လံာ်သိၣ်လီၤသီလီၤတၢ် 21:22 - Sgaw Karen Common Bible

²² ပှၤတဂၤမ့ၢ်ဘၣ်တၢ်မၤသံအီၤလၢတၢ်ကမၣ်တမံၤအဃိဒီးအဝဲ အစိၣ်ဘၣ်တၢ်ဘျးထီၣ်အီၤလၢထူၣ်တထူၣ်အလိၤန့ၣ်,

လံာ်သိၣ်လီၤသီလီၤတၢ် 21:22 Iomraidhean Croise

လံာ်တၢ်ကဲထီၣ်အခီၣ်ထံး 40:19

လၢသၢသီအတီၢ်ပူၤန့ၣ်, စီၤပၤကမၤထူၣ်ဖျဲးနၤဒီးကဒီၣ်တဲာ် ကွံာ်နခိၣ်လီၤ. ဒီးကဘျးလီၤစဲၤနနီၢ်ခိလၢထူၣ်တထူၣ်အလိၤဒီးထိၣ်တဖၣ်ကအီၣ် ကွံာ်နဖံးနညၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 21:10

အန့ၣ်ဝံၤဒီးစီၤစီလူးအသံၣ်မါလၢအမ့ၢ်စီၤအၤယၤအဖိမုၣ် နီၢ်ရံးစဖၤသူဝဲထၢၣ်တၢ်ကံးညာ်ဒ်သိးကမၤတၢ်ဒုးခိၣ်လၢ အနီၢ်ကစၢ်ဒၣ်ဝဲအဂီၢ် လၢလ့အဖီခိၣ်ဖဲတၢ်အခိၣ်တဖၣ်အိၣ်ဝဲအလီၢ် ဒီးအဝဲဒၣ်အိၣ်ဆိးဝဲဖဲန့ၣ်စးထီၣ်လၢတၢ်ကူးဘုအကတီၢ် တုၤလီၤလၢတၢ်စူၤလီၤသီအကတီၢ်တုၤဝဲန့ၣ်လီၤ. လၢမုၢ်ဆါအကတီၢ်န့ၣ်အဝဲကနီၣ်ကွံာ်ထိၣ်ဧိၤလံာ်ဧိၤတဖၣ်လၢတၢ်အစိၣ်တဖၣ် အဖီခိၣ်ဒီးလၢမုၢ်နၤအကတီၢ်န့ၣ်, အဝဲကအံးထွဲကွၢ်ထွဲတၢ်စိၣ်တဖၣ်န့ၣ်, ဒ်သိးဆၣ်ဖိကီၢ်ဖိအမံၤတဖၣ်သုတဟဲတဂ့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:6

လၢတၢ်န့ၣ်အဃိဟ့ၣ်လီၤပှၤလၢအဝဲအစၢၤအသွဲၣ်ပိာ်ခွါနွံဂၤ ဒီးပကစၢသံအဝဲသ့ၣ်လၢယွၤအမဲာ်ညါလၢဝ့ၢ်ကံးဘဧၤ, တၢ်လီၢ်လၢအမ့ၢ်, စီၤပၤလၢယွၤဃုထၢတ့ၢ်အီၤစီၤစီလူးအဝ့ၢ်န့ၣ်လီၤ.” စီၤပၤစံးဆၢဝဲဒၣ်, “ယကဟ့ၣ်လီၤအဝဲသ့ၣ်ဆူသုအိၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 21:9

စီၤဒၤဝံးဟ့ၣ်လီၤအဝဲသ့ၣ်ဆူကံးဘိၣ်အပှၤဂီၢ်မုၢ်အစုပူၤ, လၢအစၢသံကွံာ်အဝဲသ့ၣ်လၢကစၢၢ်ဒီခိၣ်လၢယွၤအမဲာ်ညါန့ၣ် လီၤ. ဒီးအဝဲသ့ၣ်နွံဂၤလိာ်သံဝဲတပူၤဃီန့ၣ်လီၤ. တၢ်န့ၣ်မ့ၢ်ဖဲတၢ်မဲထီၣ်သီအကတီၢ်ကလၢာ်အဆၢဒီးတၢ်စးထီၣ်ကူး ဘုမုယီၤအကတီၢ်, ဖဲအဝဲသ့ၣ်ဘၣ်တၢ်မၤသံအီၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:12

စီၤဒၤဝံးဟ့ၣ်လီၤအကလုၢ်ဒီးအဝဲအပှၤသုးဖိတဖၣ်မၤသံကွံာ် စီၤရ့ကးဒီးစီၤဘၤနါ, ဒီးဒီၣ်တဲာ်ကွံာ်အဝဲသ့ၣ်အစုတဖၣ်ဒီးအခိၣ်တဖၣ်ဒီးဘျးထီၣ် အဝဲသ့ၣ်အစိၣ်တဖၣ်လၢနိၣ်အိၣ်လၢဝ့ၢ်ဃ့ဘြိၣ်အပူၤအကပၤန့ၣ် လီၤ. အဝဲသ့ၣ်ဟံးထီၣ်စီၤအံၤၡဘိၡ့းအခိၣ်ဒီးဘျၢလီၤအီၤဖဲ စီၤအဘံန့ၢ်အသွၣ်ခိၣ်လၢဝ့ၢ်ဃ့ဘြိၣ်အပူၤန့ၣ်လီၤ.

လံာ်မးသဲ 26:66

သုဆိကမိၣ်ဒ်လဲၣ်.” အဝဲသ့ၣ်စံးဆၢဝဲ, “အတၢ်ကမၣ်အိၣ်ဒီးကြၢးဘၣ်တၢ်မၤသံအီၤလီၤ.”

လံာ်မၢ်ကူး 14:64

သုနၢ်ဟူဘၣ်တ့ၢ်အတၢ်ကတိၤတရီတပါယွၤန့ၣ်လံ. သုကစံၣ်ညီၣ်ဒ်လဲၣ်.” အန့ၣ်ဒီးအဝဲသ့ၣ်ကိးဂၤဒဲးစံးဝဲလၢအတၢ်ကမၣ်အိၣ် ဒီးကြၢးလၢအဘၣ်တၢ်မၤသံအီၤလီၤ.

လံာ်လူၤကၣ် 23:33

ဖဲအဝဲသ့ၣ်တုၤတၢ်လီၢ်တတီၤလၢအဘၣ်တၢ်ကိးအီၤလၢ, “ကီၤလၤကီၤသါ” လၢအခီပညီမ့ၢ်, “တၢ်ခိၣ်ဃံ” န့ၣ်, အဝဲသ့ၣ်ပျၤထီ ယ့ၣ်ၡူးလၢထူၣ်စုညါအလိၤဖဲန့ၣ်, ဒီးပှၤအၢပှၤသီခံဂၤစ့ၢ်ကီး, တဂၤလၢအစုထွဲ, ဒီးတဂၤလၢအစုစ့ၣ်န့ၣ်လီၤ.

မၤတၢ် 23:29

တၢ်လၢအကြၢးဒီးတၢ်သံမ့ၢ်ဂ့ၤ, တၢ်ကဒၢနုာ်အီၤလၢဃိာ်ပူၤမ့ၢ်ဂ့ၤ, ယတထံၣ်ဘၣ်လၢအဝဲမၤဝဲနီတမံၤဘၣ်. တၢ်ကမၣ်လၢအဘၣ်တၢ်ပာ်ထီၣ်လၢအဝဲဒၣ်အလိၤန့ၣ်ဘၣ်ထွဲဒီး အဝဲသ့ၣ်အတၢ်သိၣ်တၢ်သီဒၣ်ဝဲလီၤ.

မၤတၢ် 25:11

ယမ့ၢ်လုၣ်သ့ၣ်ခါပတာ်ဘၣ်ထံကီၢ်အတၢ်သိၣ်တၢ်သီဒီးမၤတၢ် တမံၤမံၤလၢအကြၢးဒီးတၢ်စံၣ်ညီၣ်သံန့ၣ်, ယတဃ့လၢယကပူၤ ဖျဲးဘၣ်. ဘၣ်ဆၣ်ဒီးတၢ်လၢအဝဲသ့ၣ်ပာ်ဖျါထီဒါယၤ တဖၣ်မ့ၢ်တတီတလိၤဘၣ်ဒီး, ပှၤဟ့ၣ်လီၤယၤဆူအဝဲသ့ၣ်အစုပူၤတသ့နီတဂၤဘၣ်. ယပတံထီၣ်တၢ်ဆူစီၤပၤဖးဒိၣ်အအိၣ်လီၤ.”

မၤတၢ် 25:25

ဘၣ်ဆၣ်ဒီး, ယနီၢ်ကစၢ်ဒၣ်ယဲယတထံၣ်လၢအဝဲမၤဘၣ်တၢ်တမံၤမံၤ လၢအကြၢးဒီးတၢ်စံၣ်ညီၣ်သံအီၤန့ၣ်ဘၣ်. ဒီးမ့ၢ်လၢအဝဲအနီၢ်ကစၢ်ဒၣ်ဝဲပတံထီၣ်တၢ်လၢစီၤပၤဖးဒိၣ် ကစံၣ်ညီၣ်န့ၢ်အတၢ်ဂ့ၢ်တၢ်ကျိၤအဃိ, ယပာ်လီၤယသးလၢ ယကဆှၢလီၤအီၤလီၤ.

မၤတၢ် 26:31

ဒီးဖဲအဝဲသ့ၣ်ဟးထီၣ်ဝံၤအလီၢ်ခံန့ၣ်, စံးလိာ်အသးတဂၤဒီးတဂၤ, “ပှၤတဂၤအံၤတမၤတ့ၢ်တၢ်လၢအကြၢး ဒီးတၢ်သံမ့ၢ်ဂ့ၤ, တၢ်ဒၢနုာ်အီၤလၢဃိာ်ပူၤမ့ၢ်ဂ့ၤနီတမံၤဘၣ်.”

လံာ်သိၣ်လီၤသီလီၤတၢ် 19:6

ဝ့ၢ်မ့ၢ်အိၣ်ဒၣ်ထဲတဖျၢၣ်ဧိၤန့ၣ်, တၢ်ဒ့ၣ်စၢၤဆူဝ့ၢ်န့ၣ်ကယံၤ ကဲာ်ဆိး, ဒီးဘူးတံၢ်လၢအအိၣ်မူအိၣ်ဒါလၢကဘၣ်ဟ့ၣ်ကၣ်က့ၤတၢ်မၤသံ ကချုးန့ၢ်အီၤဒီးလၢအဝဲအတၢ်သးဒိၣ်အပူၤန့ၣ်ကမၤသံဘၣ်ပှၤလၢ အတၢ်ကမၣ်တအိၣ်တဂၤလီၤ. မ့ၢ်နာ်သက့ဒ်န့ၣ်ဒီး, အဝဲမၤသံဘၣ်ဒၣ်ပှၤတဂၤလၢတမ့ၢ်အဒုၣ်အဒါန့ၣ်, လၢတၢ်မၤဖုးမၤပျီၢ်အသးအဃိန့ၣ်လီၤ.

လံာ်သိၣ်လီၤသီလီၤတၢ် 22:26

တၢ်တဘၣ်မၤပိာ်မုၣ်ဖိသၣ်န့ၣ်လၢတၢ်နီတမံၤဘၣ်, မ့ၢ်လၢအဝဲတမၤတ့ၢ်တၢ်ဒဲးဘးတမံၤလၢကြၢးဘၣ်သံဝဲဘၣ်အဃိန့ၣ်လီၤ. ကွီၢ်အံၤမ့ၢ်ဒၣ်တၢ်တမံၤဃီဒီးပှၤပိာ် ခွါတဂၤဖဲအထီဒါဘၣ်ပှၤပိာ်ခွါအဂၤတဂၤဒီးမၤသံအီၤန့ၣ်လီၤ.

လံာ်စီၤယိၤၡူ 10:26

ဝံၤဒီးစီၤယိၤၡူမၤသံစီၤပၤတဖၣ်, ဒီးဘျးလီၤစဲၤအဝဲသ့ၣ်လၢသ့ၣ်ယဲၢ်ထံးအလိၤ, ဒီးအစိၣ်တဖၣ်အိၣ်ဝဲဖဲန့ၣ်တုၤမုၢ်ဟါလီၤန့ၣ်လီၤ.

လံာ်စီၤယိၤၡူ 10:27

တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ် ဒီးအဝဲသ့ၣ်အစိၣ်တဖၣ်ဘၣ်တၢ်စိာ်လီၤကွံာ်အီၤလၢသ့ၣ်အလိၤ ဒီးကွံာ်နုာ်အီၤဆူတၢ်လီၢ်ကအိအပူၤလၢအဝဲသ့ၣ်အိၣ်ခူသူၣ်တ့ၢ်ဝဲန့ၣ်လီၤ. လၢၢ်ဖးဒိၣ်တဖၣ်ဘၣ်တၢ်ပာ်လီၤအီၤလၢတၢ်လီၢ်ကအိအပူၤအခိၣ်ထိး ဒီးအိၣ်ဝဲဖဲန့ၣ်တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 8:29

ဒီးအဝဲစၢသံဝ့ၢ်ဂဲအစီၤပၤလၢသ့ၣ်တထူၣ်အလိၤဒီးပာ်အစိၣ် ဒ်န့ၣ်တုၤမုၢ်ဟါလီၤန့ၣ်လီၤ. တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ်လၢအစိၣ်ကဘၣ်တၢ်သုးကွံာ် အီၤဒီးအစိၣ်ဘၣ်တၢ်ကွံာ်လီၤကွံာ်အီၤဖဲဝ့ၢ်အတြဲၤအခီၣ်ထံး ဒီးဘၣ်တၢ်မၤဘၢအီၤလၢလၢၢ်ကိၢ်လိၢ်ဖးဒိၣ်တဖၣ်ဒီးအိၣ်ဝဲတုၤမုၢ်မဆါတနံၤအံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:16

နတမၤလၢပှဲၤနမူနဒါဘၣ်. စီၤအဘံန့ၢ်ဧၢ, ယဆိၣ်တၢ်ခီဖျိယွၤလၢအမူဝဲတဂၤအမံၤ, လၢသုဝဲခဲလၢာ်ကြၢး သုသံလီၤ. အဂ့ၢ်ဒ်အံၤ, သုတဒီဒၣ်အိၣ်ပှိၤတ့ၢ်သုကစၢ်, လၢယွၤဒုးကဲထီၣ်အီၤလၢစီၤပၤန့ၣ်ဘၣ်. ကွၢ်, စီၤပၤအဘီ အိၣ်ဖဲလဲၣ်. ထံကိဖိအိၣ်လၢအခိၣ်ကပၤန့ၣ်အိၣ်ဖဲလဲၣ်.”