လံာ်သိၣ်လီၤသီလီၤတၢ် 24:1 - Sgaw Karen Common Bible

¹ ပစံးဒၣ်ကလိာ်ပှၤပိာ်ခွါတဂၤဒိးတ့ဒိးဖျီအသးဒီးပိာ်မုၣ်တဂၤ, ဒီးလၢခံန့ၣ်အဝဲပာ်လီၤအသးလၢအတသးလီလၢၤအီၤဘၣ်, မ့ၢ်လၢ အဝဲထံၣ်ဘၣ်အမါမၤကမၣ်တၢ်လၢအလီၤမဲာ်ဆှးတမံၤ လၢတဘၣ်သူၣ်ဘၣ်သးအီၤအဃိန့ၣ်လီၤ. လၢတၢ်န့ၣ်အဃိအဝဲကွဲးလံာ်လီၤဖှၣ်တဖၣ် ဒီးဟ့ၣ်လီၤအီၤ, ဒီးမၢအဟးထီၣ်ကွံာ်လၢဟံၣ်န့ၣ်လီၤ.

လံာ်သိၣ်လီၤသီလီၤတၢ် 24:1 Iomraidhean Croise

လံာ်တၢ်ဟးထီၣ်ကွံာ် 21:10

ပှၤတဂၤမ့ၢ်ဟံးန့ၢ်အမါခံဂၤတဂၤဒီးကဘၣ်ဟ့ၣ်ထွဲဒံးဒၣ်တၢ် အမါအခီၣ်ထံးတဂၤန့ၣ်လၢတၢ်အီၣ်တၢ်အီဒီးတၢ်ကူတၢ်သိးဒ် အတၢ်ခွဲးတၢ်ယာ်တမံၤဃီဒ်လၢညါအသိးန့ၣ်လီၤ.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်ယံးရမံယၤ 3:8

ကီၢ်ယူဒၤထံၣ်ဘၣ်စ့ၢ်ကီးလၢယပာ်မၢ်ကွံာ်ကီၢ်အံၣ်စရ့လးဒီး ဆှၢဖျိးကွံာ်အီၤ, မ့ၢ်လၢအဝဲဃၣ်ကွံာ်အသးလၢယၤဒီး ကဲထီၣ်က့ၤပှၤဃဲသဲမုၣ်တဂၤအဃိလီၤ. ဘၣ်ဆၣ်ဒီး, ကီၢ်ယူဒၤ လၢအမ့ၢ်ကီၢ်အံၣ်စရ့လးအဒီပုၢ်ဝဲၢ်မုၣ်လၢအသးတတီဘၣ်န့ၣ်, တပျံၤဘၣ်တၢ်ဘၣ်. အဝဲဒၣ်စ့ၢ်ကီးကဲထီၣ်ပှၤဃဲသဲမုၣ်တဂၤ,

လံာ်မၤလကံ 2:16

ယွၤအံၣ်စရ့လးအကစၢ်ယွၤစံးဝဲ, “ယသးဟ့တၢ်ပာ်မၢ်လိာ်သးလီၤ. ယသးဟ့တၢ်အံၤ, ဖဲသုဝဲတဂၤဂၤမၤတၢ်အအၢအသီဒ်သိးအံၤဆူအမါန့ၣ်လီၤ. ပလီၢ်သုသးဒ်သိး, သုသုတမၤဟးဂီၤကွံာ်သုတၢ်အၢၣ်လီၤ အီလီၤလၢသုကတီဒီးသုမါအဂီၢ်န့ၣ်တက့ၢ်.”

လံာ်တၢ်ဂံၢ် 5:28

မ့မ့ၢ်အဝဲအတၢ်ကမၣ်မ့ၢ်တအိၣ်ဘၣ်ဒီး, တၢ်တမၤဆါအီၤဘၣ်ဒီးအဝဲ ဒၢထီၣ်ဖိတဖၣ်ကသ့ဝဲန့ၣ်လီၤ.

လံာ်မးသဲ 1:19

စီၤယိၤသးမ့ၢ်ပှၤအတီအလိၤတဂၤအဃိ, အသးတအိၣ်လၢ အကမၤမဲာ်ဆှးဘၣ်နီၢ်မၤရံလၢပှၤအါဂၤအမဲာ်ညါဘၣ်. ဒီးအဝဲပာ်လီၤအသးလၢကထုးဖးကွံာ်အသးဒီးအီၤကစုဒုလီၤ.

လံာ်လူၤကၣ် 16:18

ပိာ်ခွါတဂၤလၢ်လၢ်လၢအပာ်မၢ်ကွံာ်အမါဒီးန့ၢ်အမါလၢပိာ်မုၣ် အဂၤတဂၤန့ၣ်, မ့ၢ်အအဲၣ်ဘၢတၢ်, ဒီးပိာ်ခွါတဂၤလၢအန့ၢ်အမါလၢပိာ်မုၣ်တဂၤလၢအဘၣ်တၢ်ပာ်မၢ်ကွံာ်အီၤန့ၣ်, မ့ၢ်အမၤကမၣ်ပှၤဂၤအမါလီၤ.

လံာ်သိၣ်လီၤသီလီၤတၢ် 21:15

ပစံးဒၣ်ကလိာ်, ပှၤတဂၤအိၣ်ဒီးအမါခံဂၤဒီးအဝဲသ့ၣ်ခံဂၤ လိာ်ကဆံးစၢ်န့ၢ်အီၤလၢဖိခွါတဖၣ်, ဘၣ်ဆၣ်ဖိခွါဝဲၢ်ကိတမ့ၢ်ဘၣ်အဝဲအမါလၢအအဲၣ်ဝဲဒိၣ်တဂၤအဖိ ဘၣ်န့ၣ်လီၤ.

လံာ်သိၣ်လီၤသီလီၤတၢ် 22:13

ပစံးဒၣ်ကလိာ်, ပှၤတဂၤဒိးတ့ဒိးဖျီအသးဒီးပိာ်မုၣ်ဖိတဂၤ ဒီးလၢခံအဝဲပာ်လီၤအသးလၢအဝဲတအဲၣ်ဒိးပိာ်မုၣ်ဖိန့ၣ်လၢၤ ဘၣ်လီၤ.

လံာ်သိၣ်လီၤသီလီၤတၢ် 22:19

အဝဲကဘၣ်အီၣ်လိးစ့ၢ်ကီးအီၤစ့အဘ့ၣ်တကယၤဒီးဟ့ၣ်စ့ န့ၣ်ဆူပိာ်မုၣ်ဖိအပၢ်, မ့ၢ်လၢပှၤတဂၤန့ၣ်ဟဲစိာ်တၢ်မဲာ်ဆှး ဆူ ပှၤအံၣ်စရ့လးမုၣ်ဖိတဂၤအအိၣ်အဃိန့ၣ်လီၤ. အါန့ၢ်အန့ၣ်ပိာ်မုၣ်ဖိန့ၣ်ကဘၣ်မ့ၢ်ထွဲဒံးဒၣ်အဝဲအမါဒီးဖဲ အဝဲ အိၣ်မူဒံးအဖၢမုၢ်န့ၣ်မၤလီၤဖှၣ်အသးဒီးပိာ်မုၣ်ဖိန့ၣ်တသ့ဝဲနီတစုဘၣ်.

လံာ်သိၣ်လီၤသီလီၤတၢ် 22:29

အဝဲကဘၣ်ဟ့ၣ်တၢ်အပှ့ၤလၢပိာ်မုၣ်ဖိသၣ်န့ၣ်အဂီၢ်ဆူအပၢ်အအိၣ်စ့ညၣ်အဘ့ၣ်ယဲၢ်ဆံ, ဒီးပိာ်မုၣ်ဖိသၣ်ကဘၣ်ကဲထီၣ်အဝဲအမါလီၤ. အဂ့ၢ်ဒ်အံၤအဝဲဖီၣ်ဆူၣ်ပိာ်မုၣ်ဖိသၣ်န့ၣ်ဒ်သိးကအိၣ်ဃုာ်ဝဲအဃိလီၤ. လၢအတၢ်အိၣ်မူ ဒီတစိၤညါန့ၣ်, အဝဲမၤလီၤဖှၣ်အသးဒီးပိာ်မုၣ်ဖိသၣ်န့ၣ်တသ့ နီတစုဘၣ်. အဝဲကဘၣ်ဟ့ၣ်စ့အဘ့ၣ်ယဲၢ်ဆံဒ်တလးမူးပိာ်မုၣ်အပှ့ၤအသိးဆူ ပိာ်မုၣ်ဖိအပၢ်အအိၣ်, ဒီးပိာ်မုၣ်ဖိန့ၣ်ကဘၣ်ကဲထီၣ်အဝဲအ မါ, မ့ၢ်လၢအဝဲမၤဆူၣ်တ့ၢ်အီၤလၢကမံဃုာ်အိၣ်ဃုာ်ဒီးအီၤအဂီၢ် အဃိန့ၣ်လီၤ. ဖဲအဝဲအိၣ်မူဒံးဝဲအဆၢကတီၢ်န့ၣ်ပာ်မၢ်ကွံာ်ပိာ်မုၣ်ဖိန့ၣ် တသ့နီတစုဘၣ်.

လံာ်သိၣ်လီၤသီလီၤတၢ် 24:2

အန့ၣ်တစုပစံးဒၣ်ကလိာ်ပိာ်မုၣ်န့ၣ်ဖျီအသးဒီးပိာ်ခွါအဂၤ တဂၤန့ၣ်လီၤ.

လံာ်သိၣ်လီၤသီလီၤတၢ် 24:3

ဒီးပိာ်ခွါတဂၤအံၤစ့ၢ်ကီးပာ်လီၤအသးလၢအတသးလီလၢၤအီၤဘၣ်, အဃိအဝဲကွဲးလံာ်လီၤဖှၣ်တဖၣ်, ဒီးမၢအဟးထီၣ်ကွံာ်လၢအဟံၣ်န့ၣ်လီၤ. ဒီးပစံးဒၣ်ကလိာ်အဝၤ ခံဂၤတဂၤအံၤသံကွံာ်ဝဲလီၤ.