လံာ်သိၣ်လီၤသီလီၤတၢ် 23:23 - Sgaw Karen Common Bible

²³ ဘၣ်ဆၣ်ဒီးသုမ့ၢ်မၤတၢ်ဆိၣ်တမံၤဒ်သုတၢ်သးအိၣ်ဒၣ်ဝဲအသိး န့ၣ်မၤလီၤတံၢ်လၢသုကတိၢ်န့ၢ်ဖံးဃာ်အီၤတက့ၢ်.

လံာ်သိၣ်လီၤသီလီၤတၢ် 23:23 Iomraidhean Croise

စံးထီၣ်ပတြၢၤ 116:18

ယကဟ့ၣ်ယတၢ်အၢၣ်လီၤအီလီၤတဖၣ် ဆူယွၤလၢအပှၤဂီၢ်မုၢ်ခဲလၢာ်အမဲာ်ညါ,

စံးထီၣ်ပတြၢၤ 50:14

မ်တၢ်စံးဘျုးစံးဖှိၣ်အတၢ်ဟ့ၣ်န့ၣ် မ့ၢ်နတၢ်လုၢ်ထီၣ်ဆူကစၢ်ယွၤ, ဒီးဟ့ၣ်သ့တၢ်လၢာ်တဂၤလၢ ကယဲၢ်နတၢ်အၢၣ်လီၤခဲလၢာ်န့ၣ်တက့ၢ်.

တၢ်ကတိၤဒိ. 20:25

တချုးနအၢၣ်လီၤတၢ်လုၢ်မၤဘူၣ်တမံၤဆူကစၢ်ယွၤန့ၣ်, ဆိကမိၣ်တၢ်လီၤတံၢ်လီၤဆဲးတက့ၢ်. နကသးအုးက့ၤဘၣ်ဖုးလၢခံ န့ၣ်လီၤ.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်တၢ်ဂံၢ် 30:2

ဖဲပှၤတဂၤမၤတၢ်ဆိၣ်တမံၤလၢကဟ့ၣ်တၢ်တမံၤမံၤဆူယွၤအအိၣ်, မ့တမ့ၢ်မၤတၢ်ဆိၣ်တမံၤလၢကဟးဆှဲးတၢ်တမံၤမံၤဒီးအဝဲ တဘၣ်မၤဟးဂီၤအတၢ်အၢၣ်လီၤအီလီၤဘၣ်. မ့မ့ၢ်ကဘၣ်မၤတၢ်ကိးမံၤဒဲးလၢစံးတ့ၢ်ဝဲလၢကမၤဝဲန့ၣ်လီၤ.

လံာ်မးသဲ 5:33

လၢအပူၤကွံာ်န့ၣ်, သုနၢ်ဟူစ့ၢ်ကီးတၢ်စံးဘၣ်ပှၤ, ‘မၤဟးဂီၤနတၢ်အၢၣ်လီၤတဂ့ၤ. မၤလၢထီၣ်ပှဲၤထီၣ်တၢ်လၢနဆိၣ်လီၤနသးလၢယွၤလၢနကမၤ န့ၣ်တက့ၢ်.’

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

မၤတၢ် 23:21

ဘၣ်ဆၣ်ဒီးတဘၣ်ဒိကနၣ်အဝဲသ့ၣ်အကလုၢ်တဂ့ၤ. အဂ့ၢ်ဒ်အံၤ, ပှၤအိၣ်ဝဲဒၣ်အါန့ၢ်အဂၤလွံၢ်ဆံလၢအကအိၣ်ခိးခူသူၣ်အခိၣ်န့ၣ် လီၤ. အဝဲသ့ၣ်ဆိၣ်လီၤတ့ၢ်အသးလၢမ့ၢ်တမၤသံဘၣ်စီၤပီလူးန့ၣ် တအီၣ်တၢ်အီတၢ်နီတမံၤဘၣ်လီၤ. ခဲအံၤအဝဲသ့ၣ်အိၣ်ကတဲာ်ကတီၤအသးလၢအကမၤတၢ်တမံၤ အံၤဒီးအိၣ်ခိးဝဲဒ်သိးကနၢ်ဟူဘၣ်နကဟ့ၣ်တၢ်စံးဆၢဒ်လဲၣ် န့ၣ်လီၤ.”

လံာ်သိၣ်လီၤသီလီၤတၢ် 23:22

သုမ့ၢ်တမၤတၢ်ဆိၣ်တမံၤဒီးယွၤန့ၣ်, တမ့ၢ်ဘၣ်တၢ်ဒဲးဘးဘၣ်.

လံာ်သိၣ်လီၤသီလီၤတၢ် 23:24

တုၤသုဟးလၢကျဲဖိတဘိလၢပှၤတဂၤဂၤအစပံးလီၢ်အပူၤန့ၣ်, သုအီၣ်စပံးသၣ်တဖၣ်ဒ်သုအဲၣ်ဒိးအီၣ်အသိးသ့ဝဲ, ဘၣ်ဆၣ်ဒီးသုတဘၣ်က့ၤစိာ်အီၤနီတမံၤလၢသုတၢ်ပူၤတၢ်တ့ၤ အပူၤဘၣ်.

လံာ်စီၤယိၤၡူ 9:18

ဘၣ်ဆၣ်ဒီးပှၤအံၣ်စရ့လးဖိတဖၣ်မၤသံအဝဲသ့ၣ်တသ့ဘၣ်. မ့ၢ်လၢအဝဲသ့ၣ်အခိၣ်အနၢ်တဖၣ်ဆိၣ်လီၤတ့ၢ်လံအသးလၢယွၤ, အံၣ်စရ့လးအကစၢ်ယွၤ, အမံၤအပူၤအဃိန့ၣ်လီၤ. ပှၤဂီၢ်မုၢ်ခဲလၢာ်ကဒူးကဒ့ၣ်တၢ်ထီဒါပှၤခိၣ်ပှၤနၢ်တဖၣ်န့ၣ် လီၤ.

လံာ်ပှၤစံၣ်ညီၣ်ကွီၢ် 11:35

ဒီးဖဲအထံၣ်ဘၣ်အဖိမုၣ်န့ၣ်အဝဲဖှီယာ်အဆ့ကၤလၢတၢ်သးအုးအပူၤဒီးစံး, “အိ, ယဖိမုၣ်ဧၢ, နမၤသ့ၣ်ဖးယသးလီၤ. ဘၣ်မနုၤအဃိလၢနဘၣ်မ့ၢ်ပှၤမၤဘၣ်ဒိဆါယၤန့ၣ်လဲၣ်. ယမၤတ့ၢ်တၢ်အၢၣ်လီၤသညူးသပှၢ်ဆူယွၤဒီးယထုးက့ၤတသ့လၢၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.