လံာ်သိၣ်လီၤသီလီၤတၢ် 22:21 - Sgaw Karen Common Bible

²¹ အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 22:21 Iomraidhean Croise

လံာ်တၢ်ကဲထီၣ်အခီၣ်ထံး 34:7

ဖဲစီၤယၤကိာ်အဖိခွါတဖၣ်ဟဲက့ၤတုၤဝဲလၢပျီပူၤန့ၣ်လီၤ. တုၤအဝဲသ့ၣ်နၢ်ဟူတၢ်ဂ့ၢ်န့ၣ်ဒီးအဝဲသ့ၣ်အသးဘၣ်ဒိဘၣ်ထံး ဒီးအတၢ်သးဒိၣ်ကဲၤထီၣ်ဝဲလၢစီၤၡက့ၣ်မၤတ့ၢ်လံတၢ်တမံၤလၢ အမၤဘၣ်ဒုၣ်ဒွဲၣ်တ့ၢ်အံၣ်စရ့လးအပှၤဂီၢ်မုၢ်ခီဖျိမၤဆူၣ်မၤ စိးစီၤယၤကိာ်အဖိမုၣ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 38:24

သၢလါဝံၤအလီၢ်ခံန့ၣ်, ပှၤတဂၤစံးဘၣ်စီၤယူဒၤ, “နဒဲၣ်မုၣ်နီၢ်တၤမၢ်မၤအသးဒ်ပှၤဃဲသဲမုၣ်တဂၤအသိးဒီးခဲ ကနံၣ်အံၤဒၢထီၣ်ဝဲလံ.” စီၤယူဒၤဟ့ၣ်လီၤအကလုၢ်, “ဟံးထီၣ်အီၤဒီးဒွဲၣ်သံကွံာ် အီၤလၢမ့ၣ်အူတက့ၢ်.”

လံာ်တၢ်ဘူၣ်ထီၣ်ဘါထီၣ် 19:29

သုတမၤဟးဂီၤသုဖိမုၣ်တဖၣ်လၢကကဲထီၣ်ဃဲသဲမုၣ်လၢတၢ်လုၢ်ဟံၣ်အပူၤတဂ့ၤ. သုမ့ၢ်မၤဒ်န့ၣ်ဒီးသုကကဲထီၣ်ပှၤဃၣ်အသးဆူကစၢ်အဂၤတဖၣ်အအိၣ် ဒီးကီၢ်အံၤကပှဲၤဒီးတၢ်အၢတၢ်သီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:9

ဒီးပှၤလုၢ်တၢ်အခိၣ်တဂၤအဖိမုၣ်မ့ၢ်ကဲထီၣ်ဃဲသဲမုၣ်န့ၣ်ဒီးမ့ၢ်အ မၤမဲာ်ဆှးအပၢ်လီၤ. ဒီးကဘၣ်တၢ်ဆိၣ်ထီၣ်ကွံာ်အီၤလၢမ့ၣ်အူန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:16

ဒီးပှၤလၢအဒုၣ်ဒွဲၣ်ယွၤအမံၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကယဲၢ်ပှၤအံၣ်စရ့လးဖိတဂၤဂၤမ့ၢ်ဂ့ၤပှၤတခီဘီ မုၢ်ဖိတဂၤဂၤမ့ၢ်ဂ့ၤလၢအဆိၣ်အၢယွၤန့ၣ်ကဘၣ်တၢ်ကွံာ်သံအီၤ လၢလၢၢ်လၢပှၤကမျၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:23

ဒီးဖဲစီၤမိၤၡ့စံးဘၣ်တဲဘၣ်ပှၤအံၣ်စရ့လးဖိဝံၤဝဲန့ၣ်, အဝဲသ့ၣ်ဟဲစိာ်ထီၣ်ပှၤတဂၤလၢအဆိၣ် အၢယွၤန့ၣ်ဆူတၢ်သူၣ်ဒဲလီၢ်အချၢဒီးကွံာ်သံအီၤလၢလၢၢ်န့ၣ်လီၤ. အအံၤမ့ၢ်တၢ်လၢပှၤအံၣ်စရ့လးဖိမၤဝဲဒ်ယွၤမၤလိာ်စီၤမိၤၡ့အသိးန့ၣ်လီၤ.

လံာ်သိၣ်လီၤသီလီၤတၢ် 13:10

ကွံာ်သံအီၤလၢလၢၢ်တက့ၢ်. အဝဲကျဲးစၢးဆှၢယံၤကွံာ်သု လၢယွၤသုကစၢ်ယွၤအအိၣ်, ယွၤတဂၤလၢအမၤပူၤဖျဲးသု လၢကီၢ်အဲၤကူပတူး, ဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 13:5

မ့မ့ၢ်မၤသံကွံာ်ပှၤဖးတၢ်မံမီၢ်တဖၣ်အခီပညီတဂၤလၢ်လၢ်မ့ တမ့ၢ်ဝံတဂၤလၢအတဲဘၣ်သုလၢသုကပူထီၣ်ထီဒါယွၤ, လၢအမၤပူၤဖျဲးသုလၢကီၢ်အဲၤကူပတူးအပူၤတၢ်လီၢ်ဖဲသုမ့ၢ်တ့ၢ်ကုၢ်တဖၣ်န့ၣ်တက့ၢ်. ပှၤဒ်အံၤတဂၤန့ၣ်အၢဝဲသီဝဲဒီးကျဲးစၢးဆှၢကွံာ်သုလၢတၢ် အိၣ်မူလၢယွၤမၤလိာ်တ့ၢ်သုလၢသုကအိၣ်မူအီၤန့ၣ်လီၤ. အဝဲကြၢးဘၣ်တၢ်မၤသံအီၤဒ်သိးသုကမၤပူၤဖျဲးသုသးလၢတၢ် အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 17:5

အန့ၣ်တစု, ဟဲစိာ်ပှၤတဂၤန့ၣ်, ဆူဝ့ၢ်အချၢဒီးကွံာ်သံအီၤလၢ လၢၢ်တက့ၢ်.

လံာ်သိၣ်လီၤသီလီၤတၢ် 17:7

ပှၤအုၣ်အသးတဖၣ်ကဘၣ်တၢ်ကွံာ်ဆိအီၤလၢလၢၢ်တဖၣ်ဝံၤဒီးပှၤဂီၢ်မုၢ် အဂၤလၢအအိၣ်လီၤတဲာ်တဖၣ်ကကွံာ်အီၤလၢလၢၢ်န့ၣ်လီၤ. လၢကျဲအံၤန့ၣ်, သုကမၤပူၤဖျဲးသုသးဒီးတၢ်အၢတၢ်သီ တမံၤအံၤန့ၣ်လီၤ.

လံာ်သိၣ်လီၤသီလီၤတၢ် 19:19

အဝဲကဘၣ်ဒိးန့ၢ်တၢ်စံၣ်ညီၣ်လၢပှၤအုၣ်အသးကဘျံးကဘျၣ်တဂၤကြၢး ဒိးန့ၢ်ဘၣ်ဝဲန့ၣ်လီၤ. လၢကျဲဒ်သိးအံၤန့ၣ်, သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 21:21

ဝံၤဒီးဝ့ၢ်အပှၤကညီတဖၣ်ကဘၣ်ကွံာ်သံအီၤလၢလၢၢ်, ဒီးသုကပူၤဖျဲးလၢတၢ်အၢတၢ်သီအံၤန့ၣ်လီၤ. ပှၤကိးဂၤဒဲးလၢကီၢ်အံၣ်စရ့လးအပူၤကနၢ်ဟူဘၣ်တၢ်မၤတ့ၢ်အသး ဒီးပျံၤတၢ်န့ၣ်လီၤ.

လံာ်သိၣ်လီၤသီလီၤတၢ် 22:22

ပိာ်ခွါတဂၤမ့ၢ်ဘၣ်တၢ်ဖီၣ်န့ၢ်အီၤလၢအမံဃုာ်ဒီးပှၤအဂၤတဂၤ အမါအဃိန့ၣ်, အဝဲသ့ၣ်ခံဂၤလိာ်ကဘၣ်တၢ်မၤသံကွံာ်အီၤန့ၣ်လီၤ. လၢကျဲဒ်သိးအံၤန့ၣ်သုကပူၤဖျဲးဒီးတၢ်အၢတၢ်သီ အံၤန့ၣ်လီၤ.

လံာ်သိၣ်လီၤသီလီၤတၢ် 22:24

သုကဘၣ်ထုးထီၣ်ကွံာ်အဝဲသ့ၣ်ဆူဝ့ၢ်အချၢဒီးကွံာ်သံအီၤလၢလၢၢ်န့ၣ်လီၤ. ပိာ်မုၣ်ဖိန့ၣ်ကဘၣ်သံဝဲမ့ၢ်လၢအဝဲတကိးထီၣ်ဃ့လၢတၢ်မၤစၢၤအဂီၢ်, ဖဲအဝဲအိၣ်ဒၣ်လၢဝ့ၢ်တဖျၢၣ်အပူၤ, တၢ်လီၢ်ဖဲအဝဲကိးပှၤနၢ်ဟူအီၤသ့ဝဲအဃိန့ၣ်လီၤ. ဒီးပိာ်ခွါန့ၣ်ကဘၣ်သံဝဲမ့ၢ်လၢအမံဃုာ်အိၣ်ဃုာ်ဒီးပိာ်မုၣ် ဖိတဂၤလၢအမၤတၢ်တ့တၢ်ဖျီအတၢ်အၢၣ်လီၤဝံၤလံအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီၤအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:23

ဘၣ်ဆၣ်ဒီးပှၤသးပှၢ်န့ၣ်လဲၤထီၣ်ဆူခိဒီးစံးဘၣ်အဝဲသ့ၣ်, “တံၤသကိးသ့ၣ်ဧၢ, ဝံသးစူၤတဘၣ်မၤတၢ်အၢတၢ်သီဒ်န့ၣ် တမံၤတဂ့ၤ. အဝဲအံၤမ့ၢ်ယပှၤတမှံၤလီၤ.

လံာ်ပှၤစံၣ်ညီၣ်ကွီၢ် 20:10

ပှၤဆံဆဲၣ်ပူတပူၤလၢအံၣ်စရ့လးအပူၤကဟ့ၣ်တၢ်အီၣ်တၢ်အီလၢ သုးမုၢ်အဂီၢ်ဒီးပှၤအဂၤတဖၣ်န့ၣ်ကလဲၤစံၣ်ညီၣ်ကံဘဧၤ လၢအတၢ်ဒဲးဘးလၢအမၤတ့ၢ်ဝဲလၢအံၣ်စရ့လးအပူၤအဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 20:5

ဒီးပှၤကံဘဧၤဖိတဖၣ်ဟဲကဝီၤဃးဟံၣ်လၢမုၢ်နၤန့ၣ်လၢကမၤန့ၢ် ယၤအဂီၢ်လီၤ. အဝဲသ့ၣ်တိာ်သူၣ်ပာ်သးလၢကမၤသံယၤနာ်သက့ အဝဲသ့ၣ်မၤတရီတပါယသံၣ်မါဒီးပိာ်မုၣ်န့ၣ်သံဝဲလီၤ.

လံာ်ပှၤစံၣ်ညီၣ်ကွီၢ် 20:6

ဒီးယဟံးန့ၢ်ပိာ်မုၣ်အစိၣ်န့ၣ်ဒီးဒီၣ်တဲာ်အီၤတကူာ်တကူာ်ဒီး ဆှၢလီၤဆူအံၣ်စရ့လးအဒူၣ်တဖၣ်တကူာ်စုာ်စုာ်န့ၣ်လီၤ. ပှၤတဖုအံၤမၤတ့ၢ်တၢ်အၢတၢ်သီဒီးတၢ်ဒဲးဘးလၢပကျါလီၤ.