လံာ်သိၣ်လီၤသီလီၤတၢ် 23:9 - Sgaw Karen Common Bible

⁹ ဖဲသုအိၣ်ဆိးလၢတၢ်သူၣ်ဒဲအလီၢ်, ဖဲတၢ်ဒုးတၢ်ယၤအဆၢကတီၢ် န့ၣ်, သုဘၣ်ဟးဆှဲးတၢ်တမံၤလၢ်လၢ်လၢကမၤတကဆှီ သုဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 23:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 19:4

စီၤပၤယဟိၡၤဖးမ့ၢ်အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤဒၣ် လဲာ်, အဝဲလဲၤတၢ်က့ၤတၢ်တဘျီဘၣ်တဘျီလၢပှၤဂီၢ်မုၢ်အကျါစးထီၣ်လၢ ဝ့ၢ်ဘ့ၤၡဘၤလၢကလံၤထံးတခီ, တုၤဆူအ့ဖရဲၣ်အကစၢၢ်ကလိအကီၢ်အကတၢၢ်လၢကလံၤစိးတခီ, ဒ်သိးကကိးကဒါက့ၤပှၤဂီၢ်မုၢ်ဆူယွၤ, မိၢ်ပၢ်ဖံဖုလၢပျၢၤ တဖၣ်အကစၢ်ယွၤအအိၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:20

စီၤပၤဃံးစကံယၤမၤတ့ၢ်တၢ်လၢအဘၣ်ဒီးတၢ်လၢအမၤမုာ်အဝဲအ ယွၤ, ကစၢ်ယွၤအသးလၢကီၢ်ယူဒၤဒီတကီၢ်ညါအပူၤန့ၣ်လီၤ.

လံာ်ယၡါယၤ 56:3

ပှၤတခီဘီမုၢ်ဖိတဂၤလၢအပာ်ဖှိၣ်အသးဒီးယွၤအပှၤဂီၢ်မုၢ်န့ၣ် တကြၢးစံးဝဲလၢ, “ယွၤတပျဲယဘူၣ်တၢ်ဘါတၢ်ဒီးအပှၤ ဂီၢ်မုၢ်န့ၣ်ဘၣ်.” ပှၤတဂၤလၢတၢ်ဒ့ကွံာ်အဒံၣ်, တကြၢးဆိ ကမိၣ်ဝဲနီတစုလၢမ့ၢ်လၢအဖိအိၣ်တသ့ဘၣ်အဃိန့ၣ်, ကဲထီၣ်ပှၤဘၣ်ဃးဒီးကစၢ်ယွၤအပှၤဂီၢ်မုၢ်တသ့ဝဲနီတစုန့ၣ်ဘၣ်.

လံာ်လူၤကၣ် 3:14

ပှၤသုးဖိတနီၤသံကွၢ်စ့ၢ်ကီးအီၤ, “ပဝဲတခီလဲၣ် ပကဘၣ်မၤဒ်လဲၣ်.” အဝဲဒၣ်စံးဘၣ်အဝဲသ့ၣ်, “တဘၣ်ဟံးန့ၢ်ဆူၣ်ကျိၣ်စ့လၢပှၤအိၣ်မ့ၢ်ဂ့ၤ, မ့တမ့ၢ်, ပာ်တၢ်ကမၣ်ကဘျံးကဘျၣ်လၢပှၤတဂၤဂၤအလိၤမ့ၢ်ဂ့ၤ, နီတဂၤတဂ့ၤ. သူၣ်မံသးမံဒီးသုဘူးသုလဲတက့ၢ်.”

လံာ်သိၣ်လီၤသီလီၤတၢ် 23:10

ပှၤပိာ်ခွါတဂၤမ့ၢ်အိၣ်ဘၣ်ဖုးဒီးအတၢ်ယွၤလီၤဘၣ်ဃးဒီးပိာ် ခွါလၢမုၢ်နၤန့ၣ်ကဲထီၣ်ပှၤလၢအတကဆှီဘၣ်တဂၤအဃိကဘၣ်ဟးထီၣ် လၢပှၤသူၣ်ဒဲအလီၢ်အချၢန့ၣ်လီၤ.

လံာ်သိၣ်လီၤသီလီၤတၢ် 23:8

စးထီၣ်လၢအဝဲသ့ၣ်အစၢၤအသွဲၣ်တဖၣ်သၢစိၤတစိၤဒီးဆူညါန့ၣ် တၢ်ကဘၣ်ဂံၢ်ဃုာ်အီၤလၢယွၤအပှၤဂီၢ်မုၢ်အကျါန့ၣ်လီၤ.

လံာ်စီၤယိၤၡူ 6:18

ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.