လံာ်သိၣ်လီၤသီလီၤတၢ် 24:2 - Sgaw Karen Common Bible

² အန့ၣ်တစုပစံးဒၣ်ကလိာ်ပိာ်မုၣ်န့ၣ်ဖျီအသးဒီးပိာ်ခွါအဂၤ တဂၤန့ၣ်လီၤ.

လံာ်သိၣ်လီၤသီလီၤတၢ် 24:2 Iomraidhean Croise

လံာ်ယဃ့းစက့လး 44:22

ပှၤလုၢ်တၢ်အခိၣ်တဂၤဂ့ၤတဂၤဂ့ၤတဘၣ်ဒိးတ့ဒိးဖျီအသးဒီး ပိာ်မုၣ်လၢအလီၤဖးဒီးအဝၤဘၣ်. အဝဲကဘၣ်ဒိးတ့ဒိးဖျီဒၣ်အ သးထဲဒၣ်ဒီးပှၤအံၣ်စရ့လးဖိအပှၤမုၣ်ကနီၤမ့တမ့ၢ်ပှၤလုၢ်တၢ် အခိၣ်တဂၤဂၤအမုၣ်ကမဲမ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:14

ဒီးတဘၣ်မ့ၢ်မုၣ်ကမဲမ့ၢ်ဂ့ၤ, ပိာ်မုၣ်လၢအလီၤဖှၣ်ဒီးအဝၤမ့ၢ်ဂ့ၤ, ပိာ်မုၣ်လၢအဟးဂီၤမ့ၢ်ဂ့ၤ, ပှၤဃဲသဲမုၣ်မ့ၢ်ဂ့ၤန့ၣ်ဘၣ်. ကဘၣ်ဒိးတ့ဒိးဖျီအသးဒီးမုၣ်ကနီၤဆှံဆှံလၢအဒူၣ်ဒၣ်ဝဲအကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:7

ပှၤလုၢ်တၢ်အခိၣ်တဂၤန့ၣ်တဘၣ်ဒိးတ့ဒိးဖျီအသးဒီးပိာ်မုၣ်တ ဂၤလၢအကဲတ့ၢ်ဃဲသဲမုၣ်မ့ၢ်ဂ့ၤ, ပိာ်မုၣ်လၢအတမ့ၢ်မုၣ်ကနီၤဆှံဆှံဘၣ်မ့ၢ်ဂ့ၤ, ပိာ်မုၣ်လၢအလီၤဖးဒီးအဝၤမ့ၢ်ဂ့ၤန့ၣ်ဘၣ်. အဂ့ၢ်ဒ်အံၤအဝဲမ့ၢ်ပှၤစီဆှံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:13

မ့မ့ၢ်ပှၤလုၢ်တၢ်အခိၣ်အဖိမုၣ်မ့မ့ၢ်မုၣ်ကမဲမ့ၢ်ဂ့ၤ, မ့ၢ်လီၤဖှၣ်ဒီးအဝၤလၢအဖိတအိၣ်ဘၣ်နီတဂၤမ့ၢ်ဂ့ၤ, လၢအဟဲက့ၤအိၣ်လၢအပၢ်အဟံၣ်ဒီးသန့ၤသးလၢအီၤတဂၤန့ၣ် ကအီၣ်ဘၣ်တၢ်အီၣ်လၢအပၢ်ဒီးန့ၢ်ဘၣ်ဝဲဒ်ပှၤလုၢ်တၢ်အခိၣ်တဂၤ အသိးန့ၣ်လီၤ. ထဲပှၤလုၢ်တၢ်အခိၣ်အဒူၣ်ဖိထၢဖိတဖၣ်ဧိၤကအီၣ်ဘၣ်တၢ်လုၢ်စီဆှံတဖၣ်န့ၣ်လီၤ.

လံာ်တၢ်ဂံၢ် 30:9

မုၣ်ကမဲတဂၤမ့ၢ်ဂ့ၤ, ပိာ်မုၣ်လၢအလီၤဖးဒီးအဝၤတဂၤမ့ၢ်ဂ့ၤ ကဘၣ်တိၢ်န့ၢ်ဖံးဃာ်ကယဲၢ်အတၢ်ဆိၣ်ကိးမံၤလၢအမၤဝဲဒီးကယဲၢ် တၢ်အၢၣ်လီၤလၢကဟးဆှဲးတၢ်တမံၤမံၤအဂီၢ်န့ၣ်လီၤ.

လံာ်မးသဲ 5:32

ဘၣ်ဆၣ်ဒီးယစံးဘၣ်သုဒ်အံၤ, မ့တမ့ၢ်ဘၣ်လၢပိာ်မုၣ်န့ၣ်အဲၣ်ဘၢ အဝၤဘၣ်ဒီး, ပိာ်ခွါလၢအပာ်မၢ်အီၤန့ၣ်မၤကမၣ်အီၤဒီးမၢအီၤလၢ ကအဲၣ်ဘၢအဝၤန့ၣ်လီၤ. ဒီးပှၤတဂၤလၢ်လၢ်လၢအဟံးန့ၢ်ပိာ်မုၣ်လၢအဘၣ်တၢ်ပာ်မၢ်ကွံာ် အီၤန့ၣ်, မ့ၢ်ပှၤလၢအမၤကမၣ်ပှၤအမါန့ၣ်လီၤ.

လံာ်မၢ်ကူး 10:11

အဝဲဒၣ်စံးဘၣ်အဝဲသ့ၣ်, “ပှၤပိာ်ခွါတဂၤလၢအပာ်မၢ်ကွံာ်အမါ ဒီးဒိးတ့ဒိးဖျီအသးဒီးပိာ်မုၣ်အဂၤတဂၤန့ၣ်, မ့ၢ်အအဲၣ်ဘၢအမါလီၤ.

1 ကရံၣ်သူး 7:15

ဘၣ်ဆၣ်ဒီး, ပှၤလၢအမ့ၢ်ပှၤတစူၢ်က့ၤနာ်က့ၤတၢ်တဂၤ, မ့ၢ်သးအိၣ်ပာ်တီၢ်ကွံာ်အသကိးပှၤခရံာ်ဖိန့ၣ်, ပျဲအီၤတက့ၢ်. မ့မ့ၢ်ဒ်န့ၣ်ဒီးတံၤသကိးလၢအမ့ၢ်ပှၤခရံာ်ဖိတဂၤန့ၣ်, ဝၤမ့ၢ်ဂ့ၤ, မါမ့ၢ်ဂ့ၤ, အိၣ်ဒီးတၢ်သဘျ့လၢအကမၤဖဲဒၣ်အသးလီၤ. ကစၢ်ယွၤကိးတ့ၢ်သုဒ်သိးသုကအိၣ်လၢတၢ်ဃူတၢ်ဖိး အပူၤလီၤ.

လံာ်သိၣ်လီၤသီလီၤတၢ် 24:1

ပစံးဒၣ်ကလိာ်ပှၤပိာ်ခွါတဂၤဒိးတ့ဒိးဖျီအသးဒီးပိာ်မုၣ်တဂၤ, ဒီးလၢခံန့ၣ်အဝဲပာ်လီၤအသးလၢအတသးလီလၢၤအီၤဘၣ်, မ့ၢ်လၢ အဝဲထံၣ်ဘၣ်အမါမၤကမၣ်တၢ်လၢအလီၤမဲာ်ဆှးတမံၤ လၢတဘၣ်သူၣ်ဘၣ်သးအီၤအဃိန့ၣ်လီၤ. လၢတၢ်န့ၣ်အဃိအဝဲကွဲးလံာ်လီၤဖှၣ်တဖၣ် ဒီးဟ့ၣ်လီၤအီၤ, ဒီးမၢအဟးထီၣ်ကွံာ်လၢဟံၣ်န့ၣ်လီၤ.

လံာ်သိၣ်လီၤသီလီၤတၢ် 24:3

ဒီးပိာ်ခွါတဂၤအံၤစ့ၢ်ကီးပာ်လီၤအသးလၢအတသးလီလၢၤအီၤဘၣ်, အဃိအဝဲကွဲးလံာ်လီၤဖှၣ်တဖၣ်, ဒီးမၢအဟးထီၣ်ကွံာ်လၢအဟံၣ်န့ၣ်လီၤ. ဒီးပစံးဒၣ်ကလိာ်အဝၤ ခံဂၤတဂၤအံၤသံကွံာ်ဝဲလီၤ.