လံာ်သိၣ်လီၤသီလီၤတၢ် 24:14 - Sgaw Karen Common Bible

¹⁴ ဒီးတၢ်ခ့တၢ်ပှၤဒိးလဲအသးတဂၤလၢအဖှီၣ်ဒီးလိၣ်ဘၣ်တၢ်မၤစၢၤ, လၢအမ့ၢ်သုပှၤအံၣ်စရ့လးဖိကဒဲကဒဲမ့ၢ်ဂ့ၤ, ပှၤတခီဘီမုၢ်ဖိလၢအအိၣ်ဆိးလၢသုဝ့ၢ်တဖျၢၣ်ဖျၢၣ်အပူၤမ့ၢ်ဂ့ၤန့ၣ်, လီအီၣ်အီၤတဂ့ၤ.

လံာ်သိၣ်လီၤသီလီၤတၢ် 24:14 Iomraidhean Croise

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 22:16

နမ့ၢ်ဟ့ၣ်တၢ်ဟ့ၣ်တဖၣ်ဆူပှၤထူးပှၤတီၤတဖၣ်မ့ၢ်ဂ့ၤ, နမ့ၢ်မၤနးမၤဖှီၣ်ပှၤဖှီၣ်ဖိယာ်ဖိလၢနကထူးထီၣ်တီၤထီၣ်ဒၣ် နဲအဂီၢ်မ့ၢ်ဂ့ၤဒီး, နကစၢ်ဒၣ်နဲနကဖှီၣ်လီၤယာ်လီၤန့ၣ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 19:13

သုတအီၣ်ကဘျံးကဘျၣ်ပှၤလၢသုဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ. ပှၤလၢအဒိးလဲအသးတဂၤအဘူးအလဲ န့ၣ်ဒုးအိၣ်ဒီးနၤသီတနၤကျၢၤတုၤမုၢ်ဆ့ၣ်ထီၣ်တဂ့ၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 8:4

ကနၣ်တၢ်အံၤတက့ၢ်, သုဝဲပှၤလၢအယီၢ်တံၢ်ပှၤလိၣ်ဘၣ်တၢ်မၤ စၢၤဒီးကျဲးစၢးမၤဟးဂီၤကွံာ်ပှၤဖှီၣ်ဖိယာ်ဖိလၢကီၢ်ပူၤသ့ၣ်ဧၢ,

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်လူၤကၣ် 10:7

အိၣ်ဖဲဟံၣ်တဖျၢၣ်ဃီန့ၣ်, ဒီးအီၣ်တၢ်အီတၢ်လၢအဝဲသ့ၣ် ဟ့ၣ်သုန့ၣ်တက့ၢ်. အဂ့ၢ်ဒ်အံၤ, ပှၤမၤတၢ်ဖိတဂၤကြၢးဘၣ်တၢ်ဟ့ၣ်အီၤလၢအဘူးအလဲလီၤ. တဘၣ်ဟးဝ့ၤဝီၤလၢဟံၣ်တဖျၢၣ်ဆူအဂၤတဖျၢၣ်န့ၣ်တဂ့ၤ.

လံာ်သိၣ်လီၤသီလီၤတၢ် 15:7

လၢဝ့ၢ်တဖၣ်အကျါတဖျၢၣ်ဖျၢၣ်လၢအအိၣ်လၢယွၤသု ကစၢ်ယွၤဟ့ၣ်လီၤသုအပူၤန့ၣ်, ပှၤအံၣ်စရ့လးဖိကဒဲကဒဲ ဒီးသုမ့ၢ်အိၣ်တဂၤလၢအလိၣ်ဘၣ်တၢ်န့ၣ်, အဲၣ်လီၤသုသးဒီးဂ့ၢ်လိာ်လၢသုကမၤစၢၤအီၤအဂီၢ်တဂ့ၤ.

၁ တံၤမသ့း 5:18

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ဂီၤဖံးလၢအယီၢ် ဘုန့ၣ်, သုတဖျီၣ်ပသံးဃာ်အထးခိၣ်တဂ့ၤ.” ဒီး “ပှၤမၤတၢ်ဖိတဂၤန့ၣ်, ကြၢးန့ၢ်ဘၣ်အဘူးအလဲလီၤ.”