လံာ်သိၣ်လီၤသီလီၤတၢ် 24:17 - Sgaw Karen Common Bible

¹⁷ ဟံးန့ၢ်ကွံာ်ပှၤတခီဘီမုၢ်ဖိတဖၣ်ဒီးပှၤဖိၣ်ဃဲတဖၣ်အတၢ်ခွဲးတၢ်ယာ်တဂ့ၤ, ဒီးဟံးန့ၢ်ကွံာ်ပှၤမုၣ်ကမဲတဂၤအဆ့ဖးထီဒ်တၢ်အုၣ်ကီၤအသိး လၢတၢ်ဒုးလိၢ်တမံၤအဂီၢ်တဂ့ၤ.

လံာ်သိၣ်လီၤသီလီၤတၢ် 24:17 Iomraidhean Croise

လံာ်စီၤယိၤဘး 22:6

နဃ့ဆူၣ်တၢ်ဟ့ၣ်ကီၤလၢ နဒီပုၢ်ဝဲၢ်တဖၣ်တအိၣ်ဒီး တၢ်အဂ့ၢ်အခၢးနီတမံၤဘၣ်. နဘ့ၣ်ကွံာ်အဝဲသ့ၣ်အကူအသိးဒီး ပာ်တီၢ်ဘ့ၣ်ဆ့အဝဲသ့ၣ်လီၤ.

လံာ်စီၤယိၤဘး 24:3

အဝဲသ့ၣ်ဟံးန့ၢ်ပှၤဖိၣ်ဃဲတဖၣ်အကသ့ၣ်ယီၤတဖၣ်ဒီးဟံးကီၤမုၣ် ကမဲတဂၤအဂီၤဖံးတုၤအလိးက့ၤအကမၣ်န့ၣ်လီၤ.

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

လံာ်တၢ်ဟးထီၣ်ကွံာ် 23:2

ဖဲပှၤအါဂၤမၤတၢ်ကမၣ်မ့ၢ်ဂ့ၤ, ဖဲအဝဲသ့ၣ်ဟ့ၣ်တၢ်အုၣ်အသးလၢ ကဘိးကဒါတၢ်စံၣ်ညီၣ်တီမ့ၢ်ဂ့ၤန့ၣ်, ပိာ်ထွဲအခံတဂ့ၤ.

လံာ်တၢ်ဟးထီၣ်ကွံာ် 23:6

သမၢတၢ်စံၣ်ညီၣ်တီဖဲပှၤဖှီၣ်ဖိယာ်ဖိတဂၤဘၣ်တၢ်လိာ်ဘၢလိာ် ကွီၢ်အီၤအခါန့ၣ်တဂ့ၤ.

လံာ်တၢ်ဟးထီၣ်ကွံာ် 23:9

မၤတရီတပါပှၤတခီဘီမုၢ်တဂၤတဂ့ၤ. တၢ်မ့ၢ်ပှၤတခီ ဘီမုၢ်ဖိတဂၤန့ၣ်မၤသးဒ်လဲၣ်, သုသ့ၣ်ညါလီၤ. အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.

တၢ်ကတိၤဒိ. 31:5

ဖဲအဝဲသ့ၣ်အီတၢ်ဒီး, အဝဲသ့ၣ်သးပ့ၤနီၣ်ကွံာ်တၢ်သိၣ်တၢ်သီ တဖၣ်ဒီးကွၢ်ကပာ်ကွံာ်ပှၤလၢအလိၣ်ဘၣ်တၢ်မၤစၢၤတဖၣ်အခွဲး အယာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 3:15

သုတၢ်ခွဲးတၢ်ယာ်တအိၣ်ဘၣ်လၢ သုကဆီၣ်လီၤသဘှံးယပှၤဂီၢ်မုၢ်ဒီးဟံးန့ၢ်ဘျုးတၢ်လၢပှၤဖှီၣ်ဖိ ယာ်ဖိအအိၣ်န့ၣ်ဘၣ်. ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယၡါယၤ 33:15

သုမ့ၢ်စံးဒီးမၤတၢ်လၢအဘၣ်န့ၣ်, သုထူၣ်ဖျဲးထီၣ်ကွံာ်သ့လီၤ. သူသုစိကမီၤလၢသုကလီန့ၢ်ပှၤဖှီၣ်ဖိယာ်ဖိဒီးတူၢ်လိာ်ခိၣ်ဖး လာ်ဆှိးတဂ့ၤ. မၤဃုာ်ဒီးပှၤလၢအကူၣ်ကျဲၤတၢ်မၤသံမၤဝီမ့ၢ်ဂ့ၤ, တၢ်အၢတၢ်သီအဂၤတဖၣ်မ့ၢ်ဂ့ၤန့ၣ်တဂ့ၤ.

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ယဃ့းစက့လး 22:29

ပှၤထူးပှၤတီၤတဖၣ်လီတၢ်ဒီးဂုာ်ဆူၣ်ပျီဆူၣ်တၢ်န့ၣ်လီၤ. အဝဲသ့ၣ်မၤနးမၤဖှီၣ်ပှၤဖှီၣ်ဖိယာ်ဖိတဖၣ်ဒီးဃုအဘျုး အဖှိၣ်ဒၣ်ဝဲလၢပှၤတခီဘီမုၢ်ဖိတဖၣ်အဖီခိၣ်န့ၣ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 19:33

မၤနးမၤဖှီၣ်ပှၤတခီဘီမုၢ်ဖိတဖၣ်လၢအအိၣ်လၢသုကီၢ်ပူၤန့ၣ်တဂ့ၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်စကၤရယၤ 7:10

မၤနၢၤမၤပ့ၤပှၤမုၣ်ကမဲတဖၣ်, ပှၤဖိၣ်ဃဲတဖၣ်, ပှၤတခီဘီမုၢ်ဖိ, လၢအအိၣ်လၢသုကျါတဖၣ်မ့ၢ်ဂ့ၤ, ပှၤအဂၤလၢအလိၣ်တၢ်မၤစၢၤမ့ၢ်ဂ့ၤန့ၣ်တဂ့ၤ. ကူၣ်ထီၣ်တၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်လူၤကၣ် 3:14

ပှၤသုးဖိတနီၤသံကွၢ်စ့ၢ်ကီးအီၤ, “ပဝဲတခီလဲၣ် ပကဘၣ်မၤဒ်လဲၣ်.” အဝဲဒၣ်စံးဘၣ်အဝဲသ့ၣ်, “တဘၣ်ဟံးန့ၢ်ဆူၣ်ကျိၣ်စ့လၢပှၤအိၣ်မ့ၢ်ဂ့ၤ, မ့တမ့ၢ်, ပာ်တၢ်ကမၣ်ကဘျံးကဘျၣ်လၢပှၤတဂၤဂၤအလိၤမ့ၢ်ဂ့ၤ, နီတဂၤတဂ့ၤ. သူၣ်မံသးမံဒီးသုဘူးသုလဲတက့ၢ်.”

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

လံာ်သိၣ်လီၤသီလီၤတၢ် 24:13

ဟ့ၣ်က့ၤအီၤကိးမုၢ်ဟါဒဲးဒ်သိးအဝဲကမံဝဲလၢအပူၤအဂီၢ်န့ၣ် တက့ၢ်. တုၤနုၤတစုအဝဲကစံးဘျုးစံးဖှိၣ်သု, ဒီးသုကကဲထီၣ်တၢ်သးခုလၢယွၤသုကစၢ်ယွၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 24:18

သ့ၣ်နီၣ်ထီၣ်က့ၤလၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူး အပူၤဒီးလၢယွၤသုကစၢ်ယွၤမၤထူၣ်ဖျဲးထီၣ်သုန့ၣ်တက့ၢ်. လၢတၢ်န့ၣ်အဃိယဟ့ၣ်လီၤသုလၢတၢ်မၤလိာ်အံၤန့ၣ်လီၤ.

လံာ်သိၣ်လီၤသီလီၤတၢ် 24:6

တုၤသုဒုးလိၢ်လီၤပှၤတဂၤလၢတၢ်တမံၤမံၤန့ၣ်, ဟံးန့ၢ်အဝဲအဆၢၣ်ဂူာ်လၢၢ်လၢအဂံၢ်ဘျဲးဘုခ့ဒ်တၢ်ဟ့ၣ်ကီၤအသိးတဂ့ၤ. တၢ်အံၤကဟံးန့ၢ်ကွံာ်အဝဲအဟံၣ်ဖိဃီဖိအကျဲလၢ အကတဲာ်ကတီၤတၢ်အီၣ်တၢ်အီဒ်သိးကမူဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.