လံာ်သိၣ်လီၤသီလီၤတၢ် 25:8 - Sgaw Karen Common Bible

⁸ တုၤနုၤတစုဝ့ၢ်အပှၤသူၣ်က့သးပှၢ်တဖၣ်ကဘၣ်ကိးအီၤဒီးကတိၤတၢ်ဒီးအီၤန့ၣ်လီၤ. အဝဲမ့ၢ်ဂ့ၢ်လိာ်ဒံးဝဲလၢကဖျီအသးဒီးအီၤဒီး,

လံာ်သိၣ်လီၤသီလီၤတၢ် 25:8 Iomraidhean Croise

လံာ်သိၣ်လီၤသီလီၤတၢ် 25:7

ဘၣ်ဆၣ်ဒီးပှၤလၢအသံတဂၤအဒီပုၢ်ဝဲၢ်ခွါ မ့ၢ်တအဲၣ်ဒီးဒိးတ့ဒိးဖျီအသးဒီးအီၤဘၣ်န့ၣ်ပိာ်မုၣ်န့ၣ်ကဘၣ်လဲၤဆူဝ့ၢ်အပှၤသူၣ်က့ သးပှၢ်တဖၣ်အအိၣ်ဒီးစံး ‘ယဝၤအဒီပုၢ်ဝဲၢ်ခွါတမၤအမူအဒါဘၣ်, အဝဲဂ့ၢ်လိာ်လၢကဒုးအိၣ်ထီၣ်အဒီပုၢ်ဝဲၢ်ခွါအစၢၤ အသွဲၣ်လၢအံၣ်စရ့လးအပှၤဂီၢ်မုၢ်အကျါန့ၣ်လီၤ.’

လံာ်သိၣ်လီၤသီလီၤတၢ် 25:9

အဒီပုၢ်ဝဲၢ်ခွါအမါမုၣ်ကမဲန့ၣ်ကဘၣ်လဲၤဃီၤဆူအအိၣ်လၢဝ့ၢ် အပှၤသူၣ်က့သးပှၢ်တဖၣ်အမဲာ်ညါ, ဘ့ၣ်လီၤကွံာ်အဝဲ အခီၣ်ဖံးတခီဒီးထူးပှဲာ်အီၤလၢအမဲာ်ပူၤဒီးကစံးဘၣ်အီၤ, ‘ပှၤတဂၤလၢအဂ့ၢ်လိာ်လၢကဒုးအိၣ်ထီၣ်အဒီပုၢ်ဝဲၢ်ခွါအစၢၤအသွဲၣ်န့ၣ်ကဘၣ်တၢ်မၤအီၤဒ်အံၤလီၤ.’

လံာ်နီၢ်ရူၤသး 4:4

ဒီးယဆိကမိၣ်လၢနကြၢးသ့ၣ်ညါတၢ်ဂ့ၢ်အံၤလီၤ. ခဲကနံၣ်အံၤနမ့ၢ်သးလီတၢ်လီၢ်အံၤန့ၣ်ဒီး, ပှ့ၤအီၤလၢပှၤလၢအဆ့ၣ်နီၤဖဲအံၤတဖၣ်အမဲာ်ညါန့ၣ်တက့ၢ်. နမ့ၢ်တသးလီဘၣ်န့ၣ်ဒီးစံးဘၣ်ယၤတက့ၢ်. အဂ့ၢ်ဒ်အံၤ, နမ့ၢ်ပှၤလၢအကြၢးဒိးန့ၢ်ဘၣ်တၢ်အဆိကတၢၢ်တဂၤ, ဒီးယဲယမ့ၢ်ဒၣ်ပှၤခံဂၤတဂၤန့ၣ်လီၤ.” ဒီးပှၤတဂၤန့ၣ်စံး, “ယကပှ့ၤက့ၤအီၤလီၤ.”

လံာ်နီၢ်ရူၤသး 4:6

ပှၤတဂၤန့ၣ်စံးဆၢဝဲ, “မ့မ့ၢ်ဒ်န့ၣ်ဒီး, ယတပှ့ၤက့ၤအီၤလၢယ ဂီၢ်ဒၣ်ယဲဘၣ်. ယဖိယလံၤဒၣ်ယဲတမ့ၢ်ကန့ၢ်သါဘၣ်အီၤဘၣ်. ဟံးန့ၢ်ယလီၢ်လၢနဂီၢ်ဒၣ်နဲဒီးပှ့ၤက့ၤအီၤတက့ၢ်. ယတပှ့ၤက့ၤအီၤလၢၤဘၣ်.”

လံာ်နီၢ်ရူၤသး 4:7

ပှၤအံၣ်စရ့လးဖိအလုၢ်အလၢ်လၢအမၤညီနုၢ်ဝဲဖဲအကမၤဂၢၢ်မၤ ကျၢၤတၢ်ဆါတၢ်ပှ့ၤအဂီၢ်မ့ၢ်ဂ့ၤ, တၢ်ခီလဲလိာ်တၢ်စု လီၢ်ခီၣ်ခိၣ်အဂီၢ်မ့ၢ်ဂ့ၤန့ၣ်, မ့ၢ်ပှၤဆါတၢ်တဂၤဘ့ၣ်လီၤအခီၣ် ဖံးတခီဒီးဟ့ၣ်လီၤဝဲဆူပှၤပှ့ၤတၢ်တဂၤအစုပူၤန့ၣ်လီၤ. တၢ်မၤဒ်သိးအံၤန့ၣ်, ဒုးနဲၣ်ဖျါထီၣ်တၢ်ပာ်ဂၢၢ်ပာ်ကျၢၤလံ တၢ်ဂ့ၢ်န့ၣ်လီၤ.