လံာ်သိၣ်လီၤသီလီၤတၢ် 21:16 - Sgaw Karen Common Bible

¹⁶ တုၤပှၤတဂၤန့ၣ်စံၣ်ညီၣ်နီၤဖးတၢ်လၢကနီၤဟ့ၣ်အဖိတဖၣ်လၢအဝဲ အတၢ်စုလီၢ်ခီၣ်ခိၣ်ဒ်လဲၣ်ဒီး, အဝဲတဘၣ်ပာ်ဖျါအတၢ်ကွၢ်မဲာ်အဝဲအမါလၢအအဲၣ်ဝဲဒိၣ်တဂၤအဖိခွါခီဖျိဟ့ၣ်အီၤတၢ်ဟ့ၣ်နီၤလၢအဘၣ်ဃးဒီးဖိခွါဝဲၢ်ကိ န့ၣ်ဘၣ်.

လံာ်သိၣ်လီၤသီလီၤတၢ် 21:16 Iomraidhean Croise

လံာ်တၢ်ကဲထီၣ်အခီၣ်ထံး 25:31

ဒီးစီၤယၤကိာ်စံးဆၢအီၤ, “နမ့ၢ်ဟ့ၣ်ယၤလၢဖိဝဲၢ်ကိတၢ် န့ၢ်သါအတၢ်ဆိၣ်ဂ့ၤန့ၣ်ယကဟ့ၣ်နၤတၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 26:10

လၢပှၤမရၤရံအဒူၣ်ထၢပူၤန့ၣ်, စီၤဃိစၤလၢအအိၣ်ဒီးအဖိခွါ လွံၢ်ဂၤအိၣ်စ့ၢ်ကီးဝဲလီၤ. အဖိခွါတဖၣ်မ့ၢ်ဝဲ, စီၤၡံမရံ (အဝဲတမ့ၢ်ဖိဝဲၢ်ကိသနာ်က့, အပၢ်ပာ်အီၤလၢပှၤအခိၣ်အလီၢ်န့ၣ်လီၤ),

လံာ်ကွဲးနီၣ်တၢ်အခီၣ်ထံးတဘ့ၣ် 5:2

မ့ၢ်နာ်သက့ဒီး, ယူဒၤမ့ၢ်ဒူၣ်တဒူၣ်လၢအကဲထီၣ်ပှၤဂံၢ်ဆူၣ်ဘါ ဆူၣ်ကတၢၢ်ဒီးဒုးအိၣ်ထီၣ်ပှၤပၢတၢ်တဂၤလၢကယဲၢ်ပှၤအဒူၣ်ခဲလၢာ် အဂီၢ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 21:3

အဝဲသ့ၣ်အပၢ်ဟ့ၣ်အဝဲသ့ၣ်လၢထူစ့ဒီးတၢ်လုၢ်ဒိၣ်ပှ့ၤဒိၣ်အဂၤ တဖၣ်အါအါဂီၢ်ဂီၢ်, ဒီးပာ်လီၤအဝဲသ့ၣ်တဂၤစုာ်စုာ်လၢကပၢဘၣ်ဝ့ၢ်အိၣ်ဒီးတိာ်ဧိၤ တာ်ဧိၤတဖၣ်အကျါတဝ့ၢ်စုာ်စုာ်လၢကီၢ်ယူဒၤအပူၤန့ၣ်လီၤ. ဘၣ်ဆၣ်မ့ၢ်လၢစီၤယဟိရၣ်မ့ၢ်ဝဲဖိဝဲၢ်ကိအဃိစီၤယဟိၡၤဖး ဒုးကဲထီၣ်အီၤလၢပှၤထီၣ်က့ၤအလီၢ်န့ၣ်လီၤ.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

လံာ်သိၣ်လီၤသီလီၤတၢ် 21:15

ပစံးဒၣ်ကလိာ်, ပှၤတဂၤအိၣ်ဒီးအမါခံဂၤဒီးအဝဲသ့ၣ်ခံဂၤ လိာ်ကဆံးစၢ်န့ၢ်အီၤလၢဖိခွါတဖၣ်, ဘၣ်ဆၣ်ဖိခွါဝဲၢ်ကိတမ့ၢ်ဘၣ်အဝဲအမါလၢအအဲၣ်ဝဲဒိၣ်တဂၤအဖိ ဘၣ်န့ၣ်လီၤ.

လံာ်သိၣ်လီၤသီလီၤတၢ် 21:17

အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.