လံာ်သိၣ်လီၤသီလီၤတၢ် 24:19 - Sgaw Karen Common Bible

¹⁹ ဖဲသုထၢဖှိၣ်က့ၤသုဘုဧိၤဟုဧိၤတဖၣ်, ဒီးသုဘုဧိၤဟု ဧိၤလၢသုကူးအီၤဝံၤအိၣ်လီၤတဲာ်ဒံးလၢ သုတဟဲက့ၤစိာ်ဘၣ်အီၤန့ၣ်, လဲၤကဒါက့ၤဒီးဟံးန့ၢ်အီၤတဂ့ၤ. တၢ်န့ၣ်ကဘၣ်တၢ်ပာ်တ့ၢ်အီၤလၢ ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤ မုၣ်ကမဲတဖၣ်အဂီၢ်ဒ်သိးယွၤသုကစၢ်ယွၤကဆိၣ်ဂ့ၤသုလၢ ကယဲၢ်တၢ်လၢသုမၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 24:19 Iomraidhean Croise

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

စံးထီၣ်ပတြၢၤ 112:9

အဝဲဟ့ၣ်တၢ်လၢတၢ်သးအိၣ် ဆူပှၤလၢအလိၣ်ဘၣ်တၢ် ဒီးအတၢ်သးကညီၤန့ၣ် တလီၤတိၢ်ဘၣ်နီတဘျီဘၣ်. အဝဲကအိၣ်ဒီးအစိအကမီၤ ဒီးကဘၣ်တၢ်ယူးယီၣ်ပာ်ကဲအီၤန့ၣ်လီၤ.

တၢ်ကတိၤဒိ. 14:21

နမ့ၢ်အဲၣ်ဒိးဘၣ်ဆိၣ်ဂ့ၤန့ၣ်, သးကညီၤပှၤဖှီၣ်ဖိယာ်ဖိတက့ၢ်. တၢ်သးဘၣ်အၢပှၤတဂၤလၢ်လၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

လံာ်ယၡါယၤ 32:8

မ့မ့ၢ်, ပှၤလၢအအိၣ်ဒီးအလၤကပီၤတဂၤမၤတၢ်တီတီလိၤလိၤ ဒီးဆၢထၢၣ်ဂၢၢ်ကျၢၤလၢတၢ်အမ့ၢ်အတီအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:22

ဖဲသုကူးဘုအကတီၢ်န့ၣ်ကူးအီၤတုၤလၢသုစံၣ်အသနၢၣ်တဖၣ် န့ၣ်တဂ့ၤ. ဒီးက့ၤကဒါက့ၤလၢတၢ်ကူးက့ၤဘုစဲၤအိၣ်လီၤတဲာ်တဖၣ်အဂီၢ်န့ၣ်တဂ့ၤ. ပာ်လီၤတဲာ်အီၤလၢပှၤဖှီၣ်ဖိယာ်ဖိဒီးပှၤတခီဘီမုၢ်ဖိတဖၣ်အဂီၢ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

လံာ်လူၤကၣ် 6:38

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 15:10

ဟ့ၣ်အီၤတၢ်လၢတၢ်သဘျ့ဒီးလၢတၢ်တအဲၣ်လီၤသးအပူၤ, ဒီးယွၤကဆိၣ်ဂ့ၤသုလၢကယဲၢ်တၢ်လၢသုမၤအီၤခဲလၢာ်အပူၤန့ၣ်လီၤ.

လံာ်သိၣ်လီၤသီလီၤတၢ် 24:18

သ့ၣ်နီၣ်ထီၣ်က့ၤလၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူး အပူၤဒီးလၢယွၤသုကစၢ်ယွၤမၤထူၣ်ဖျဲးထီၣ်သုန့ၣ်တက့ၢ်. လၢတၢ်န့ၣ်အဃိယဟ့ၣ်လီၤသုလၢတၢ်မၤလိာ်အံၤန့ၣ်လီၤ.

လံာ်သိၣ်လီၤသီလီၤတၢ် 26:13

စံးဘၣ်ယွၤ, တၢ်ဆံဆဲၣ်ပူတပူစီဆှံတအိၣ်တ့ၢ်လၢယဟံၣ်ပူၤနီ တမံၤဘၣ်. ယဟ့ၣ်လီၤအီၤဆူပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်အအိၣ် ဒ်နမၤလိာ်တ့ၢ်ယၤလၢယကမၤအီၤန့ၣ်လီၤ. နတၢ်မၤလိာ်ဘၣ်ဃးဒီးတၢ်ဆံဆဲၣ်ပူတပူန့ၣ်ယတလဲၤသဒၣ်အီၤမ့ၢ်ဂ့ၤ, သးပ့ၤနီၣ်အီၤမ့ၢ်ဂ့ၤဘၣ်.

လံာ်နီၢ်ရူၤသး 2:16

ထုးထီၣ်န့ၢ်အီၤဘုစဲၤတနီၤလၢဘုအကဒိၣ်အပူၤ, ဒီးပာ်လီၤတဲာ်န့ၢ်အီၤလၢအကထၢဖှိၣ်ဝဲအဂီၢ်န့ၣ်တက့ၢ်. ဒူအလိၤဒီးတြီအီၤတဂ့ၤ.”

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”