လံာ်သိၣ်လီၤသီလီၤတၢ် 26:12 - Sgaw Karen Common Bible

¹² သၢနံၣ်တဘျီကိးစုဒဲးန့ၣ်ဟ့ၣ်တၢ်ဆံဆဲၣ်ပူလၢအမ့ၢ် သုတၤသူတၤသၣ်ဆံဆဲၣ်ပူတပူဆူပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်အအိၣ်, ဒ်သိးလၢတၢ်အိၣ်မူကရူၢ်ကိးဖုဒဲးအပူၤအဝဲသ့ၣ်ကအိၣ်ဒီးတၢ်ခဲလၢာ်လၢအလိၣ်ဘၣ် ဝဲလၢကအီၣ်ဝဲအဂီၢ်တက့ၢ်. ဖဲသုမၤတၢ်ဒ်အံၤန့ၣ်,

လံာ်သိၣ်လီၤသီလီၤတၢ် 26:12 Iomraidhean Croise

လံာ်တၢ်ကဲထီၣ်အခီၣ်ထံး 47:24

ဖဲကူးတၢ်အကတီၢ်န့ၣ်, သုကဘၣ်ဟ့ၣ်စီၤပၤယဲၢ်ပူတပူ န့ၣ်လီၤ. တၢ်လၢအအိၣ်လီၤတဲာ်တဖၣ်န့ၣ်, သုသူအီၤလၢတၢ်ချံ အဂီၢ်ဒီးလၢတၢ်အီၣ်တၢ်အီလၢသုကစၢ်ဒၣ်သုဝဲဒီးသုဒူၣ်ဖိထၢ ဖိတဖၣ်အဂီၢ်သ့ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 47:26

လၢတၢ်န့ၣ်အဃိ, စီၤယိၤသးဒုးအိၣ်ထီၣ်တၢ်သိၣ်တၢ်သီတမံၤဘၣ် ထွဲဒီးကီၢ်အဲၤကူပတူးအဟီၣ်ခိၣ်တဖၣ်လၢ, တၢ်ကူးက့ၤလၢအန့ၢ်ယဲၢ်ပူတပူန့ၣ်ကြၢးမ့ၢ်စီၤပၤအတၢ်လီၤ. တၢ်သိၣ်တၢ်သီအံၤအိၣ်ဂၢၢ်ဝဲကျၢၤဝဲတုၤလၢမုၢ်မဆါတနံၤအံၤ လီၤ. ထဲပှၤလုၢ်တၢ်အခိၣ်တဖၣ်အဟီၣ်ခိၣ်ဧိၤန့ၣ်တကဲထီၣ်စီၤပၤအတၢ်စု လီၢ်ခီၣ်ခိၣ်ဘၣ်.

တၢ်ကတိၤဒိ. 14:21

နမ့ၢ်အဲၣ်ဒိးဘၣ်ဆိၣ်ဂ့ၤန့ၣ်, သးကညီၤပှၤဖှီၣ်ဖိယာ်ဖိတက့ၢ်. တၢ်သးဘၣ်အၢပှၤတဂၤလၢ်လၢ်န့ၣ်မ့ၢ်တၢ်ဒဲးဘးလီၤ.

လံာ်တၢ်ဘူၣ်ထီၣ်ဘါထီၣ် 27:30

ဒီးတၢ်ဆံဆဲၣ်ပူတပူလၢကယဲၢ်ဟီၣ်ခိၣ်အတၤသၣ်ဒ် ဘုဧိၤဟုဧိၤမ့ၢ်ဂ့ၤ, တၤသူတၤသၣ်တဖၣ်မ့ၢ်ဂ့ၤန့ၣ်ဘၣ်ဃးဒီး ယွၤန့ၣ်လီၤ.

လံာ်တၢ်ဂံၢ် 18:24

အဂ့ၢ်ဒ်အံၤ, ဟ့ၣ်လီၤတ့ၢ်လံအဝဲသ့ၣ်လၢတၢ်ဆံဆဲၣ်ပူတပူလၢပှၤ အံၣ်စရ့လးဖိတဖၣ်ဟ့ၣ်ထီၣ်ဆူယအိၣ်ဒ်တၢ်ဟ့ၣ်လီၤဆီတမံၤအသိး န့ၣ်လၢအဝဲသ့ၣ်အတၢ်န့ၢ်သါအဂီၢ်လံလီၤ. လၢတၢ်န့ၣ်အဃိယစံးတ့ၢ်အဝဲသ့ၣ်လၢအဝဲသ့ၣ်တဘၣ်အိၣ်ဒီးတၢ်စု လီၢ်ခီၣ်ခိၣ်အဂၢၢ်အကျၢၤနီတမံၤလၢကီၢ်အံၣ်စရ့လး အပူၤဘၣ်န့ၣ်လီၤ.”

လံာ်သိၣ်လီၤသီလီၤတၢ် 16:14

သူၣ်ခုသးခုလၢဘူၣ်ပူၤဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢဝ့ၢ်တဖၣ်အပူၤတက့ၢ်.

ဧ့ၤဘြံၤ 7:5

ဒီးပှၤလၢ အဟဲလီၤစၢၤလၢ စီၤလ့ၤဝံ, လၢအမ့ၢ်ပှၤလုၢ်တၢ် အခိၣ်တဖၣ်န့ၣ်, တၢ်သိၣ်တၢ်သီမၤလိာ်အီၤလၢအကဟံးန့ၢ်တၢ်ဆံဆဲၣ်ပူ တပူလၢအံၣ်စရ့လးအပှၤဂီၢ်မုၢ်အအိၣ်, ဒ်ပစံးတၢ်အသိး လၢအထံဖိကီၢ်ဖိကဒဲကဒဲအအိၣ်, ဖဲအထံဖိကီၢ်ဖိကဒဲ ကဒဲမ့ၢ်ပှၤဟဲလီၤစၢၤစ့ၢ်ကီးလၢစီၤအၤဘြၤဟၣ်အအိၣ်န့ၣ်လီၤ.

ဧ့ၤဘြံၤ 7:9

ပမ့ၢ်ဘၣ်စံးန့ၣ်, ဖဲစီၤအၤဘြၤဟၣ် ဟ့ၣ်တၢ်ဆံဆဲၣ်ပူ တပူၤန့ၣ်, စီၤလ့ၤဝံ (လၢအစၢၤအသွဲၣ်တဖၣ် ဟံးန့ၢ်တၢ်ဆံဆဲၣ်ပူတပူ) ဟ့ၣ်စ့ၢ်ကီးဝဲလီၤ.