လံာ်သိၣ်လီၤသီလီၤတၢ် 22:30 - Sgaw Karen Common Bible

³⁰ ပှၤတဘၣ်မၤမဲာ်ဆှးအပၢ်နီတဂၤခီဖျိမံဃုာ်အိၣ်ဃုာ်ဒီးအဝဲ အပၢ်အမါတဖၣ်အကျါတဂၤဂၤအဃိန့ၣ်ဘၣ်.

လံာ်သိၣ်လီၤသီလီၤတၢ် 22:30 Iomraidhean Croise

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:8

မၤမဲာ်ဆှးနပၢ်လၢတၢ်မံဃုာ်ဒီးနပၢ်အမါအဂုၤအဂၤတဂၤလၢ်လၢ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:11

ဒီးပှၤလၢအမံဃုာ်ဒီးအပၢ်အမါတဂၤန့ၣ်မ့ၢ်အမၤမဲာ်ဆှးအပၢ်လီၤ. ဒီးကဘၣ်တၢ်မၤသံကွံာ်အီၤခံဂၤလိာ်န့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

လံာ်သိၣ်လီၤသီလီၤတၢ် 22:29

အဝဲကဘၣ်ဟ့ၣ်တၢ်အပှ့ၤလၢပိာ်မုၣ်ဖိသၣ်န့ၣ်အဂီၢ်ဆူအပၢ်အအိၣ်စ့ညၣ်အဘ့ၣ်ယဲၢ်ဆံ, ဒီးပိာ်မုၣ်ဖိသၣ်ကဘၣ်ကဲထီၣ်အဝဲအမါလီၤ. အဂ့ၢ်ဒ်အံၤအဝဲဖီၣ်ဆူၣ်ပိာ်မုၣ်ဖိသၣ်န့ၣ်ဒ်သိးကအိၣ်ဃုာ်ဝဲအဃိလီၤ. လၢအတၢ်အိၣ်မူ ဒီတစိၤညါန့ၣ်, အဝဲမၤလီၤဖှၣ်အသးဒီးပိာ်မုၣ်ဖိသၣ်န့ၣ်တသ့ နီတစုဘၣ်. အဝဲကဘၣ်ဟ့ၣ်စ့အဘ့ၣ်ယဲၢ်ဆံဒ်တလးမူးပိာ်မုၣ်အပှ့ၤအသိးဆူ ပိာ်မုၣ်ဖိအပၢ်အအိၣ်, ဒီးပိာ်မုၣ်ဖိန့ၣ်ကဘၣ်ကဲထီၣ်အဝဲအ မါ, မ့ၢ်လၢအဝဲမၤဆူၣ်တ့ၢ်အီၤလၢကမံဃုာ်အိၣ်ဃုာ်ဒီးအီၤအဂီၢ် အဃိန့ၣ်လီၤ. ဖဲအဝဲအိၣ်မူဒံးဝဲအဆၢကတီၢ်န့ၣ်ပာ်မၢ်ကွံာ်ပိာ်မုၣ်ဖိန့ၣ် တသ့နီတစုဘၣ်.

လံာ်သိၣ်လီၤသီလီၤတၢ် 27:20

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤမဲာ်ဆှးအပၢ်ခီဖျိမံဃုာ်ဒီးအပၢ်အမါတဖၣ်အကျါတဂၤ ဂၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်နီၢ်ရူၤသး 3:9

ဒီးစံးဝဲဒၣ်, “နမ့ၢ်မတၤလဲၣ်.” ပိာ်မုၣ်န့ၣ်စံးဆၢဝဲ, “ယမ့ၢ်နကုၢ်ပိာ်မုၣ်နီၢ်ရူၤသးလီၤ. ဒုးလုးစ့ၢ်ကီးယၤလၢ နယၣ်လုးတက့ၢ်. အဂ့ၢ်ဒ်အံၤ, နမ့ၢ်ပှၤလၢအဘူးအတံၢ်တဂၤ, ပှၤလၢအမူအဒါအိၣ်လၢကအံးထွဲကွၢ်ထွဲက့ၤယၤအဂီၢ်န့ၣ်လီၤ.”