လံာ်သိၣ်လီၤသီလီၤတၢ် 23:19 - Sgaw Karen Common Bible

¹⁹ ဖဲသုဒုးလိၢ်လီၤကျိၣ်ဧိၤစ့ဧိၤမ့ၢ်ဂ့ၤ, တၢ်အီၣ်တၢ်အီမ့ၢ်ဂ့ၤ, တၢ်တမံၤလၢ်လၢ်မ့ၢ်ဂ့ၤဆူသုတံၤသကိးပှၤအံၣ်စရ့လးဖိကဒဲ ကဒဲအအိၣ်န့ၣ်, ဃ့က့ၤအီၤအအ့ၣ်ထီၣ်တဂ့ၤ.

လံာ်သိၣ်လီၤသီလီၤတၢ် 23:19 Iomraidhean Croise

စံးထီၣ်ပတြၢၤ 15:5

အဝဲသ့ၣ်တဒုးလိၢ်လီၤစ့လၢစ့အအ့ၣ်အဂီၢ်ဘၣ်. ဒီးတဟံးန့ၢ်ခိၣ်ဖးကဘျံးကဘျၣ်ထီဒါ ပှၤလၢအတၢ်ကမၣ်တအိၣ်န့ၣ်ဘၣ်. ပှၤလၢအမၤတၢ်ဒ်အံၤသ့ၣ်တဖၣ် တဟူးတဝးဘၣ်ဝဲနီတဘျီဘၣ်.

လံာ်တၢ်ဟးထီၣ်ကွံာ် 22:25

သုမ့ၢ်ဟ့ၣ်လိၢ်လီၤစ့ဆူယပှၤဂီၢ်မုၢ်လၢအဖှီၣ်အယာ်တဂၤလၢ်လၢ် န့ၣ်မၤသုသးဒ်ပှၤလိၢ်လီၤအီၣ်စ့တဖၣ်အသိးဒီးမၢဆူၣ်အီၤလၢ ကဟ့ၣ်စ့အအ့ၣ်တဂ့ၤ.

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယံးရမံယၤ 15:10

ယမ့ၢ်ပှၤတဂၤလၢအသးဘၣ်ဖှီၣ်လီၤ. ဘၣ်မနုၤအဃိယမိၢ် ဆံးစၢ်ထီၣ်ယၤလၢဟီၣ်ခိၣ်ချၢအံၤန့ၣ်လဲၣ်. ယဘၣ်အ့ၣ်လိာ် ယသးဒီးဂ့ၢ်လိာ်တၢ်ဒီးပှၤကိးဂၤဒဲးလၢကီၢ်အံၤအပူၤန့ၣ်လီၤ. ယတဟ့ၣ်လိၢ်လီၤစ့မ့ၢ်ဂ့ၤ, ဃ့လိၢ်စ့မ့ၢ်ဂ့ၤနီတမံၤဘၣ်. အန့ၣ်ဒၣ်လဲာ်, ပှၤကိးဂၤဒဲးဆိၣ်အၢယၤန့ၣ်လီၤ.

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.