လံာ်သိၣ်လီၤသီလီၤတၢ် 23:3 - Sgaw Karen Common Bible

³ ပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤ, ဒီးပှၤလၢအလီၤစၢၤလီၤသွဲၣ်လၢအဝဲသ့ၣ်တုၤလီၤလၢပှၤအစိၤ တဆံဒၣ်လဲာ်န့ၣ်, တနုာ်လီၤဘၣ်ဆူယွၤအပှၤဂီၢ်မုၢ်အကျါနီတဂၤဘၣ်.

လံာ်သိၣ်လီၤသီလီၤတၢ် 23:3 Iomraidhean Croise

လံာ်စီၤနဃ့မယၤ 13:23

လၢအကတီၢ်အဝဲန့ၣ်ယထံၣ်ဘၣ်စ့ၢ်ကီးပှၤယူဒၤဖိပိာ်ခွါအါဂၤ ဟံးန့ၢ်အမါလၢပိာ်မုၣ်တဖၣ်လၢကီၢ်အၤစဒိး, ကီၢ်ဧၣ်မိၣ်ဒီးကီၢ်မိၤအးန့ၣ်လီၤ.

လံာ်စီၤနဃ့မယၤ 4:3

ဒီးပှၤဧၣ်မိၣ်ဖိစီၤတိၤဘံယၤဆၢထၢၣ်ဖဲန့ၣ်လၢအကပၤဒီးစံး ဝဲဒၣ် “ဝ့ၢ်ခိၣ်ဒူလၢအမၤဝဲန့ၣ်မ့ၢ်မနုၤလဲၣ်. ထွံၣ်ဟီၣ်ခိၣ်တဒုဒၣ်လဲာ်မၤလီၤပှီၢ်ကွံာ်သ့ဝဲဒၣ်န့ၣ်လီၤ.”

လံာ်စီၤနဃ့မယၤ 4:7

ဒီးတုၤစီၤစၤနဘၤလး, စီၤတိၤဘံယၤ, ပှၤဧ့ရ့းဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲဒၣ်လၢပအိၣ်ဒီးပတၢ်မၤအတၢ် လဲၤထီၣ်လဲၤထီလၢတၢ်ဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူ ဒီးတၢ်ဘၢၣ်ဖျိအိၣ်လၢဝ့ၢ်ခိၣ်ဒူဘၣ်တၢ်ကးတံၢ်အီၤန့ၣ်အဝဲ သ့ၣ်အသးထီၣ်ဝဲဒိၣ်ဒိၣ်ကလဲာ်န့ၣ်လီၤ.

လံာ်ယၡါယၤ 56:3

ပှၤတခီဘီမုၢ်ဖိတဂၤလၢအပာ်ဖှိၣ်အသးဒီးယွၤအပှၤဂီၢ်မုၢ်န့ၣ် တကြၢးစံးဝဲလၢ, “ယွၤတပျဲယဘူၣ်တၢ်ဘါတၢ်ဒီးအပှၤ ဂီၢ်မုၢ်န့ၣ်ဘၣ်.” ပှၤတဂၤလၢတၢ်ဒ့ကွံာ်အဒံၣ်, တကြၢးဆိ ကမိၣ်ဝဲနီတစုလၢမ့ၢ်လၢအဖိအိၣ်တသ့ဘၣ်အဃိန့ၣ်, ကဲထီၣ်ပှၤဘၣ်ဃးဒီးကစၢ်ယွၤအပှၤဂီၢ်မုၢ်တသ့ဝဲနီတစုန့ၣ်ဘၣ်.

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်မးသဲ 5:43

သုနၢ်ဟူတ့ၢ်လၢတၢ်စံးတ့ၢ်ဝဲ, ‘အဲၣ်နတံၤနသကိးတဖၣ် ဒီးသးဟ့နဒုၣ်နဒါတဖၣ်တက့ၢ်.’

လံာ်သိၣ်လီၤသီလီၤတၢ် 23:2

ပှၤတဂၤလၢ်လၢ်မ့ၢ်အိၣ်ဖျဲၣ်ထီၣ်လၢမိၢ်ပၢ်လၢတဒိးတ့ဒိးဖျီ အသးတဖၣ်မ့ၢ်ဂ့ၤ, ဒီးပှၤဟဲလီၤစၢၤလီၤသွဲၣ်လၢပှၤဒ်န့ၣ်အသိးမ့ၢ်ဂ့ၤတုၤလီၤ လၢပှၤအစိၤတဆံဒၣ်လဲာ်န့ၣ်, တနုာ်လီၤဘၣ်ဆူယွၤအပှၤဂီၢ်မုၢ်အကျါနီတဂၤဘၣ်.

လံာ်နီၢ်ရူၤသး 4:6

ပှၤတဂၤန့ၣ်စံးဆၢဝဲ, “မ့မ့ၢ်ဒ်န့ၣ်ဒီး, ယတပှ့ၤက့ၤအီၤလၢယ ဂီၢ်ဒၣ်ယဲဘၣ်. ယဖိယလံၤဒၣ်ယဲတမ့ၢ်ကန့ၢ်သါဘၣ်အီၤဘၣ်. ဟံးန့ၢ်ယလီၢ်လၢနဂီၢ်ဒၣ်နဲဒီးပှ့ၤက့ၤအီၤတက့ၢ်. ယတပှ့ၤက့ၤအီၤလၢၤဘၣ်.”