လံာ်သိၣ်လီၤသီလီၤတၢ် 21:4 - Sgaw Karen Common Bible

⁴ အဝဲသ့ၣ်ကဘၣ်လဲၤမိၤဂီၤဖံးမိၢ်န့ၣ်ဆူတၢ်လီၢ်တတီၤဘူးဒီး ထံဖိကျိလၢတဃ့ထီကွံာ်နီတစု, ဒီးဖဲန့ၣ်တၢ်ကဘၣ်ဒီၣ်တဲာ်ကွံာ်အကိာ်န့ၣ်လီၤ.

လံာ်သိၣ်လီၤသီလီၤတၢ် 21:4 Iomraidhean Croise

လံာ်ယဃ့းစက့လး 36:9

ယအိၣ်လၢသုအိၣ်တကပၤ, ဒီးယကမၤလီၤတံၢ်တၢ်လၢသုဟီၣ်ခိၣ် ဘၣ်တၢ်ထဲၣ်ထီၣ်က့ၤကဒီးအီၤ, ဒီးလၢတၢ်ချံတဖၣ်ကဘၣ်တၢ်သူၣ် လီၤကဒီးအီၤဖဲန့ၣ်လီၤ.

လံာ်သိၣ်လီၤသီလီၤတၢ် 21:3

ဝံၤဒီး, ဝ့ၢ်လၢအအိၣ်ဘူးကတၢၢ်ဒီးတၢ်လီၢ်ဖဲတၢ်စိၣ်ဘၣ်တၢ်ထံၣ်န့ၢ်အီၤ, အပှၤခိၣ်ပှၤနၢ်တဖၣ်, ကဘၣ်ဃုထၢဂီၤဖံးမိၢ်သးစၢ်တဒုလၢတၢ် တသူဒံးအီၤလၢတၢ်မၤအဂီၢ်နီတစုန့ၣ်လီၤ.

လံာ်သိၣ်လီၤသီလီၤတၢ် 21:5

ပှၤလ့ၤဝံဖိပှၤလုၢ်တၢ်ခိၣ်တဖၣ်ကဘၣ်လဲၤစ့ၢ်ကီးဖဲန့ၣ်, မ့ၢ်လၢအဝဲသ့ၣ်ကဘၣ်စံၣ်ညီၣ်နီၤဖးကယဲၢ်ကွီၢ်ဘၣ်ဃးဒီးတၢ်သိၣ် တၢ်သီကိးထံၣ်ဒဲးလၢအပၣ်ဃုာ်ဒီးတၢ်မၤဆူၣ်မၤစိးအဃိန့ၣ် လီၤ. ယွၤ, သုကစၢ်ယွၤဃုထၢတ့ၢ်အဝဲသ့ၣ်ဒ်သိးကမၤအတၢ်ဒီးကတဲဖျါထီၣ်တၢ်ဆိၣ်ဂ့ၤတဖၣ်လၢအဝဲအမံၤအပူၤန့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:7

မၤသးဒ်န့ၣ်ဒီး, ကတဲာ်ကတီၤလ့ၣ်ကဟၣ်အသီတဆိဒီးဂီၤဖံးမိၢ်လၢ တၢ်တပာ်ထီၣ်ဘၣ်နီၣ်ယိးဘိလၢအဖီခိၣ်နီတစုဘၣ်ခံဒုတက့ၢ်. စၢတံၢ်အီၤလၢလ့ၣ်ကဟၣ်ဒီးနီၣ်က့ၤအဖိသးစၢ်တဖၣ်ဆူဘုဖီအိၣ်တက့ၢ်.