လံာ်သိၣ်လီၤသီလီၤတၢ် 21:12 - Sgaw Karen Common Bible

¹² က့ၤကိးအီၤဆူသုဟံၣ်, တၢ်လီၢ်ဖဲအဝဲကလူၤကွံာ်အခိၣ်, တံာ်ကွံာ်အစုမ့ၣ်တဖၣ်,

လံာ်သိၣ်လီၤသီလီၤတၢ် 21:12 Iomraidhean Croise

လံာ်တၢ်ဘူၣ်ထီၣ်ဘါထီၣ် 14:8

ဒီးပှၤလၢအကဆှီထီၣ်တဂၤန့ၣ်ကဘၣ်ဆှုၣ်အကူအသိး, လူၤကွံာ်အဆူၣ်ခဲလၢာ်လၢအိၣ်လၢအလိၤဒီးလုၢ်ထံဒ်သိးကကဆှီထီၣ်အဂီၢ်လီၤ. ဒ်သိးဟဲက့ၤနုာ်ဆူပှၤသူၣ်ဒဲအလီၢ်ပူၤကသ့အဂီၢ်န့ၣ်ကဘၣ်အိၣ် လၢအဒဲဒၣ်ဝဲအချၢနွံသီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:9

ဒီးလၢနွံသီတသီန့ၣ်ကဘၣ်လူၤကဒီးဝဲအ ခိၣ်ဆူၣ်အခၣ်ဆူၣ်ဒီးအမဲာ်တူၢ်, ဒီးအဆူၣ်ခဲလၢာ်လၢအလိၤန့ၣ်လီၤ. ဒီးကဘၣ်ဆှုၣ် အကူအသိးဒီးလုၢ်ထံန့ၣ်လီၤ. အန့ၣ်ဝံၤဒီးက ကဆှီထီၣ်ဝဲဒၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဂံၢ် 6:9

ပှၤနစၤရံဖိတဂၤအခိၣ်သူလၢအဘၣ်တၢ်ပာ်စီဆှံအီၤ, မ့ၢ်ဘၣ်အၢလၢအဝဲအိၣ်ဘူးဘၣ်ဒီးပှၤတဂၤလၢ်လၢ်လၢအသံ သတူၢ်ကလာ်အဃိန့ၣ်, အဝဲကဘၣ်အိၣ်ခိးနွံသီဝံၤလူၤကွံာ်အခိၣ် သူဒီးအခၣ်ဆူၣ်န့ၣ်လီၤ. မၤသးဒ်န့ၣ်ဒီးကကဆှီထီၣ်က့ၤဝဲဒၣ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

1 ကရံၣ်သူး 11:5

ဒီးပှၤပိာ်မုၣ်တဂၤဂၤလၢအဃ့ဘါထုကဖၣ်, မ့တမ့ၢ်, ကတိၤတၢ်လၢဝံအကျိာ်ဖဲပှၤဂီၢ်မုၢ်အတၢ်ဘူၣ်ထီၣ်ဘါထီၣ်အဆၢ ကတီၢ်န့ၣ်မ့ၢ်တဖၢၣ်ဘၢဃာ်အခိၣ်လၢတၢ်နီတစဲးဒီးမ့ၢ်အမၤဟးဂီၤ အဝၤအလၤကပီၤလီၤ. အဝဲဒၣ်တလီၤဆီဒီးပိာ်မုၣ်လၢအခိၣ်သူဘၣ်တၢ်လူၤကွံာ်အီၤ တဂၤဘၣ်.

1 ကရံၣ်သူး 11:6

ပိာ်မုၣ်တဂၤန့ၣ်မ့ၢ်တမၤဘၢဃာ်အခိၣ်ဒီး, ဂ့ၤတက့ၢ်လၢအကတံာ်ကွံာ်အခိၣ်သူလီၤ. ဒီးမ့ၢ်လၢပိာ်မုၣ်တဂၤကလူၤအခိၣ်, မ့တမ့ၢ်ကတံာ်ကွံာ်အခိၣ်သူအဂီၢ်မ့ၢ်တၢ်လီၤမဲာ်ဆှး တမံၤအဃိ, အဝဲဒၣ်ကြၢးဖၢၣ်ဘၢဃာ်အခိၣ်လီၤ.

အ့းဖ့းစူး 4:22

လၢတၢ်န့ၣ်အဃိ, ဘ့ၣ်လီၤကွံာ်တၢ်အိၣ်မူလီၢ်လံၤလၢအဒုးမူ သုဒ်သုမ့ၢ်တ့ၢ်သုဝဲအသိးန့ၣ်တက့ၢ်. ဒ်ပစံးတၢ်အသိး, တၢ်မူအလီၢ်လံၤလၢအဘၣ်တၢ်မၤဟးဂီၤကွံာ်အီၤလၢတၢ်မိၣ် န့ၢ်သးလီလၢအလီန့ၢ်တၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 21:11

သုကထံၣ်ဘၣ်ပိာ်မုၣ်ဃံလၤတဂၤလၢအဝဲသ့ၣ်အကျါဒီးသုကအဲၣ်ဒိး, ဒိးတ့ဒိးဖျီသုသးဒီးအီၤလီၤ.