လံာ်သိၣ်လီၤသီလီၤတၢ် 21:18 - Sgaw Karen Common Bible

¹⁸ ပစံးဒၣ်ကလိာ်, ပှၤတဂၤအိၣ်ဒီးဖိခွါတဂၤလၢအခိၣ်ကိၤဒီးပူထီၣ်ထီထီၣ်တၢ်, မိၢ်ပၢ်တဖၣ်စံၣ်ညီၣ်အီၤဒၣ်လဲာ်, မ့ၢ်ဖိခွါတဂၤလၢတစူၢ်အမိၢ်အပၢ်တဖၣ်ဘၣ်န့ၣ်လီၤ.

လံာ်သိၣ်လီၤသီလီၤတၢ် 21:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:14

ယကမ့ၢ်အဝဲအပၢ်, ဒီးအဝဲကမ့ၢ်ယဖိခွါလီၤ. ဖဲအဝဲမၤကမၣ်တၢ်န့ၣ်ယကစံၣ်ညီၣ်အီၤဒ်ပၢ်တဂၤစံၣ်ညီၣ်အဖိခွါ အသိးန့ၣ်လီၤ.

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 21:15

ပှၤတဂၤလၢ်လၢ်လၢအဒိအတီၢ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်ကဘၣ်တၢ် မၤသံကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 21:17

ပှၤတဂၤလၢ်လၢ်လၢအဆိၣ်အၢအပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်ကဘၣ်တၢ် မၤသံကွံာ်အီၤန့ၣ်လီၤ.

တၢ်ကတိၤဒိ. 1:8

ယဖိခွါဧၢ, ကနၣ်နပၢ်အတၢ်သိၣ်တၢ်သီနၤဒီးလဲၤသဒၣ်နမိၢ် အတၢ်သိၣ်လိနဲၣ်လိတဂ့ၤ.

တၢ်ကတိၤဒိ. 13:24

နမ့ၢ်တစံၣ်ညီၣ်နဖိခွါဘၣ်ဒီးနတအဲၣ်အီၤဘၣ်. နမ့ၢ်အဲၣ်အီၤဒီးနကသိၣ်က့ၤသီက့ၤအီၤလီၤ.

တၢ်ကတိၤဒိ. 15:5

တၢ်တပာ်ကဲတၢ်လၢနပၢ်သိၣ်လိသီလိနၤန့ၣ်မ့ၢ်တၢ်ဟးဂီၤလီၤ. တၢ်တူၢ်လိာ်အတၢ်သိၣ်က့ၤသီက့ၤန့ၣ်မ့ၢ်တၢ်ကူၣ်သ့လီၤ.

တၢ်ကတိၤဒိ. 19:18

သိၣ်က့ၤသီက့ၤနဖိနလံၤတဖၣ်ဖဲအဝဲသ့ၣ်အသးစၢ်ဒံးလၢကမၤလိ တၢ်အဂီၢ်အခါတက့ၢ်. နမ့ၢ်တမၤဘၣ်ဒီး, နမၤစၢၤလံအဝဲသ့ၣ်လၢ ကမၤဟးဂီၤလီၤက့ၤအသးဒၣ်ဝဲလီၤ.

တၢ်ကတိၤဒိ. 20:20

နမ့ၢ်ဆိၣ်အၢနမိၢ်နပၢ်န့ၣ်နတၢ်အိၣ်မူကကတၢၢ်ဝဲဒ်မ့ၣ်အူဒၢ တဖျၢၣ်လၢအလီၤပံာ်ကွံာ်ဝဲလၢတၢ်ခံးကျါအသိးန့ၣ်လီၤ.

တၢ်ကတိၤဒိ. 22:15

ဖိလံၤတဖၣ်ညီနူၢ်လိာ်မၢးအသးဒီးမၤတၢ်နါစံၢ်နါစိၤတဖၣ်လီၤ. ဘၣ်ဆၣ်ဒီးတၢ်သိၣ်ဃီၣ်အနီၣ်တီၢ်တဘိကသိၣ်လိအဝဲသ့ၣ်လၢကဘၣ်အိၣ် မူပာ်သူၣ်ပာ်သးဒ်လဲၣ်ဒ်လဲၣ်န့ၣ်လီၤ.

တၢ်ကတိၤဒိ. 28:24

ပှၤတဂၤလၢ်လၢ်လၢအဆိကမိၣ်ဝဲလၢတၢ်ဟုၣ်အမိၢ်အပၢ်အတၢ်တမ့ၢ်ဘၣ် တၢ်ကမၣ်န့ၣ်, မ့ၢ်ပှၤဒီတံၤဒီသကိးဒီးတၢ်ဘျၣ်လၢအဟုၣ်ညီနုၢ်တၢ်န့ၣ်လီၤ.

တၢ်ကတိၤဒိ. 29:17

သိၣ်က့ၤဘှီက့ၤနဖိခွါတက့ၢ်. ဒီးနပာ်ကဖၢလၢနသးလၢအဃိ ထီဘိကသ့ဝဲလီၤ. တၢ်ဂ့ၢ်လၢအဝဲကမၤမဲာ်ဆှးနၤတအိၣ်နီ တစုဘၣ်.

တၢ်ကတိၤဒိ. 30:11

ပှၤအိၣ်ဝဲတကလုာ်လၢအဆိၣ်အၢအပၢ်တဖၣ်ဒီးတပာ်ဖျါအတၢ်စံးဘျုး ဆူအမိၢ်တဖၣ်အအိၣ်ဘၣ်န့ၣ်လီၤ.

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 1:5

ဘၣ်မနုၤအဃိသုပူထီၣ်ဒံးအီၤန့ၣ်လဲၣ်. မ့ၢ်သုအဲၣ်ဒိးတၢ်စံၣ် ညီၣ်သုအါန့ၢ်ဒံးအလီၢ်အံၤဧါ. အံၣ်စရ့လးဧၢ, သုခိၣ် ဘၣ်တၢ်ကးဘၢတ့ၢ်လံအီၤလၢတၢ်ပူၤလီၢ်ပူၤကျဲတဖၣ်ဒီး သုသးဒီးတၢ်ဆိကမိၣ်တဖၣ်ဆိးက့ဝဲလီၤ.

လံာ်ယံးရမံယၤ 31:18

ယနၢ်ဟူ ကီၢ်အံၣ်စရ့လး အပှၤဂီၢ်မုၢ် စံးကတိၤတၢ်လၢ တၢ်သူၣ်အုးသးအုးအပူၤ စံးဝဲ, ‘ယွၤဧၢ, ပလီၤဂာ်ဒီး ဆၣ်ဖိကီၢ်ဖိတဒုလၢတၢ်တမၤဘှါအီၤဘၣ်, ဘၣ်ဆၣ်ဒီး နသိၣ်လိတ့ၢ်ပှၤလၢ ပကစူၢ်တၢ်န့ၣ်လီၤ. ဟဲက့ၤစိာ်ကဒါက့ၤ ပှၤတက့ၢ်. ပအိၣ်ကတဲာ် ကတီၤလံပသးလၢ ပကဟဲက့ၤကဒါက့ၤဆူ နအိၣ်လံ, ယွၤပကစၢ်ယွၤဧၢ.

လံာ်ယံးရမံယၤ 5:23

ဘၣ်ဆၣ်ဒီးသုဝဲပှၤဂီၢ်မုၢ်ဧၢ, သုခိၣ်ကိၤဒီးသုပူထီၣ်လီ ထီၣ်တၢ်လီၤ. သုဃၣ်ကွံာ်သုသးလၢယၤဒီးဟးသဒၣ်ယၤလံ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်ယဃ့းစက့လး 24:13

ဝ့ၢ်ယရူၤၡလ့ၣ်ဧၢ, နလုၢ်အၢလၢ်သီအတၢ်မၤတဖၣ်မၤဘၣ်အၢတ့ၢ်နၤ န့ၣ်လီၤ. ယမ့ၢ်ဂုာ်ကျဲးစၢးမၤကဆှီထီၣ်နၤဘၣ်ဆၣ်, နအိၣ်ဒံးဒၣ်လၢတၢ်ဘၣ်အၢဘၣ်သီအပူၤန့ၣ်လီၤ. တချုးလၢနကလၢၢ်ဘၣ်ယတၢ်သးထီၣ်ဆူၣ်အသဟီၣ်ဒံးဘၣ်န့ၣ်, နတကဆှီထီၣ်က့ၤကဒီးတဘျီဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:9

ဒီးပှၤလုၢ်တၢ်အခိၣ်တဂၤအဖိမုၣ်မ့ၢ်ကဲထီၣ်ဃဲသဲမုၣ်န့ၣ်ဒီးမ့ၢ်အ မၤမဲာ်ဆှးအပၢ်လီၤ. ဒီးကဘၣ်တၢ်ဆိၣ်ထီၣ်ကွံာ်အီၤလၢမ့ၣ်အူန့ၣ်လီၤ.

လံာ်သိၣ်လီၤသီလီၤတၢ် 21:19

အဝဲအမိၢ်အပၢ်တဖၣ်ကဘၣ်လဲၤကိးအီၤဆူဝ့ၢ်ဖဲအဝဲအိၣ်ဝဲ ဆိးဝဲအခိၣ်အနၢ်တဖၣ်အမဲာ်ညါဒီးမၢအဆၢထၢၣ်လၢကကွၢ်ဆၢၣ်မဲာ် ကွီၢ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 27:16

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 8:5

သ့ၣ်နီၣ်လၢယွၤ, သုကစၢ်ယွၤဘှီက့ၤဒီးစံၣ်ညီၣ်သုဒ်ပၢ်တဂၤ သိၣ်သီကတိၤအဖိတဖၣ်အသိးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.