လံာ်သိၣ်လီၤသီလီၤတၢ် 26:17 - Sgaw Karen Common Bible

¹⁷ မုၢ်မဆါတနံၤအံၤသုအၢၣ်လီၤသ့ၣ်ညါတ့ၢ်ယွၤ, ဒ်သုကစၢ်ယွၤအသိး, သုအၢၣ်လီၤတ့ၢ်လၢသုကစူၢ်အီၤ, ကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးကမၤတၢ်ခဲလၢာ်ဒ်အဝဲမၤလိာ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 26:17 Iomraidhean Croise

လံာ်တၢ်ကဲထီၣ်အခီၣ်ထံး 28:21

ဒီးယမ့ၢ်ဟဲက့ၤတုၤပူၤဒုၣ်ပူၤဒါဆူယပၢ်အဟံၣ်န့ၣ်ဒီးနကမ့ၢ် ယကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

စံးထီၣ်ပတြၢၤ 48:14

ကစၢ်ယွၤအံၤမ့ၢ်ပကစၢ်ယွၤအစိၤစိၤအဃၣ်ဃၣ်, ဒီးကဆှၢပှၤလၢဆၢကတီၢ်လၢကဟဲန့ၣ်လီၤ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်တၢ်ဟးထီၣ်ကွံာ် 19:8

အန့ၣ်ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤတၢ်ကိးမံၤလၢယွၤစံးဝဲလီၤ.” ဒီးစီၤမိၤၡ့ပာ် ဖျါထီၣ်က့ၤတၢ်ဂ့ၢ်အံၤဆူယွၤအအိၣ်လီၤ.

လံာ်တၢ်ဟးထီၣ်ကွံာ် 20:19

ဒီးအဝဲသ့ၣ်စံးဘၣ်စီၤမိၤၡ့, “နမ့ၢ်ကတိၤတၢ်ဒီးပှၤဒီးပကဒိကနၣ်လီၤ. ဘၣ်ဆၣ်ဒီးပပျံၤတၢ်လၢကစၢ်ယွၤမ့ၢ်ကတိၤတၢ်ဆူပအိၣ်န့ၣ်ပကသံ ဘၣ်ဖုးန့ၣ်လီၤ.”

လံာ်တၢ်ဟးထီၣ်ကွံာ် 24:7

အန့ၣ်ဝံၤဒီး, အဝဲဟံးန့ၢ်လံာ်တၢ်အၢၣ်လီၤအီလီၤလၢယွၤအတၢ် မၤလိာ်တဖၣ်အိၣ်ကွဲးအသးလၢအပူၤ, ဒီးဖးထီၣ်အီၤလၢအကလုၢ်ဒိၣ်ဒိၣ်ဆူပှၤဂီၢ်မုၢ်အအိၣ်လီၤ. ဒီးပှၤဂီၢ်မုၢ်စံးဝဲဒၣ်, “ပကစူၢ်ယွၤအကလုၢ်ဒီးမၤကယဲၢ်တၢ်လၢ အမၤလိာ်ဝဲကိးမံၤဒဲးန့ၣ်လီၤ.”

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယၡါယၤ 44:5

ပှၤတဂၤဘၣ်တဂၤကစံးဝဲ, ‘ယဲဒၣ်အံၤယမ့ၢ်ယွၤအတၢ်လီၤ. အဝဲသ့ၣ်ကဟဲပာ်ဖှိၣ်အသးဒီးကီၢ်အံၣ်စရ့လး အပှၤဂီၢ်မုၢ်လီၤ. ပှၤတဂၤစုာ်စုာ်ကကွဲးလီၤယွၤအမံၤလၢအစုတီၤလိၤ ဒီးကိးလီၤအသးလၢအမ့ၢ်ကစၢ်ယွၤအပှၤဂီၢ်မုၢ်အကျါတဂၤန့ၣ် လီၤ.’ ”

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

၂ ကရံၣ်သူး 8:5

မ့ၢ်တၢ်လၢအဒိၣ်န့ၢ်အါန့ၢ်တၢ်လၢပမုၢ်လၢ်ပဝဲကသ့တက့ၢ်လီၤ. အဆိကတၢၢ်အဝဲသ့ၣ်ဟ့ၣ်လီၤအသးဆူကစၢ်အအိၣ်, ဒီး အန့ၣ်ဝံၤအလီၢ်ခံ, လၢကစၢ်ယွၤအတၢ်ဘၣ်အသးအပူၤ, ဟ့ၣ်လီၤအသးဆူပအိၣ်စ့ၢ်ကီးန့ၣ်လီၤ.

လံာ်သိၣ်လီၤသီလီၤတၢ် 13:18

လၢသုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်ခဲလၢာ်လၢယဟ့ၣ်လီၤသု လၢမုၢ်မဆါတနံၤအံၤဒီးမၤတၢ်လၢအဝဲအဲၣ်ဒိးဝဲန့ၣ်လီၤ.

လံာ်သိၣ်လီၤသီလီၤတၢ် 15:5

စူၢ်အီၤဒီးမၤကယဲၢ်တၢ်ခဲလၢာ်လၢယမၤလိာ်တ့ၢ်သုလၢမုၢ်မဆါ တနံၤအံၤန့ၣ်တက့ၢ်.

လံာ်သိၣ်လီၤသီလီၤတၢ် 27:10

လၢတၢ်န့ၣ်အဃိစူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤအံၤန့ၣ်တက့ၢ်.”

လံာ်သိၣ်လီၤသီလီၤတၢ် 29:12

တနံၤအံၤသုအိၣ်ဖဲအံၤလၢသုကနုာ်လီၤဆူတၢ်အၢၣ်လီၤအီလီၤ အံၤလၢယွၤ, သုကစၢ်ယွၤမၤဝဲဒီးသုအပူၤဒီးလၢသုကတူၢ်လိာ်အတၢ်ဘျုးတၢ်ဖှိၣ်တဖၣ်အဂီၢ်,

လံာ်သိၣ်လီၤသီလီၤတၢ် 30:16

သုမ့ၢ်စူၢ်ယွၤ, သုကစၢ်ယွၤအတၢ်မၤလိာ်လၢယဟ့ၣ်လီၤသု တနံၤအံၤ, သုမ့ၢ်အဲၣ်အီၤ, စူၢ်အီၤ, ဒီးတိၢ်န့ၢ်ဖံးဃာ်ကယဲၢ် အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်ဒီး, အန့ၣ်တစုသုကဘီၣ်ထီၣ်ညီထီၣ်ဒီးကဲထီၣ်ပှၤဂီၢ်မုၢ်ဖးဒိၣ်အပှၤ ကလုာ်န့ၣ်လီၤ. ယွၤ, သုကစၢ်ယွၤကဆိၣ်ဂ့ၤသုလၢကီၢ်လၢသုကဘၣ်မၤန့ၢ်အီၤအပူၤ န့ၣ်လီၤ.

လံာ်စီၤယိၤၡူ 22:5

ပာ်သူၣ်ပာ်သးလီၤတံၢ်လီၤဆဲးလၢသုကဒိကနၣ် တၢ်သိၣ်တၢ်သီလၢယွၤအခ့အပှၤစီၤမိၤၡ့မၤလိာ်တ့ၢ်သုလၢအမ့ၢ်ဝဲ, အဲၣ်ယွၤသုကစၢ်, မၤအတၢ်ဘၣ်အသး, ဒိကနၣ်အတၢ်မၤလိာ်တဖၣ်, တီဒီးအီၤ, ဒီးမၤအတၢ်လၢသုသးဒီဖျၢၣ်ညါဒီးသုသူၣ်ကံၢ်သးလဲန့ၣ်တက့ၢ်.”

လံာ်စီၤယိၤၡူ 24:22

စီၤယိၤၡူစံးဘၣ်အဝဲသ့ၣ်, “သုမ့ၢ်ပှၤအုၣ်အသးတဖၣ်လၢသုကစၢ်ဒၣ်သုဝဲအဂီၢ်လၢသုဃုထၢ မၤယွၤအတၢ်န့ၣ်လီၤ.” အဝဲသ့ၣ်စံးဝဲ, “မ့ၢ်လီၤ. ပမ့ၢ်ပှၤအုၣ်အသး တဖၣ်လီၤ.”