လံာ်သိၣ်လီၤသီလီၤတၢ် 23:17 - Sgaw Karen Common Bible

¹⁷ ဒီးပှၤအံၣ်စရ့လးဖိအပိာ်ခွါမ့ၢ်ဂ့ၤ, အပိာ်မုၣ်မ့ၢ်ဂ့ၤ, တဘၣ်ကဲထီၣ်တၢ်လုၢ်လီၢ်အပှၤဃဲသဲမုၣ်နီတဂၤဘၣ်.

လံာ်သိၣ်လီၤသီလီၤတၢ် 23:17 Iomraidhean Croise

လံာ်စီၤပၤအခီၣ်ထံးတဘ့ၣ် 14:24

တၢ်အၢအဒိၣ်ကတၢၢ်လၢတၢ်ခဲလၢာ်အဖီခိၣ်မ့ၢ်, လၢပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်, ပှၤပိာ်ခွါတဖၣ်ဒီးပှၤပိာ်မုၣ်တဖၣ်အိၣ်ဝဲလၢအမၤတၢ်ဒ်ပှၤဃဲ သဲမုၣ်တဖၣ်အသိးန့ၣ်လီၤ. ကီၢ်ယူဒၤအပှၤဂီၢ်မုၢ်မၤကယဲၢ်တၢ်လီၤသးဘၣ်အၢတဖၣ်လၢပှၤဂီၢ် မုၢ်လၢယွၤနီၣ်ထီၣ်ဟီထီၣ်ကွံာ်အီၤလၢကီၢ်ပူၤမၤတ့ၢ်ဝဲန့ၣ် လီၤ. ယွၤနီၣ်ထီၣ်ဟီထီၣ်ကွံာ်တ့ၢ်ပှၤဂီၢ်မုၢ်တဖၣ်အံၤဖဲပှၤအံၣ်စရ့ လးဖိတဖၣ်ဟဲနုာ်ဆူကီၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:12

လၢထံကီၢ်အပူၤန့ၣ်အဝဲဟီထီၣ်ကွံာ်ကယဲၢ်ပှၤဃဲသဲမုၣ်ပိာ်ခွါ ဒီးပိာ်မုၣ်တဖၣ်လၢအမၤတၢ်ဖဲပှၤတစူၢ်တနာ်ယွၤအတၢ်ဘါလီၢ်တဖၣ် ဒီးအဝဲသုးကွံာ်ကယဲၢ်တၢ်ဂီၤတၢ်ဖီၣ်တဖၣ်လၢပှၤလၢအဝဲအမဲာ်ညါ တဖၣ်မၤထီၣ်တ့ၢ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:46

ကယဲၢ်ပှၤပိာ်ခွါဒီးပှၤပိာ်မုၣ်လၢအမၤတၢ်ဒ်ပှၤဃဲသဲမုၣ်တဖၣ် အသိးလၢပှၤဘါတၢ်ဂီၤတၢ်ဖီၣ်အတၢ်လုၢ်လီၢ်တဖၣ်, လၢအအိၣ်လီၤတဲာ်တ့ၢ်ဒံးလၢအဝဲအပၢ်စီၤအၤစါအမုၢ်နံၤတဖၣ် န့ၣ်, အဝဲနီၣ်ထီၣ်ကွံာ်ဝဲခဲလၢာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:7

တၢ်အိၣ်တၢ်ဆိးအလီၢ်တဖၣ်လၢယွၤအတၢ်လုၢ်ဟံၣ်အပူၤ, လၢတၢ်လုၢ်ဟံၣ်အဃဲသဲမုၣ်တဖၣ်အိၣ်ဆိးဝဲန့ၣ်, အဝဲမၤဟးဂီၤကွံာ်ဝဲန့ၣ်လီၤ. (ဖဲတၢ်လီၢ်အံၤန့ၣ်, ပှၤပိာ်မုၣ်တဖၣ်ထါဝဲဆ့ကၤဖးထီတဖၣ်လၢ အဘၣ်တၢ်သူအီၤလၢတၢ်ဘူၣ်ထီၣ်ဘါထီၣ်ကစၢ်မုၣ်အၡ့ရၤအပူၤန့ၣ် လီၤ.)

လံာ်စီၤယိၤဘး 36:14

အဝဲသ့ၣ်သံဖဲအသးစၢ်ဒံးအခါ, ဒီးအတၢ်အိၣ်မူလၢာ်ကွံာ်ဝဲ ဒ်ပှၤလီၤသးဘၣ်အၢအိၣ်လၢတၢ်လုၢ်ဟံၣ်ပူၤတဖၣ်အသိးန့ၣ်လီၤ.

တၢ်ကတိၤဒိ. 2:16

နမၤပူၤဖျဲးနသးထီဒါပိာ်မုၣ်ဟးဂီၤလၢအကျဲးစၢးကလံာ်န့ၢ်နၤ ခီဖျိအတၢ်ကတိၤလၢအဘျ့ဝဲ,

လံာ်ဟိၤၡ့ 4:14

လၢတၢ်အံၤအဃိဒၣ်လဲာ်, ယတစံၣ်ညီၣ်အဝဲသ့ၣ်ဘၣ်. အဂ့ၢ်ဒ်အံၤ, သုဝဲဒၣ်, သုကစၢ်ဒၣ်ဝဲ, သုလဲၤသကိးတၢ်ဒီးတၢ်လုၢ်ထီၣ်ဃုာ်တၢ်ဘါတၢ်ဂီၤတၢ်ဖီၣ် အတၢ်လုၢ်တၢ်ပာ်တဖၣ်ဒီးအဝဲသ့ၣ်န့ၣ်လီၤ. ဒ်တၢ်ကတိၤဒိစံးဝဲအသိးပှၤဂီၢ်မုၢ်လၢအတအိၣ်ဒီးစ့ၣ်ဘၣ်န့ၣ်, တၢ်မၤဟးဂီၤကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 19:29

သုတမၤဟးဂီၤသုဖိမုၣ်တဖၣ်လၢကကဲထီၣ်ဃဲသဲမုၣ်လၢတၢ်လုၢ်ဟံၣ်အပူၤတဂ့ၤ. သုမ့ၢ်မၤဒ်န့ၣ်ဒီးသုကကဲထီၣ်ပှၤဃၣ်အသးဆူကစၢ်အဂၤတဖၣ်အအိၣ် ဒီးကီၢ်အံၤကပှဲၤဒီးတၢ်အၢတၢ်သီန့ၣ်လီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

လံာ်သိၣ်လီၤသီလီၤတၢ် 22:21

အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 22:29

အဝဲကဘၣ်ဟ့ၣ်တၢ်အပှ့ၤလၢပိာ်မုၣ်ဖိသၣ်န့ၣ်အဂီၢ်ဆူအပၢ်အအိၣ်စ့ညၣ်အဘ့ၣ်ယဲၢ်ဆံ, ဒီးပိာ်မုၣ်ဖိသၣ်ကဘၣ်ကဲထီၣ်အဝဲအမါလီၤ. အဂ့ၢ်ဒ်အံၤအဝဲဖီၣ်ဆူၣ်ပိာ်မုၣ်ဖိသၣ်န့ၣ်ဒ်သိးကအိၣ်ဃုာ်ဝဲအဃိလီၤ. လၢအတၢ်အိၣ်မူ ဒီတစိၤညါန့ၣ်, အဝဲမၤလီၤဖှၣ်အသးဒီးပိာ်မုၣ်ဖိသၣ်န့ၣ်တသ့ နီတစုဘၣ်. အဝဲကဘၣ်ဟ့ၣ်စ့အဘ့ၣ်ယဲၢ်ဆံဒ်တလးမူးပိာ်မုၣ်အပှ့ၤအသိးဆူ ပိာ်မုၣ်ဖိအပၢ်အအိၣ်, ဒီးပိာ်မုၣ်ဖိန့ၣ်ကဘၣ်ကဲထီၣ်အဝဲအ မါ, မ့ၢ်လၢအဝဲမၤဆူၣ်တ့ၢ်အီၤလၢကမံဃုာ်အိၣ်ဃုာ်ဒီးအီၤအဂီၢ် အဃိန့ၣ်လီၤ. ဖဲအဝဲအိၣ်မူဒံးဝဲအဆၢကတီၢ်န့ၣ်ပာ်မၢ်ကွံာ်ပိာ်မုၣ်ဖိန့ၣ် တသ့နီတစုဘၣ်.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”