လံာ်သိၣ်လီၤသီလီၤတၢ် 25:5 - Sgaw Karen Common Bible

⁵ ပှၤဒီပုၢ်ဝဲၢ်ခွါခံဂၤမ့ၢ်အိၣ်ဆိးလၢတၢ်န့ၢ်သါအလီၢ်တပူၤဃီဒီးအဝဲသ့ၣ်အကျါတဂၤမ့ၢ်သံဒီး အဖိခွါမ့ၢ်တအိၣ်လီၤတဲာ် နီတဂၤဘၣ်န့ၣ်, အဝဲအမါမုၣ်ကမဲလၢအအိၣ်လီၤတဲာ်တဘၣ်ဖျီအသးဒီး ပှၤအဂၤနီတဂၤလၢဒူၣ်ထၢအချၢဘၣ်. ပှၤလၢအသံတဂၤအဒီပုၢ်ဝဲၢ်ခွါအိၣ်ဒီးမူဒါလၢကဖျီအသးဒီးအီၤန့ၣ်လီၤ.

လံာ်သိၣ်လီၤသီလီၤတၢ် 25:5 Iomraidhean Croise

လံာ်တၢ်ကဲထီၣ်အခီၣ်ထံး 19:31

ဒီးအဖိမုၣ်အဒိၣ်တဂၤစံးဘၣ်အဒီပုၢ်ဝဲၢ်မုၣ်, “ပပၢ်အံၤအသးပှၢ် တ့ၢ်လံ. ဒီးပှၤပိာ်ခွါတအိၣ်လၢဟီၣ်ခိၣ်ဒီဘ့ၣ်အံၤနီတဂၤလၢကဒိးတ့ ဒိးဖျီအသးဒီးပှၤဒ်သိးပဖိအိၣ်ကသ့အဂီၢ်န့ၣ်ဘၣ်.

လံာ်မးသဲ 22:24

“သရၣ်ဧၢ, စီၤမိၤၡ့စံးတ့ၢ်ဝဲလၢပှၤတဂၤလၢအသံဒီးတပာ်တ့ၢ်ဘၣ် အဖိနီတဂၤဘၣ်န့ၣ်, အပုၢ်ကဘၣ်ဟံးန့ၢ်က့ၤအမါမုၣ်ကမဲန့ၣ်, ဒ်သိးဒီးအကဒုးအိၣ်ထီၣ်ဖိတဖၣ်လၢအဝဲၢ်လၢအသံတ့ၢ်တဂၤအဂီၢ်လီၤ (သိၣ်သီ. ၂၅:၅).

လံာ်မၢ်ကူး 12:19

“သရၣ်ဧၢ, စီၤမိၤၡ့ကွဲးဟ့ၣ်ပဝဲဒၣ်ပှၤယူဒၤဖိတဖၣ်အတၢ်သိၣ်တၢ်သီ တထံၣ်လၢအစံးဝဲ, ‘ပှၤပိာ်ခွါတဂၤအဒီပုၢ်ဝဲၢ်ခွါမ့ၢ်သံဒီးပာ်တ့ၢ် အမါဘၣ်ဆၣ်အဖိမ့ၢ်တအိၣ်နီတဂၤဘၣ်ဒီး, ပှၤတဂၤန့ၣ်ကဘၣ်ဟံးန့ၢ်အဒီပုၢ်ဝဲၢ်အမါ, ဒီးဒုးအိၣ်ထီၣ်ဖိလံၤလၢအဒီပုၢ်ဝဲၢ်ခွါအဂီၢ်လီၤ.’

လံာ်လူၤကၣ် 20:28

“သရၣ်ဧၢ, စီၤမိၤၡ့ကွဲးတၢ်သိၣ်တၢ်သီတထံၣ်အံၤလၢပဂီၢ်လီၤ. ပှၤတဂၤမ့ၢ်သံဒီးပာ်လီၤတဲာ်တ့ၢ်အမါဘၣ်ဆၣ်အဖိမ့ၢ်တအိၣ်နီ တဂၤန့ၣ်, ပိာ်ခွါလၢအသံတဂၤန့ၣ်အဒီပုၢ်ဝဲၢ်ခွါကဘၣ်န့ၢ်မါလၢမုၣ် ကမဲအဝဲန့ၣ်, ဒ်သိးအဝဲသ့ၣ်ကဒုးအိၣ်ထီၣ်ဖိလၢပှၤသံတဂၤအဂီၢ်လီၤ.

လံာ်နီၢ်ရူၤသး 1:11

ဘၣ်ဆၣ်နီၢ်နၤဧမံစံးဆၢဝဲ, “ယဖိမုၣ်သ့ၣ်ဧၢ, သုကဘၣ်က့ၤကဒါက့ၤလီၤ. ဘၣ်မနုၤလၢသုအဲၣ်ဒိးဟဲသကိးဒီးယၤ လဲၣ်. မ့ၢ်သုဆိကမိၣ်လၢယကအိၣ်ဒံးဒီးယဖိခွါတဖၣ်လၢသုကဆီ ဟံၣ်ဆီဃီအဂီၢ်န့ၣ်ဧါ.

လံာ်နီၢ်ရူၤသး 3:13

အိၣ်ဒၣ်ကလိာ်ဖဲအံၤသီတနၤကျၢၤ, ဒီးလၢမုၢ်ဆ့ၣ်ထီၣ်န့ၣ်, ပကဃုသ့ၣ်ညါတၢ်လၢမ့ၢ်ပှၤတဂၤန့ၣ်ကဟံးန့ၢ်မူဒါလၢနဂီၢ်ဧါ န့ၣ်လီၤ. မ့ၢ်မၤဒ်န့ၣ်ဒီးဂ့ၤလီၤ. မ့ၢ်တမၤဒ်န့ၣ်ဘၣ်ဒီး, ယအၢၣ်လီၤယသးလၢယွၤလၢအမူဝဲတဂၤအမဲာ်ညါလၢယက ဟံးန့ၢ်မူဒါလၢနဂီၢ်န့ၣ်လီၤ. ခဲအံၤ, မံလီၤတုၤမုၢ်ဆ့ၣ် ထီၣ်န့ၣ်တက့ၢ်.”

လံာ်နီၢ်ရူၤသး 3:2

သ့ၣ်နီၣ်ထီၣ်က့ၤစီၤဘိၤဧးလၢနလဲၤမၤတၢ်ဃုာ်ဒီးအပှၤမၤတၢ် ဖိပိာ်မုၣ်တဖၣ်န့ၣ်, မ့ၢ်ပဘူးပတံၢ်တဂၤန့ၣ်တက့ၢ်. ခဲကနံၣ်အံၤ, ဒိကနၣ်တၢ်တက့ၢ်. မုၢ်တဟါအံၤအဝဲကပ ညၢဘုမုယီၤလၢကြဲၢ်ပူၤန့ၣ်လီၤ.

လံာ်နီၢ်ရူၤသး 3:9

ဒီးစံးဝဲဒၣ်, “နမ့ၢ်မတၤလဲၣ်.” ပိာ်မုၣ်န့ၣ်စံးဆၢဝဲ, “ယမ့ၢ်နကုၢ်ပိာ်မုၣ်နီၢ်ရူၤသးလီၤ. ဒုးလုးစ့ၢ်ကီးယၤလၢ နယၣ်လုးတက့ၢ်. အဂ့ၢ်ဒ်အံၤ, နမ့ၢ်ပှၤလၢအဘူးအတံၢ်တဂၤ, ပှၤလၢအမူအဒါအိၣ်လၢကအံးထွဲကွၢ်ထွဲက့ၤယၤအဂီၢ်န့ၣ်လီၤ.”

လံာ်နီၢ်ရူၤသး 4:5

အန့ၣ်ဒီးစီၤဘိၤဧးစံး, “မုၢ်တနံၤလၢနပှ့ၤဟီၣ်ခိၣ်တကဝီၤ လၢနီၢ်နၤဧမံအစုပူၤန့ၣ်, နမၤန့ၢ်စ့ၢ်ကီးပှၤမိၤဧးမုၣ်ကမဲနီၢ်ရူၤသး, ဒ်သိးနကဒုးအိၣ်ထီၣ်က့ၤတၢ်န့ၢ်သါလၢပှၤသံတဂၤအဒူၣ်ဖိ ထၢဖိအဂီၢ်န့ၣ်လီၤ.”