လံာ်သိၣ်လီၤသီလီၤတၢ် 24:3 - Sgaw Karen Common Bible

³ ဒီးပိာ်ခွါတဂၤအံၤစ့ၢ်ကီးပာ်လီၤအသးလၢအတသးလီလၢၤအီၤဘၣ်, အဃိအဝဲကွဲးလံာ်လီၤဖှၣ်တဖၣ်, ဒီးမၢအဟးထီၣ်ကွံာ်လၢအဟံၣ်န့ၣ်လီၤ. ဒီးပစံးဒၣ်ကလိာ်အဝၤ ခံဂၤတဂၤအံၤသံကွံာ်ဝဲလီၤ.

လံာ်သိၣ်လီၤသီလီၤတၢ် 24:3 Iomraidhean Croise

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယံးရမံယၤ 3:8

ကီၢ်ယူဒၤထံၣ်ဘၣ်စ့ၢ်ကီးလၢယပာ်မၢ်ကွံာ်ကီၢ်အံၣ်စရ့လးဒီး ဆှၢဖျိးကွံာ်အီၤ, မ့ၢ်လၢအဝဲဃၣ်ကွံာ်အသးလၢယၤဒီး ကဲထီၣ်က့ၤပှၤဃဲသဲမုၣ်တဂၤအဃိလီၤ. ဘၣ်ဆၣ်ဒီး, ကီၢ်ယူဒၤ လၢအမ့ၢ်ကီၢ်အံၣ်စရ့လးအဒီပုၢ်ဝဲၢ်မုၣ်လၢအသးတတီဘၣ်န့ၣ်, တပျံၤဘၣ်တၢ်ဘၣ်. အဝဲဒၣ်စ့ၢ်ကီးကဲထီၣ်ပှၤဃဲသဲမုၣ်တဂၤ,

လံာ်မးသဲ 5:31

တၢ်စံးစ့ၢ်ကီးဝဲလၢပှၤတဂၤလၢ်လၢ်လၢအပာ်မၢ်ကွံာ်အမါန့ၣ်, မ်အကဟ့ၣ်ထွဲစ့ၢ်ကီးအီၤလၢလံာ်လီၤဖှၣ်တဘ့ၣ်တက့ၢ်.

လံာ်မၢ်ကူး 10:4

အဝဲသ့ၣ်စံးဆၢဝဲ, “စီၤမိၤၡ့ဟ့ၣ်တၢ်ပျဲလၢကကွဲးလံာ်လီၤဖှၣ်တဘ့ၣ်, ဝံၤဒီးပာ်မၢ်ကွံာ်အမါသ့ဝဲဒၣ်လီၤ.”

လံာ်သိၣ်လီၤသီလီၤတၢ် 24:1

ပစံးဒၣ်ကလိာ်ပှၤပိာ်ခွါတဂၤဒိးတ့ဒိးဖျီအသးဒီးပိာ်မုၣ်တဂၤ, ဒီးလၢခံန့ၣ်အဝဲပာ်လီၤအသးလၢအတသးလီလၢၤအီၤဘၣ်, မ့ၢ်လၢ အဝဲထံၣ်ဘၣ်အမါမၤကမၣ်တၢ်လၢအလီၤမဲာ်ဆှးတမံၤ လၢတဘၣ်သူၣ်ဘၣ်သးအီၤအဃိန့ၣ်လီၤ. လၢတၢ်န့ၣ်အဃိအဝဲကွဲးလံာ်လီၤဖှၣ်တဖၣ် ဒီးဟ့ၣ်လီၤအီၤ, ဒီးမၢအဟးထီၣ်ကွံာ်လၢဟံၣ်န့ၣ်လီၤ.

လံာ်သိၣ်လီၤသီလီၤတၢ် 24:2

အန့ၣ်တစုပစံးဒၣ်ကလိာ်ပိာ်မုၣ်န့ၣ်ဖျီအသးဒီးပိာ်ခွါအဂၤ တဂၤန့ၣ်လီၤ.

လံာ်သိၣ်လီၤသီလီၤတၢ် 24:4

လၢတၢ်ဂ့ၢ်ခံမံၤလၢာ်အပူၤန့ၣ်အဝဲအဝၤအခီၣ်ထံးတဂၤဖျီက့ၤ ကဒီးအသးဒီးအီၤတသ့ဘၣ်. အဝဲကဘၣ်ပာ်အီၤဒ်ပှၤတကဆှီဘၣ်တဂၤအသိးန့ၣ်လီၤ. အဝဲမ့ၢ်ဖျီကဒီးအသးဒီးပိာ်မုၣ်န့ၣ် ဒီးကကဲထီၣ်တၢ်ထီဒါကစၢ်ယွၤန့ၣ်လီၤ. သုတဘၣ်မၤတၢ်ဒဲးဘးလၢအလီၤပျံၤလီၤဖုးဒ်န့ၣ်တကလုာ်လၢကီၢ် လၢယွၤသုကစၢ်ယွၤဟ့ၣ်လီၤသုအပူၤန့ၣ်ဘၣ်.