လံာ်သိၣ်လီၤသီလီၤတၢ် 21:23 - Sgaw Karen Common Bible

²³ တၢ်စိၣ်န့ၣ်တဘၣ်အိၣ်တ့ၢ်ဖဲန့ၣ်ဒီတနၤညါဘၣ်. တၢ်ကဘၣ်ခူၣ်လီၤကွံာ်အီၤတနံၤဃီမ့ၢ်လၢ, ပှၤသံအစိၣ်တစိၣ်ဘျး လီၤအသးလၢထူၣ်တထူၣ်အလိၤန့ၣ်ဒုးလီၤဘၣ်ကစၢ်ယွၤအတၢ်ဆိၣ်အၢ လၢထံကီၢ်အလိၤအဃိန့ၣ်လီၤ. ခူၣ်လီၤကွံာ်တၢ်စိၣ်ဒ်သိးသုတမၤဘၣ်အၢဘၣ်သီကီၢ်လၢယွၤ, သုကစၢ်ယွၤကဟ့ၣ်သုတဂ့ၤ, အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 21:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:10

အန့ၣ်ဝံၤဒီးစီၤစီလူးအသံၣ်မါလၢအမ့ၢ်စီၤအၤယၤအဖိမုၣ် နီၢ်ရံးစဖၤသူဝဲထၢၣ်တၢ်ကံးညာ်ဒ်သိးကမၤတၢ်ဒုးခိၣ်လၢ အနီၢ်ကစၢ်ဒၣ်ဝဲအဂီၢ် လၢလ့အဖီခိၣ်ဖဲတၢ်အခိၣ်တဖၣ်အိၣ်ဝဲအလီၢ် ဒီးအဝဲဒၣ်အိၣ်ဆိးဝဲဖဲန့ၣ်စးထီၣ်လၢတၢ်ကူးဘုအကတီၢ် တုၤလီၤလၢတၢ်စူၤလီၤသီအကတီၢ်တုၤဝဲန့ၣ်လီၤ. လၢမုၢ်ဆါအကတီၢ်န့ၣ်အဝဲကနီၣ်ကွံာ်ထိၣ်ဧိၤလံာ်ဧိၤတဖၣ်လၢတၢ်အစိၣ်တဖၣ် အဖီခိၣ်ဒီးလၢမုၢ်နၤအကတီၢ်န့ၣ်, အဝဲကအံးထွဲကွၢ်ထွဲတၢ်စိၣ်တဖၣ်န့ၣ်, ဒ်သိးဆၣ်ဖိကီၢ်ဖိအမံၤတဖၣ်သုတဟဲတဂ့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:6

လၢတၢ်န့ၣ်အဃိဟ့ၣ်လီၤပှၤလၢအဝဲအစၢၤအသွဲၣ်ပိာ်ခွါနွံဂၤ ဒီးပကစၢသံအဝဲသ့ၣ်လၢယွၤအမဲာ်ညါလၢဝ့ၢ်ကံးဘဧၤ, တၢ်လီၢ်လၢအမ့ၢ်, စီၤပၤလၢယွၤဃုထၢတ့ၢ်အီၤစီၤစီလူးအဝ့ၢ်န့ၣ်လီၤ.” စီၤပၤစံးဆၢဝဲဒၣ်, “ယကဟ့ၣ်လီၤအဝဲသ့ၣ်ဆူသုအိၣ်လီၤ.”

လံာ်စီၤပၤခံဘ့ၣ်တဘ့ၣ် 10:8

ဖဲစီၤယ့ၤဟူဘၣ်တၢ်တဲဘၣ်အီၤလၢစီၤအၤဃာ်အစၢၤအသွဲၣ်တဖၣ် အခိၣ်တဖၣ်ဘၣ်တၢ်ဟဲစိာ်အီၤလံန့ၣ်, အဝဲဟ့ၣ်လီၤအကလုၢ်လၢပှၤကပူၣ်ထီၣ်အီၤခံပူၣ်ဖဲဝ့ၢ်အတြဲၤ, ဒီးပှၤကပာ်တီၢ်အီၤဖဲန့ၣ်တုၤမုၢ်ဆ့ၣ်ထီၣ်တနံၤန့ၣ်လီၤ.

လံာ်ယဃ့းစက့လး 39:12

ပှၤအံၣ်စရ့လးဖိတဖၣ်ကဘၣ်ခူၣ်လီၤဘျၢလီၤပှၤအစိၣ်တဖၣ် တယံာ်ဝဲနွံလါဒီးမၤကဆှီထီၣ်က့ၤကဒီးထံဧိၤကီၢ်ဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:25

အဝဲသ့ၣ်အတၢ်မၤတဖၣ်အံၤမၤဘၣ်အၢထံကီၢ်လီၤ. လၢတၢ်န့ၣ်အဃိယွၤစံၣ်ညီၣ်ထံကီၢ်, ဒီးညိကွံာ်ပှၤအိၣ်လၢအပူၤ န့ၣ်လီၤ.

လံာ်ယိၤဟၣ် 19:31

အန့ၣ်ဝံၤဒီး, ပှၤယူဒၤဖိအခိၣ်အနၢ်တဖၣ်ဃ့စီၤပံၤလး အခွဲးလၢကပျဲအဝဲသ့ၣ်တီၢ်ကၢ်ကွံာ်ပှၤလၢတၢ်မၤသံအီၤလၢ ထူၣ်စုညါအလိၤတဖၣ်အခီၣ်, ဒီးကစိာ်လီၤကွံာ်အစိၣ်လၢထူၣ်စုညါတဖၣ်အလိၤအဂီၢ် န့ၣ်လီၤ. အဝဲသ့ၣ်ဃ့တၢ်အံၤမ့ၢ်လၢမုၢ်နံၤတခီမ့ၢ်မုၢ်ယဲၢ် နံၤ, ဒီးအဝဲသ့ၣ်တသးအိၣ်လၢပှၤအစိၣ်တဖၣ်အံၤ ကအိၣ်စဲထီအသးလၢထူၣ်စုညါအလိၤတုၤလၢပှၤ ယူဒၤဖိအမုၢ်အိၣ်ဘှံးနံၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်အမုၢ်အိၣ်ဘှံးနံၤလၢအကဟဲအံၤမ့ၢ်နံၤလၢ အစီဆှံလီၤဆီဝဲအဃိန့ၣ်လီၤ.

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

လံာ်သိၣ်လီၤသီလီၤတၢ် 25:19

ဒီးလၢတၢ်န့ၣ်အဃိဖဲယွၤသုကစၢ်ယွၤဟ့ၣ်လီၤသုလၢကီၢ်န့ၣ် ဒီးဒုးပူၤဖျဲးသုလၢကယဲၢ်သုဒုၣ်ဒါတဖၣ်လၢအအိၣ်ဝးတရံးသုခဲလၢာ်ဒီး, မၤလီၤတံၢ်လၢသုကမၤသံကွံာ်ပှၤဧမၤလ့းဖိ ခဲလၢာ်န့ၣ်တက့ၢ်. တၢ်န့ၣ်မ့ၢ်ဒ်သိးပှၤသုတသ့ၣ်နီၣ်ထီၣ်က့ၤ အဝဲသ့ၣ်နီတဂၤနီတဘျီလၢၤတဂ့ၤအဂီၢ်န့ၣ်လီၤ. သးပ့ၤနီၣ်တၢ်န့ၣ်တဂ့ၤ.

လံာ်သိၣ်လီၤသီလီၤတၢ် 4:21

လၢသုဃိန့ၣ်, ယွၤသုကစၢ်ယွၤသးဒိၣ်ဘၣ်ယၤ, ဒီးဘိးဘၣ်သ့ၣ်ညါထီၣ်ဝဲသမှံၤသပှၢ်လၢယတဘၣ်လဲၤခီဂာ်ထံကျိ ယၢ်ဒ့ၣ်ဒ်သိးယကလဲၤနုာ်ဆူကီၢ်တဘ့ၣ်လၢအအိၣ်ဒီးဟီၣ်ခိၣ်ညၣ် ထ့ၣ်အဂ့ၤ, လၢအဝဲဟ့ၣ်လီၤသုအပူၤဘၣ်န့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်စီၤယိၤၡူ 7:12

အဃိသတးဒီးပှၤအံၣ်စရ့လးဖိဆၢထၢၣ်လၢအဒုၣ်အဒါတဖၣ်အမဲာ်ညါ တသ့ဘၣ်. အဝဲသ့ၣ်ဂုၤက့ၤလၢအဒုၣ်အဒါတဖၣ်အအိၣ်န့ၣ်, မ့ၢ်လၢအဝဲသ့ၣ်အကစၢ်ဒၣ်ဝဲဘၣ်တၢ်စံၣ်ညီၣ်ဃၣ်အီၤဒ်သိးကတုၤဆူ တၢ်ဟးဂီၤအဃိလီၤ. မ့တမ့ၢ်လၢသုမၤဟးဂီၤကွံာ်တၢ်လၢအဘၣ်တၢ်ဆိၣ်အၢတ့ၢ်တဖၣ်ဒီး ယတအိၣ်လၢၤဒီးသုဘၣ်န့ၣ်လီၤ.”

လံာ်စီၤယိၤၡူ 8:29

ဒီးအဝဲစၢသံဝ့ၢ်ဂဲအစီၤပၤလၢသ့ၣ်တထူၣ်အလိၤဒီးပာ်အစိၣ် ဒ်န့ၣ်တုၤမုၢ်ဟါလီၤန့ၣ်လီၤ. တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ်လၢအစိၣ်ကဘၣ်တၢ်သုးကွံာ် အီၤဒီးအစိၣ်ဘၣ်တၢ်ကွံာ်လီၤကွံာ်အီၤဖဲဝ့ၢ်အတြဲၤအခီၣ်ထံး ဒီးဘၣ်တၢ်မၤဘၢအီၤလၢလၢၢ်ကိၢ်လိၢ်ဖးဒိၣ်တဖၣ်ဒီးအိၣ်ဝဲတုၤမုၢ်မဆါတနံၤအံၤန့ၣ်လီၤ.