လံာ်သိၣ်လီၤသီလီၤတၢ် 23:4 - Sgaw Karen Common Bible

⁴ အဂ့ၢ်ဒ်အံၤ, ဖဲသုဟးထီၣ်လၢကီၢ်အဲၤကူပတူးအပူၤန့ၣ်, အဝဲသ့ၣ်ဂ့ၢ်လိာ်လၢကဟ့ၣ်သုတၢ်အီၣ်ဒီးထံလၢကျဲန့ၣ်လီၤ. ဒီးအဝဲသ့ၣ်ဒိးလဲစီၤဘဧိၢ်အဖိခွါစီၤဘံးလၣ်, လၢအမ့ၢ်ကီၢ်မ့းစပတၤမံ, ပှၤဝ့ၢ်ပသူၢ်ဖိတဂၤဒ်သိးကဆိၣ်အၢသု န့ၣ်လီၤ.

လံာ်သိၣ်လီၤသီလီၤတၢ် 23:4 Iomraidhean Croise

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤဧ့စြၤ 9:1

ဖဲတၢ်တဖၣ်အံၤဘၣ်တၢ်မၤဝံၤအီၤအလီၢ်ခံန့ၣ်, အံၣ်စရ့လးအပှၤဂီၢ်မုၢ်အခိၣ်အနၢ်တနီၤဟဲဒီးတဲဘၣ်ယၤလၢပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်တအိၣ်မၤလီၤဖးအသး ဒီးထံကီၢ်အိၣ်ဘူးအိၣ်တံၢ်တဖၣ်လၢအမ့ၢ်ဝဲကီၢ်ဧၣ်မိၣ်, ကီၢ်မိၤအး, ဒီးကီၢ်အဲၤကူပတူးအပှၤဂီၢ်မုၢ်တဖၣ်မ့ၢ်ဂ့ၤ, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤယဘူၣ်ဖိတဖၣ်, ဒီးပှၤအမိၢ်ဖိတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤတၢ်လၢအလီၤသးဘၣ်အၢတဖၣ်တမံၤဃီဒ်ပှၤဂီၢ်မုၢ်တဖၣ် အံၤမၤတ့ၢ်ဝဲအသိးန့ၣ်လီၤ.

လံာ်စီၤနဃ့မယၤ 13:2

တၢ်အံၤမ့ၢ်လၢပှၤဧၣ်မိၣ်ဖိဒီးပှၤမိၤအးဖိတဖၣ်အံၤတဟ့ၣ်ဘၣ် ပှၤအံၣ်စရ့လးဖိတဖၣ်လၢထံဒီးကိၣ်ဖဲအဝဲသ့ၣ်ဟးထီၣ်လၢကီၢ် အဲၤကူပတူးပူၤအခါအဃိန့ၣ်လီၤ. အခိၣ်တလိာ်အဝဲသ့ၣ်ဟ့ၣ်တိၢ်စ့ဆူစီၤဘံးလၣ်ဒ်သိးအကဆိၣ်အၢပှၤ အံၣ်စရ့လးဖိတဖၣ်, ဘၣ်ဆၣ်ပကစၢ်ယွၤလဲလိာ်ကွံာ်တၢ်ဆိၣ်အၢန့ၣ်ဆူတၢ်ဆိၣ်ဂ့ၤတမံၤလီၤ.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်ယဃ့းစက့လး 44:9

ယၤ, ယွၤပၢဘၣ်တၢ်ခဲလၢာ်ကစၢ်တဲဖျါလၢပှၤတခီ ဘီမုၢ်ဖိတဂၤလၢ်လၢ်လၢအတဒိးဘၣ်တၢ်ကူးတရံး, ပှၤတဂၤလၢ်လၢ်လၢအတစူၢ်ယၤဘၣ်န့ၣ်, တဟဲနုာ်ဘၣ်ဆူယတၢ်လုၢ်ဟံၣ်အပူၤဘၣ်. ပှၤတခီဘီမုၢ်ဖိတဂၤလၢအအိၣ်ဆိးလၢကီၢ်အံၣ်စရ့လး အပှၤဂီၢ်မုၢ်အကျါဒၣ်လဲာ်န့ၣ်တလဲၤနုာ် ဘၣ်ဝဲဆူယတၢ်လုၢ်ဟံၣ်အပူၤဘၣ်.”

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်တၢ်ဂံၢ် 22:17

ယကမၤဘျုးနၤထူးထူးတီၤတီၤဒီးမၤဒ်ကယဲၢ်နစံးနဲ အသိးန့ၣ်လီၤ. ဝံသးစူၤဟဲဒီးဆိၣ်အၢပှၤဂီၢ်မုၢ်အံၤလၢ ယဂီၢ်တက့ၢ်.”

လံာ်တၢ်ဂံၢ် 23:7

စီၤဘံးလၣ်ထုထီၣ်အတၢ်ကတိၤလၢဝံအကျိာ်စံးဝဲ, “ကီၢ်မိၤအးအစီၤပၤဘၤလးဟဲကိးန့ၢ်ယၤလၢကီၢ်စူၤရံအပူၤ, လၢမုၢ်ထီၣ်ကစၢၢ်ခိၣ်တဖၣ်ဒီးစံးဝဲ, ဟဲဒီးကတိၤတၢ်လၢယဂီၢ်တက့ၢ်. ပာ်လီၤတၢ်ဆိၣ်အၢတမံၤလၢကီၢ်အံၣ်စရ့လး အပှၤဂီၢ်မုၢ်အဖီခိၣ်တက့ၢ်.

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

လံာ်စီၤယိၤၡူ 24:9

ဝံၤဒီး, မိၤအးအစီၤပၤ, စီၤဘၤလးလၢအမ့ၢ်စီၤစံးပိၢ်အ ဖိခွါဒုးတၢ်ဒီးသုန့ၣ်လီၤ. အဝဲမၢလီၤပှၤလဲၤကိးန့ၢ်စီၤ ဘဧိၢ်အဖိခွါစီၤဘံးလၣ်လၢကဆိၣ်အၢသုအဂီၢ်န့ၣ်လီၤ.

၂ ပ့းတရူး 2:15

အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:11

ယတဟံးန့ၢ်ဘၣ်ယကိၣ်, ဒီးထံ, ဒီးဆၣ်ဖိကီၢ်ဖိတဖၣ်လၢယမၤသံ အီၤလၢယပှၤတံာ်ယယသိအဆူၣ်တဖၣ်အဂီၢ်, ဒီးဟ့ၣ်လီၤအီၤဆူပှၤတဖၣ်လၢအဟဲလၢလဲၣ်လၢယတသ့ၣ်ညါဘၣ်အီၤ အဂီၢ်န့ၣ်ဘၣ်.”