လံာ်သိၣ်လီၤသီလီၤတၢ် 24:8 - Sgaw Karen Common Bible

⁸ ဖဲသုဘၣ်တၢ်ဆါအၢလီၤပျံၤတမံၤအခါန့ၣ်, မၤလီၤတံၢ်လၢသု ကမၤတၢ်လီၤတံၢ်လီၤဆဲးဒ်တၢ်လၢပှၤလ့ၤဝံဖိအပှၤလုၢ်တၢ်အခိၣ် တဖၣ်တဲဘၣ်သုန့ၣ်တက့ၢ်. ဒီးပိာ်ထွဲတၢ်သိၣ်လိနဲၣ်ယုၤတဖၣ် လၢယဟ့ၣ်လီၤတ့ၢ်အဝဲသ့ၣ်န့ၣ်တက့ၢ်.

လံာ်သိၣ်လီၤသီလီၤတၢ် 24:8 Iomraidhean Croise

လံာ်ယံးရမံယၤ 33:18

ဒီးလၢပှၤလုၢ်တၢ်အခိၣ်တဖၣ် လၢလ့ၤဝံအဒူၣ်တခီကအိၣ်ဝဲထီဘိ လၢကမၤယတၢ်မၤဒီး ကလုၢ်ထီၣ်တၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 13:57

အန့ၣ်ဝံၤဒီး, တၢ်ဆါအၢန့ၣ်မ့ၢ်ဖျါထီၣ်က့ၤကဒီးတစုန့ၣ်, တၢ်ဆါအၢအံၤလဲၢ်ထီၣ်ကဒီးဝဲ, ဒီးနကဘၣ်ဆိၣ်ကဲၤထီၣ်ကွံာ်အီၤလၢမ့ၣ်အူန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:14

ပှၤလုၢ်တၢ်အခိၣ်ကဟံးန့ၢ်သိဖါဖိတဒုန့ၣ်အ သွံၣ်တနီၤဒီးပာ်ထီၣ်အီၤလၢပှၤကဘၣ်တၢ်မၤစီဆှံ အီၤတဂၤန့ၣ်အနၢ်ထွဲတခီအလီၤစဲၤထိးနါ, ဒီးအစုမုၢ်ကျၢၢ် လၢအစုထွဲတခီ, ဒီးအခီၣ်မုၢ်ကျၢၢ်လၢအခီၣ်ထွဲတခီအလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:57

ဒီးတၢ်သိၣ်တၢ်သီတဖၣ်အံၤမ့ၢ်တၢ်နီၤဖးပဲာ်ဖးတၢ်တကဆှီဒီးတၢ်ကဆှီန့ၣ်လီၤ.

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မၢ်ကူး 1:44

“မ်နသုတစံးဘၣ်တဲဘၣ်တၢ်ဂ့ၢ်အံၤလၢပှၤနီတဂၤတဂ့ၤ. မ့မ့ၢ်လဲၤနဲတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤတက့ၢ်. အန့ၣ်ဝံၤ, ဒ်သိးကကဲဒၣ်ဝဲတၢ်အုၣ်အသးလၢပှၤကိးဂၤဒဲးအမဲာ်ညါ လၢနဘျါက့ၤလံဒီး, လုၢ်ထီၣ်တၢ်လုၢ်ဒ်စီၤမိၤၡ့မၤလိာ် အသိးန့ၣ်တက့ၢ်.”

လံာ်လူၤကၣ် 17:14

ယ့ၣ်ၡူးထံၣ်အဝဲသ့ၣ်ဒီးစံးဘၣ်အီၤ, “လဲၤဒီးဒုးနဲၣ်သုသးလၢပှၤလုၢ်တၢ်အခိၣ်တဖၣ်တက့ၢ်.” ဖဲအဝဲသ့ၣ်လဲၤလၢကျဲန့ၣ်, ကဆှီထီၣ်က့ၤဝဲလီၤ.

လံာ်လူၤကၣ် 5:14

ယ့ၣ်ၡူးခါလီၤအကလုၢ်ဒီးစံးဝဲ, “တဘၣ်စံးဘၣ်တဲဘၣ်ပှၤနီတဂၤတဂ့ၤ. မ့မ့ၢ်လဲၤတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ်နသးလၢအီၤတက့ၢ်. အန့ၣ်ဝံၤအလီၢ်ခံ, ဒ်သိးတၢ်အုၣ်အသးကအိၣ်လၢပှၤကိးဂၤဒဲးအမဲာ်ညါ လၢနဘၣ်တၢ်မၤဘျါနၤလံအဂီၢ်န့ၣ်, လုၢ်ထီၣ်ပာ်ထီၣ်တၢ်ဒ်စီၤမိၤၡ့မၤလိာ်တ့ၢ်ဝဲအသိးန့ၣ်တက့ၢ်.”