လံာ်သိၣ်လီၤသီလီၤတၢ် 21:17 - Sgaw Karen Common Bible

¹⁷ အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 21:17 Iomraidhean Croise

လံာ်တၢ်ကဲထီၣ်အခီၣ်ထံး 49:3

စီၤရူၤဘ့ၣ်, ယဖိဝဲၢ်ကိ, နမ့ၢ်ယဂံၢ်ယဘါ, ဒီးယတၢ်ဒိၣ်တုာ်ခိၣ်ပှဲၤအဖိအဆိကတၢၢ်, ပှၤဒိၣ်ဝဲထီဝဲကတၢၢ် ဒီးအဂံၢ်ဆူၣ်ကတၢၢ်လၢယဖိခွါတဖၣ်အကျါလီၤ.

လံာ်စီၤပၤခံဘ့ၣ်တဘ့ၣ် 2:9

ဖဲန့ၣ်စီၤအ့ၤလံယၤစံးဘၣ်စီၤအလံၤၡါ, “တချုးလၢယဘၣ်တၢ် စိာ်ထီၣ်ကွံာ်ဒံးယၤန့ၣ်, တဲယၤတၢ်လၢယကဘၣ်မၤလၢနဂီၢ်န့ၣ်တ က့ၢ်.” စီၤအလံၤၡါစံးဆၢဝဲဒၣ်, “မ်နသးအတၢ်စိတၢ်ကမီၤခံစး ကလီၤဘၣ်လၢယလိၤတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 21:3

အဝဲသ့ၣ်အပၢ်ဟ့ၣ်အဝဲသ့ၣ်လၢထူစ့ဒီးတၢ်လုၢ်ဒိၣ်ပှ့ၤဒိၣ်အဂၤ တဖၣ်အါအါဂီၢ်ဂီၢ်, ဒီးပာ်လီၤအဝဲသ့ၣ်တဂၤစုာ်စုာ်လၢကပၢဘၣ်ဝ့ၢ်အိၣ်ဒီးတိာ်ဧိၤ တာ်ဧိၤတဖၣ်အကျါတဝ့ၢ်စုာ်စုာ်လၢကီၢ်ယူဒၤအပူၤန့ၣ်လီၤ. ဘၣ်ဆၣ်မ့ၢ်လၢစီၤယဟိရၣ်မ့ၢ်ဝဲဖိဝဲၢ်ကိအဃိစီၤယဟိၡၤဖး ဒုးကဲထီၣ်အီၤလၢပှၤထီၣ်က့ၤအလီၢ်န့ၣ်လီၤ.

စံးထီၣ်ပတြၢၤ 105:36

အဝဲမၤသံကွံာ်ကယဲၢ်ကီၢ်အဲၤကူပတူးအဟံၣ်ဒူၣ်ဃီထၢတဖၣ်, အဖိခွါဝဲၢ်ကိခဲလၢာ်န့ၣ်လီၤ.

လံာ်လူၤကၣ် 15:12

ဖိလၢအသးစၢ်တဂၤန့ၣ်စံးဘၣ်အပၢ်, ‘ပၢ်ဧၢ, ယတၢ်န့ၢ်သါလၢယကဘၣ်ဒိးန့ၢ်အီၤန့ၣ်ဟ့ၣ်လီၤယၤခဲကနံၣ်အံၤ တက့ၢ်.’ လၢတၢ်န့ၣ်အဃိအဝဲဒၣ်နီၤဖးလီၤတၢ်စုလီၢ်ခီၣ်ခိၣ်လၢဖိခံ ဂၤန့ၣ်အဂီၢ်လီၤ.

လံာ်သိၣ်လီၤသီလီၤတၢ် 21:16

တုၤပှၤတဂၤန့ၣ်စံၣ်ညီၣ်နီၤဖးတၢ်လၢကနီၤဟ့ၣ်အဖိတဖၣ်လၢအဝဲ အတၢ်စုလီၢ်ခီၣ်ခိၣ်ဒ်လဲၣ်ဒီး, အဝဲတဘၣ်ပာ်ဖျါအတၢ်ကွၢ်မဲာ်အဝဲအမါလၢအအဲၣ်ဝဲဒိၣ်တဂၤအဖိခွါခီဖျိဟ့ၣ်အီၤတၢ်ဟ့ၣ်နီၤလၢအဘၣ်ဃးဒီးဖိခွါဝဲၢ်ကိ န့ၣ်ဘၣ်.

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.