ၣ်လီၤ. သုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်လၢယဟ့ၣ်လီၤသုတနံၤအံၤ လၢတၢ်သးတီန့ၣ်, ထီဘိသုကဘီၣ်ထီၣ်ညီထီၣ်ဒီးတဆံးလီၤစှၤလီၤနီတစုဘၣ်န့ၣ် လီၤ.

လံာ်သိၣ်လီၤသီလီၤတၢ် 28:9

သုမ့ၢ်စူၢ်ယွၤ, သုကစၢ်ယွၤဒီးမၤကယဲၢ်တၢ်လၢအမၤလိာ်သု ခဲလၢာ်န့ၣ်, အဝဲကဒုးကဲထီၣ်သုလၢအကစၢ်ဒၣ်ဝဲအပှၤဂီၢ်မုၢ်, ဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 7:6

မၤတၢ်အံၤ, မ့ၢ်လၢသုဘၣ်ဃးဒီးယွၤ, သုကစၢ်ယွၤအဃိန့ၣ်လီၤ. လၢပှၤဂီၢ်မုၢ်လၢဟီၣ်ခိၣ်ဒီဘ့ၣ်အကျါန့ၣ်, အဝဲဃုထၢထီၣ်သုလၢကမ့ၢ်အဝဲအပှၤဂီၢ်မုၢ်လီၤဆီဝဲန့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.