လံာ်သိၣ်လီၤသီလီၤတၢ် 22:1 - Sgaw Karen Common Bible

¹ သုမ့ၢ်ထံၣ်ဘၣ်သုပှၤအံၣ်စရ့လးဖိကဒဲကဒဲတဂၤအဂီၤဖံးမ့တ မ့ၢ်, သိမ့ၢ်ဂ့ၤထူၣ်ဖျဲးကွံာ်ဒီး, ကွၢ်ကပာ်ကွံာ်အီၤတဂ့ၤ. က့ၤစိာ်ကဒါက့ၤအီၤဆူအကစၢ်အအိၣ်တက့ၢ်.

လံာ်သိၣ်လီၤသီလီၤတၢ် 22:1 Iomraidhean Croise

တၢ်ကတိၤဒိ. 24:11

ယုာ်နသးလၢနကမၤပူၤဖျဲးပှၤတဂၤလၢကဘၣ်တၢ်မၤသံအီၤလၢတၢ် စံၣ်ညီၣ်တတီဘၣ်အပူၤန့ၣ်တဂ့ၤ.

တၢ်ကတိၤဒိ. 27:10

သးပ့ၤနီၣ်နတံၤသကိးတဖၣ်ဒီးနပၢ်အတံၤသကိးတဖၣ်တဂ့ၤ. နမ့ၢ်အိၣ်လၢတၢ်ကိၢ်တၢ်ဂီၤအပူၤဒီးဃ့နဒီပုၢ်ဝဲၢ်အတၢ်မၤစၢၤ တဂ့ၤ. ပှၤလၢနဃၢၤလၢအအိၣ်ဘူးဒီးနၤတဂၤမၤစၢၤနၤက သ့အါန့ၢ်ဒံးနဒီပုၢ်ဝဲၢ်လၢအအိၣ်ယံၤတဂၤတက့ၢ်န့ၣ်လီၤ.

တၢ်ကတိၤဒိ. 28:27

ဟ့ၣ်တၢ်လၢပှၤဖှီၣ်ဖိယာ်ဖိတက့ၢ်. တၢ်လိၣ်ဒီးနၤတအိၣ်လၢၤနီ တစုဘၣ်. နမ့ၢ်ဃၣ်ကွံာ်နမဲာ်လၢပှၤဖှီၣ်ဖိယာ်ဖိဒီး, ပှၤအါဂၤကဆိၣ်အၢနၤလီၤ.

လံာ်ယၡါယၤ 58:7

နီၤဟ့ၣ်သုတၢ်အီၣ်တၢ်အီဒီးပှၤလၢတၢ်သၣ်ဝံၤအသးဒီး အိးထီၣ်သုဟံၣ်သုဃီတဖၣ်လၢပှၤအဖှီၣ်လၢအဟံၣ် အဃီတအိၣ်တဖၣ်အဂီၢ်တက့ၢ်. ဟ့ၣ်တၢ်ကူတၢ်သိးတဖၣ်ဆူပှၤလၢ ကကူကၤတၢ်တအိၣ်နီတမံၤတဖၣ်အအိၣ်, ဒီးသးပ့ၤနီၣ် မၤစၢၤသုဘူးသုတံၢ်ဒၣ်ဝဲတဖၣ်စ့ၢ်ကီးတဂ့ၤ.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယဃ့းစက့လး 34:16

ယကဃုက့ၤသိလၢအလီၤမၢ်တဖၣ်, ဟဲက့ၤစိာ်ကဒါက့ၤသိလၢ အဟးဖျိးကျဲတဖၣ်, ဘိၣ်ဘံထီၣ်သိလၢအဘၣ်ဒိဘၣ်ထံးတဖၣ် ဒီးမၤဘျါက့ၤသိလၢအဆူးအဆါတဖၣ်န့ၣ်လီၤ. ဘၣ်ဆၣ်သိ လၢအဘီၣ်ဒီးအဂံၢ်ဘါဆူၣ်တဖၣ်န့ၣ်ယကမၤဟးဂီၤကွံာ်အီၤန့ၣ်လီၤ. အဂ့ၢ်ဒ်အံၤ, ယမ့ၢ်ပှၤကွၢ်သိတဂၤလၢအမၤတၢ်အဘၣ်န့ၣ်လီၤ.

လံာ်ယဃ့းစက့လး 34:4

သုတအံးထွဲကွၢ်ထွဲဘၣ်သိလၢအဂံၢ်စၢ်ဘါစၢ်တဖၣ်, တမၤဘျါဘၣ်သိလၢအဆူးအဆါတဖၣ်, တဘိၣ်ဘံသိလၢအဘၣ်ဒိဘၣ်ထံးတဖၣ်, တဟဲက့ၤစိာ်ကဒါက့ၤသိလၢအဟးဖျိးတဖၣ်မ့တမ့ၢ် ဃုက့ၤသိလၢအဟါမၢ်တဖၣ်န့ၣ်ဘၣ်. အခိၣ်တလိာ်သုမၤဘၣ်အဝဲသ့ၣ်အၢအၢသီသီတ အိၣ်ဒီးတၢ်သးကညီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:4

ဘၣ်ဆၣ်ဒီးပှၤဂီၢ်မုၢ်မ့ၢ်ကွၢ်ကပာ်ကွံာ်တၢ်လၢအမၤဝဲဒီးတမၤသံကွံာ်အီၤဘၣ်န့ၣ်,

လံာ်တၢ်ဘူၣ်ထီၣ်ဘါထီၣ် 6:3

ကတိၤကဘျံးကဘျၣ်ဘၣ်ဃးတၢ်လၢအဟါမၢ်ဒီးဆိၣ်လီၤ အသးလၢအတထံၣ်ဝဲန့ၣ်ကဘၣ်လုၢ်ထီၣ်ပာ်ထီၣ်တၢ်န့ၣ်လီၤ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 15:24

ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”

1 ကရံၣ်သူး 9:9

လၢစီၤမိၤၡ့အတၢ်သိၣ်တၢ်သီအပူၤန့ၣ် ပဖးဘၣ်ပဝဲ, “ဖဲနသူဂီၤဖံးလၢကယီၢ်ဘုအဆၢကတီၢ်န့ၣ်, တဘၣ်ပသံးဃာ်အထးခိၣ်တဂ့ၤ.” ခဲကနံၣ်အံၤ, မ့ၢ်ကစၢ်ကွၢ်တၢ်လၢဂီၤဖံးအဂီၢ်ဧါ.

လံာ်သိၣ်လီၤသီလီၤတၢ် 22:2

ဘၣ်ဆၣ်ဒီး, အကစၢ်မ့ၢ်အိၣ်ဆိးလၢတၢ်လီၢ်ဖးယံၤမ့တမ့ၢ်, သုမ့ၢ်တသ့ၣ်ညါအကစၢ်ဘၣ်ဒီး, အန့ၣ်တစု, က့ၤစိာ်အီၤဆူ သုဟံၣ်တက့ၢ်. တုၤအကစၢ်ဟဲလူၤကွၢ်ဃုက့ၤအီၤဒီး, ဟ့ၣ်က့ၤအကစၢ်တက့ၢ်.

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.