လံာ်သိၣ်လီၤသီလီၤတၢ် 21:5 - Sgaw Karen Common Bible

⁵ ပှၤလ့ၤဝံဖိပှၤလုၢ်တၢ်ခိၣ်တဖၣ်ကဘၣ်လဲၤစ့ၢ်ကီးဖဲန့ၣ်, မ့ၢ်လၢအဝဲသ့ၣ်ကဘၣ်စံၣ်ညီၣ်နီၤဖးကယဲၢ်ကွီၢ်ဘၣ်ဃးဒီးတၢ်သိၣ် တၢ်သီကိးထံၣ်ဒဲးလၢအပၣ်ဃုာ်ဒီးတၢ်မၤဆူၣ်မၤစိးအဃိန့ၣ် လီၤ. ယွၤ, သုကစၢ်ယွၤဃုထၢတ့ၢ်အဝဲသ့ၣ်ဒ်သိးကမၤအတၢ်ဒီးကတဲဖျါထီၣ်တၢ်ဆိၣ်ဂ့ၤတဖၣ်လၢအဝဲအမံၤအပူၤန့ၣ်လီၤ.

လံာ်သိၣ်လီၤသီလီၤတၢ် 21:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:13

အဝဲအဖိဝဲၢ်ကိစီၤဧၤမရၣ်န့ၣ်မ့ၢ်စီၤအၤဟရိၣ်ဒီးစီၤမိၤၡ့ အပၢ်န့ၣ်လီၤ. (စီၤအၤဟရိၣ်ဒီးအစၢၤအသွဲၣ်တဖၣ်ဘၣ်တၢ်ပာ်အီၤလီၤဆီဒ်သိး ကမ့ၢ်ပှၤအဒိၣ်လၢတၢ်ကွၢ်ထွဲတၢ်စီဆှံအဃၢၤအဃိာ်တဖၣ်အဂီၢ်လီၤ စိၤလီၤထီ, ဒီးကဘၣ်ဆူးကဲၤတၢ်နၢမူ လၢတၢ်ဘူၣ်ထီၣ်ဘါထီၣ်ယွၤအပူၤ, လၢကမၤယွၤအတၢ်ဒီးကဆိၣ်ဂ့ၤ ပှၤဂီၢ်မုၢ်လၢအဝဲအမံၤအပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:10

တဘျီလၢ်လၢ်ဖဲသုထံဖိကီၢ်ဖိကဒဲကဒဲလၢဝ့ၢ်တဖျၢၣ်လၢ်လၢ် အပူၤဟဲစိာ်ကွီၢ်ဘၣ်ထွဲဒီးတၢ်မၤသံမၤဝီမ့ၢ်ဂ့ၤ, တၢ်လုၢ်သ့ၣ်ခါပတာ်တၢ်ဘူၣ်တၢ်ဘါအတၢ်သိၣ်တၢ်သီမ့တမ့ၢ်တၢ်မၤ လိာ်တမံၤမံၤမ့ၢ်ဂ့ၤန့ၣ်, သုကဘၣ်သိၣ်လိနဲၣ်ယုၤအဝဲသ့ၣ်လီၤတံၢ်လီၤဆဲးလၢအဝဲသ့ၣ်ကဘၣ် ပာ်အသးဒ်လဲၣ်ဖဲကွီၢ်အကတီၢ်, ဒ်သိးအဝဲသ့ၣ်သုတကဲထီၣ်ပှၤမၤကမၣ်တၢ်ခီဖျိတၢ်မၤတၢ်ဒဲးဘး ထီဒါယွၤတဂ့ၤန့ၣ်လီၤ. သုမ့ၢ်တမၤဒ်န့ၣ်ဘၣ်ဒီး, သုဒီးသုပှၤထံဖိကီၢ်ဖိ ကဒဲကဒဲ, ကကလၢၢ်ဘၣ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ. မ့မ့ၢ်သုမ့ၢ်မၤသုမူသုဒါဒီးသုတၢ်ကမၣ်တအိၣ်ဝဲဘၣ်.

လံာ်ယဃ့းစက့လး 42:13

ပှၤတဂၤန့ၣ်စံးဘၣ်ယၤ, တၢ်သူၣ်ထီၣ်ခံဖျၢၣ်လၢာ်အံၤန့ၣ်စီဆှံ ဝဲလီၤ. လၢတၢ်သူၣ်ထီၣ်တဖၣ်အံၤအပူၤန့ၣ်, ပှၤလုၢ်တၢ်အဒိၣ်တဖၣ်လၢအလဲၤနုာ်ဆူယွၤအိၣ်ဝဲဆိးဝဲအလီၢ်န့ၣ်, အိၣ်ဝဲတၢ်လုၢ်အစီဆှံကတၢၢ်တဖၣ်န့ၣ်လီၤ. မ့ၢ်လၢဒၢးတဖၣ်စီဆှံဝဲအဃိ, ပှၤလုၢ်တၢ်အခိၣ်တဖၣ်ကပာ်ထီၣ် တၢ်လုၢ်အစီဆှံကတၢၢ်တဖၣ်ဖဲန့ၣ်လၢအမ့ၢ်ဝဲတၢ်လုၢ်ဘုဧိၤ ဟုဧိၤတဖၣ်ဒီးတၢ်လုၢ်တၢ်ပာ်တဖၣ်လၢတၢ်ပျၢ်တၢ်ဒဲးဘးအဂီၢ်မ့ၢ်ဂ့ၤတၢ် လုၢ်တၢ်ပာ်တဖၣ်လၢတၢ်ပျၢ်တၢ်ကမၣ်အဂီၢ်မ့ၢ်ဂ့ၤဖဲန့ၣ်လီၤ.

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:22

ဒီးဖဲစီၤအၤဟရိၣ်မၤတၢ်လုၢ်တၢ်ပာ်ခဲ လၢာ်ဝံၤဒီးယူာ်ထီၣ်အစုလၢပှၤဂီၢ်မုၢ်အဖီခိၣ်ဒီးဆိၣ်ဂ့ၤအဝဲသ့ၣ်, ဒီးဟဲက့ၤလီၤဝဲဒၣ်န့ၣ်လီၤ.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.

လံာ်သိၣ်လီၤသီလီၤတၢ် 18:5

လၢကယဲၢ်သုဒူၣ်တဖၣ်ခဲလၢာ်အကျါန့ၣ်, ယွၤဃုထၢတ့ၢ်လ့ၤဝံ အဒူၣ်ဒ်သိးကမၤအတၢ်ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီ လီၤ.

လံာ်သိၣ်လီၤသီလီၤတၢ် 19:17

အဝဲသ့ၣ်ခံဂၤလိာ်ကဘၣ်လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤဒီး ကဘၣ်တၢ်ဟ့ၣ်အီၤတၢ်စံၣ်ညီၣ်လၢပှၤလုၢ်တၢ်အခိၣ်တဖၣ်ဒီးစံၣ်ညီၣ် ကွီၢ်တဖၣ်လၢအအိၣ်မူအိၣ်ဒါဖဲန့ၣ်န့ၣ်လီၤ.

လံာ်သိၣ်လီၤသီလီၤတၢ် 21:4

အဝဲသ့ၣ်ကဘၣ်လဲၤမိၤဂီၤဖံးမိၢ်န့ၣ်ဆူတၢ်လီၢ်တတီၤဘူးဒီး ထံဖိကျိလၢတဃ့ထီကွံာ်နီတစု, ဒီးဖဲန့ၣ်တၢ်ကဘၣ်ဒီၣ်တဲာ်ကွံာ်အကိာ်န့ၣ်လီၤ.