လံာ်သိၣ်လီၤသီလီၤတၢ် 24:6 - Sgaw Karen Common Bible

⁶ တုၤသုဒုးလိၢ်လီၤပှၤတဂၤလၢတၢ်တမံၤမံၤန့ၣ်, ဟံးန့ၢ်အဝဲအဆၢၣ်ဂူာ်လၢၢ်လၢအဂံၢ်ဘျဲးဘုခ့ဒ်တၢ်ဟ့ၣ်ကီၤအသိးတဂ့ၤ. တၢ်အံၤကဟံးန့ၢ်ကွံာ်အဝဲအဟံၣ်ဖိဃီဖိအကျဲလၢ အကတဲာ်ကတီၤတၢ်အီၣ်တၢ်အီဒ်သိးကမူဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 24:6 Iomraidhean Croise

လံာ်တၢ်ကဲထီၣ်အခီၣ်ထံး 44:30

စီၤယူဒၤစံးကဒီးဝဲ, “ကစၢ်ဧၢ, ဒီးခဲကနံၣ်အံၤ, ယမ့ၢ်က့ၤကဒါက့ၤဆူယပၢ်အအိၣ်တအိၣ်ဒီးပိာ်ခွါဖိသၣ်အံၤဘၣ် ဒီး, တစုဃီဖဲအဝဲထံၣ်ဝဲလၢပိာ်ခွါဖိအံၤတအိၣ်ဒီးယၤဘၣ်န့ၣ်, အဝဲကသံလီၤ. အဂ့ၢ်ဒ်အံၤ, အဝဲအသးသမူအိၣ်စၢဘိၣ်ဘံအသးဒီးပိာ်ခွါဖိသၣ် န့ၣ်အသးသမူ,

လံာ်စီၤယိၤဘး 22:6

နဃ့ဆူၣ်တၢ်ဟ့ၣ်ကီၤလၢ နဒီပုၢ်ဝဲၢ်တဖၣ်တအိၣ်ဒီး တၢ်အဂ့ၢ်အခၢးနီတမံၤဘၣ်. နဘ့ၣ်ကွံာ်အဝဲသ့ၣ်အကူအသိးဒီး ပာ်တီၢ်ဘ့ၣ်ဆ့အဝဲသ့ၣ်လီၤ.

လံာ်မးသဲ 24:41

ပိာ်မုၣ်ခံဂၤကဂံာ်သကိးဘုလီၤ. တဂၤကဘၣ်တၢ်စိာ်ထီၣ်ကွံာ်အီၤလီၤ. မ့မ့ၢ်အတဂၤကဘၣ်တၢ်ပာ်တ့ၢ်ကွံာ်အီၤလီၤ.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်သိၣ်လီၤသီလီၤတၢ် 20:19

ဖဲသုကျဲးစၢးမၤန့ၢ်ဝ့ၢ်တဖျၢၣ်အခါန့ၣ်, တၢ်ကဝီၤဃာ်အီၤအဆၢ ကတီၢ်မ့ၢ်ယံာ်ထၢဒၣ်လဲာ်, ကူာ်လီၤကွံာ်အသ့ၣ်တဖၣ်လၢတၢ်အီၣ်အသၣ် သ့ဝဲန့ၣ်တဂ့ၤ. အီၣ်အသၣ်, ဘၣ်ဆၣ်မၤဟးဂီၤကွံာ်သ့ၣ်တဖၣ်န့ၣ် တဂ့ၤ. သ့ၣ်တဖၣ်န့ၣ်တမ့ၢ်ဘၣ်သုဒုၣ်သုဒါတဖၣ်ဘၣ်.

လံာ်သိၣ်လီၤသီလီၤတၢ် 24:5

ဖဲပိာ်ခွါတဂၤဒိးတ့ဒိးဖျီအသးဝံၤသီသီန့ၣ်, တၢ်တဘၣ်မၢဆူၣ်အဝဲနုာ်လီၤဆူသုးပူၤမ့ၢ်ဂ့ၤ, ကမျၢၢ်အတၢ်ဖံးတၢ်မၤအဂၤတမံၤမံၤအပူၤမ့ၢ်ဂ့ၤန့ၣ်ဘၣ်. တၢ်ကဘၣ်ပျဲပူၤဖျဲးအီၤလၢတၢ်မၤအမူအဒါဒီတနံၣ်ညါဒ်သိးအဝဲ ကအိၣ်လၢဟံၣ်ဒီးမၤသူၣ်ဖှံသးညီအမါကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 24:7

ပှၤတဂၤလၢ်လၢ်လၢအစိာ်ဟုၣ်ကွံာ်အပှၤအံၣ်စရ့လးဖိကဒဲကဒဲ ဒီးဒုးကဲထီၣ်အီၤလၢအကုၢ်အပှၤမ့တမ့ၢ်ဆါလီၤကွံာ်အီၤဆူ ကုၢ်အလီၢ်န့ၣ်, ကဘၣ်တၢ်မၤသံအီၤန့ၣ်လီၤ. လၢကျဲဒ်အံၤအသိးန့ၣ်သုကမၤပူၤဖျဲးသုသးဒီးတၢ်အၢတၢ်သီ အံၤန့ၣ်လီၤ.

လံာ်လီၣ်ဖျါ 18:22

တၢ်သူၣ်ဝံၣ်သးဆၢလၢအဟဲသီၣ်ထီၣ်လၢတနၢ်, ဒီးပှၤအကလုၢ်, ပှၤအူပံဒီးကွဲၤတဖၣ်, တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. ပှၤမၤတၢ်ဖိ, ဘၣ်ဃးဒီးတၢ်မၤတကလုာ်ဂ့ၤတကလုာ်ဂ့ၤတဘၣ်တၢ်ထံၣ်န့ၢ်အီၤလၢ နပူၤနီတစုလၢၤဘၣ်. ဒီးဆၢၣ်ဂူာ်လၢၢ်အသီၣ်တဘၣ်တၢ်နၢ်ဟူအီၤနီတစုလၢၤဘၣ်.