လံာ်သိၣ်လီၤသီလီၤတၢ် 23:6 - Sgaw Karen Common Bible

⁶ ဖဲတၢ်ဆၢကတီၢ်လၢသုမ့ၢ်ဒံးဒၣ်ပှၤတကလုာ်န့ၣ်, မၤတၢ်နီတမံၤလၢသုကမၤစၢၤပှၤကလုာ်တဖၣ်အံၤမ့ၢ်ဂ့ၤမၤဘီၣ်ထီၣ်ညီထီၣ်အဝဲသ့ၣ်မ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 23:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:31

ဒီးမၢဝ့ၢ်အပှၤဂီၢ်မုၢ်တဖၣ်မၤတၢ်လၢထးဘူးသ့ၣ်တဖၣ်, ထးကြၢ်တဖၣ်, ဒီးထးကွါတဖၣ်ဒီးမၢဆူၣ်အဝဲသ့ၣ်လၢကမၤတၢ်ဖဲ တၢ်မၤဒၢးခီတဖၣ်အလီၢ်န့ၣ်လီၤ. ကယဲၢ်ဝ့ၢ်အဂၤတဖၣ်အပှၤဂီၢ်မုၢ်လၢကီၢ်ဧၣ်မိၣ်အပူၤန့ၣ်အဝဲမၢစ့ၢ်ကီးဝဲတမံၤဃီဒ်န့ၣ်လီၤ. အန့ၣ်ဝံၤဒီးအပှၤတဖၣ်ဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:12

ဘၣ်သ့ၣ်သ့ၣ်ယွၤကပာ်သူၣ်ပာ်သးလၢယတၢ်ကိၢ်တၢ်ဂီၤတဖၣ်ဒီးဟ့ၣ် လီၤယၤတၢ်ဆိၣ်ဂ့ၤတနီၤလၢကဟံးန့ၢ်ကွံာ်အဝဲအတၢ်ဆိၣ်အၢ အလီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤဧ့စြၤ 9:12

အဝဲသ့ၣ်တဲဘၣ်ပှၤလၢပမ့ၢ်အဲၣ်ဒိးအိၣ်မုာ်ဆိးပၢၤလၢကီၢ်အံၤ အပူၤဒီးဟ့ၣ်န့ၢ်သါပစၢၤပသွဲၣ်တဖၣ်လီၤစိၤလီၤထီဒီး, ပတဘၣ်ဆီဟံၣ်ဆီဃီဒီးပှၤဂီၢ်မုၢ်တဖၣ်န့ၣ်နီတစုဒီးမၤစၢၤ အဝဲသ့ၣ်လၢကဘီၣ်ထီၣ်ညီထီၣ်မ့ၢ်ဂ့ၤ, အိၣ်ဒီးတၢ်မၤနၢၤမ့ၢ်ဂ့ၤနီတစုဘၣ်.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 24:10

စီၤဘၤလးစှီၤအစုခိၣ်တဖၣ်လၢတၢ်သးဒိၣ်အပူၤဒီးစံးဘၣ်စီၤ ဘံးလၣ်, “ယကိးတ့ၢ်နၤလၢနကဆိၣ်အၢယဒုၣ်ယဒါတဖၣ်အဂီၢ်လီၤ. မ့မ့ၢ်ခဲအံၤတခီနဆိၣ်ဂ့ၤအီၤဒၣ်လဲာ်သၢစုန့ၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.