လံာ်သိၣ်လီၤသီလီၤတၢ် 23:20 - Sgaw Karen Common Bible

²⁰ သုဃ့တၢ်အအ့ၣ်ထီၣ်သ့ဖဲသုဒုးလိၢ်လီၤတၢ်တမံၤလၢ်လၢ်ဆူ ပှၤတခီဘီမုၢ်ဖိတဖၣ်အအိၣ်, ဘၣ်ဆၣ်ဆူသုတံၤသကိးပှၤအံၣ်စရ့ လးဖိကဒဲကဒဲအအိၣ်န့ၣ်သုဃ့အအ့ၣ်ထီၣ်တသ့ဘၣ်. စူၢ်တၢ်သိၣ်တၢ်ဘျၢအံၤ, ဒီးယွၤသုကစၢ်ယွၤကဆိၣ်ဂ့ၤတၢ်လၢသု မၤတမံၤလၢ်လၢ်လၢကီၢ်လၢသုကလဲၤမၤန့ၢ်အီၤအပူၤန့ၣ်လီၤ.

လံာ်သိၣ်လီၤသီလီၤတၢ် 23:20 Iomraidhean Croise

လံာ်စီၤနဃ့မယၤ 5:7

ဒီးယပာ်လီၤယသးလၢယကမၤတၢ်န့ၣ်လီၤ. ယသိၣ်ဃီၣ်ပှၤခိၣ်ပှၤနၢ်တဖၣ်ဒီးပှၤကလုာ်အပဒိၣ်တဖၣ်ဒီးတဲဘၣ် အဝဲသ့ၣ်, “သုဆီၣ်ဘံၣ်ဆီၣ်ဘၢသုဒီပုၢ်ဝဲၢ်တဖၣ်န့ၣ်လီၤ.” ယကိးဖှိၣ်ပှၤဂီၢ်မုၢ်လၢတၢ်ဂ့ၢ်အံၤအဂီၢ်လီၤ.

စံးထီၣ်ပတြၢၤ 15:5

အဝဲသ့ၣ်တဒုးလိၢ်လီၤစ့လၢစ့အအ့ၣ်အဂီၢ်ဘၣ်. ဒီးတဟံးန့ၢ်ခိၣ်ဖးကဘျံးကဘျၣ်ထီဒါ ပှၤလၢအတၢ်ကမၣ်တအိၣ်န့ၣ်ဘၣ်. ပှၤလၢအမၤတၢ်ဒ်အံၤသ့ၣ်တဖၣ် တဟူးတဝးဘၣ်ဝဲနီတဘျီဘၣ်.

လံာ်တၢ်ဟးထီၣ်ကွံာ် 22:24

ဒီးယကသးဒိၣ်ထီၣ်ဒီးမၤသံကွံာ်သုလၢတၢ်ဒုးတၢ်ယၤန့ၣ်လီၤ. သုမါတဖၣ်ကကဲထီၣ်မုၣ်ကမဲ, ဒီးသုဖိတဖၣ်ကကဲထီၣ်ပှၤလၢအပၢ် တအိၣ်န့ၣ်လီၤ.

လံာ်တၢ်ဟးထီၣ်ကွံာ် 22:25

သုမ့ၢ်ဟ့ၣ်လိၢ်လီၤစ့ဆူယပှၤဂီၢ်မုၢ်လၢအဖှီၣ်အယာ်တဂၤလၢ်လၢ် န့ၣ်မၤသုသးဒ်ပှၤလိၢ်လီၤအီၣ်စ့တဖၣ်အသိးဒီးမၢဆူၣ်အီၤလၢ ကဟ့ၣ်စ့အအ့ၣ်တဂ့ၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယဃ့းစက့လး 18:8

အဝဲတဟ့ၣ်လိၢ်လီၤစ့လၢတၢ်အါထီၣ်အဂီၢ်ဘၣ်. အဝဲဂ့ၢ်လိာ်လၢကမၤတၢ်အၢတၢ်သီဒီးဟ့ၣ်ထီၣ်တၢ်စံၣ်ညီၣ်တီလၢ ကယဲၢ်တၢ်ဂ့ၢ်လိာ်ဘှီလိာ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:36

စ့အအ့ၣ်မ့ၢ်ဂ့ၤတၢ်အါထီၣ်မ့ၢ်ဂ့ၤဟံးန့ၢ်လၢအအိၣ်တဂ့ၤ. မ့မ့ၢ်သုဘၣ်ပျံၤသုကစၢ်ယွၤဒီးပျဲပှၤအံၣ်စရ့လးဖိကဒဲကဒဲဒီးသု အိၣ်မူဘူးဒီးသုတက့ၢ်.

လံာ်လူၤကၣ် 14:14

ဒီးနကဘၣ်တၢ်ဆိၣ်ဂ့ၤနၤလီၤ. အဂ့ၢ်ဒ်အံၤ, အဝဲသ့ၣ်ဟ့ၣ်ဆၢက့ၤနၤတသ့ဘၣ်. ဖဲပှၤဂ့ၤပှၤဝါတဖၣ်ဂဲၤဆၢထၢၣ်သမူထီၣ်က့ၤလၢတၢ်သံအဆၢ ကတီၢ်န့ၣ်, နကဘၣ်တၢ်ဟ့ၣ်ဘျုးက့ၤနၤလၢကစၢ်ယွၤလီၤ.”

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.

လံာ်သိၣ်လီၤသီလီၤတၢ် 15:10

ဟ့ၣ်အီၤတၢ်လၢတၢ်သဘျ့ဒီးလၢတၢ်တအဲၣ်လီၤသးအပူၤ, ဒီးယွၤကဆိၣ်ဂ့ၤသုလၢကယဲၢ်တၢ်လၢသုမၤအီၤခဲလၢာ်အပူၤန့ၣ်လီၤ.

လံာ်သိၣ်လီၤသီလီၤတၢ် 15:3

သုကထၢဖှိၣ်ဘၣ်တၢ်လၢပှၤတခီဘီမုၢ်ဖိတဂၤဘၣ်ဟ့ၣ်သုန့ၣ်လီၤ. မ့မ့ၢ်သုတဘၣ်ထၢဖှိၣ်တၢ်လၢသုပှၤဂီၢ်မုၢ်ကဒဲကဒဲအကျါတဂၤ ဂၤဘၣ်ဟ့ၣ်သုန့ၣ်ဘၣ်.

လံာ်သိၣ်လီၤသီလီၤတၢ် 28:12

အဝဲကဒုးစူၤလီၤတၢ်လၢအဆၢကတီၢ်ဒၣ်ဝဲအပူၤ, လၢအတၢ်ပာ်ဖှိၣ်အဟံၣ်အထူးအတီၤလၢအအိၣ်ဝဲလၢမူကပိာ်လိၤန့ၣ်, ဒီးဆိၣ်ဂ့ၤသုတၢ်မၤခဲလၢာ်တုၤဒၣ်လဲာ်, သုကဒုးလိၢ်ဘၣ်တၢ်ဆူပှၤအါကလုာ်, ဘၣ်ဆၣ်သုလိၢ်န့ၢ်တၢ်လၢအဝဲ သ့ၣ်တကလုာ်ဂ့ၤတကလုာ်ဂ့ၤအအိၣ်, အလီၢ်တအိၣ်ဘၣ်န့ၣ်လီၤ.