လံာ်သိၣ်လီၤသီလီၤတၢ် 20:8 - Sgaw Karen Common Bible

⁸ သုးခိၣ်သုးနၢ်တဖၣ်ကဘၣ်စံးဘၣ်စ့ၢ်ကီးအပှၤတဖၣ်လၢ, ဖဲအံၤမ့ၢ်ပှၤအိၣ်တဂၤဂၤလၢအသဒံပှံၢ်လီၤမ့ၢ်ဂ့ၤ, အပျံၤတၢ်ဖုးတၢ်မ့ၢ်ဂ့ၤန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲကမၤဟးဂီၤကွံာ် ပှၤအဂၤတဖၣ်အသးအဂံၢ်အဘါန့ၣ်လီၤ.

လံာ်သိၣ်လီၤသီလီၤတၢ် 20:8 Iomraidhean Croise

လံာ်တၢ်ဟးထီၣ်ကွံာ် 15:15

ခိၣ်နၢ်တဖၣ်လၢကီၢ်အဒိၣ်အပူၤန့ၣ်ပျံၤတၢ်နးနးကလဲာ်, ကီၢ်မိၤအးအပှၤဂံၢ်ဆူၣ်ဘါဆူၣ်တဖၣ်ကနိးကစုာ်ဝဲ, ဒီးပှၤဂီၢ်မုၢ်လၢကီၢ်ကနၤဧၣ်အတၢ်သူၣ်ဒူသးဒူ လီၤမၢ်ကွံာ်လီၤ.

တၢ်ကတိၤဒိ. 24:10

နမ့ၢ်ဂံၢ်စၢ်ဘါစၢ်ဖဲတၢ်ကီတၢ်ခဲဖးဒိၣ်အကတီၢ်ဒီး, နဂံၢ်စၢ်ဘါစၢ်နီၢ်နီၢ်လီၤ.

လံာ်တၢ်ဂံၢ် 13:31

ဘၣ်ဆၣ်ဒီးပှၤတဖၣ်လၢအလဲၤဃုာ်တ့ၢ်တၢ်ဒီးစီၤကၤလ့းစံးဝဲ ဒၣ်, “တမ့ၢ်ဘၣ်. ပဂံၢ်ပဘါတလၢ, လၢပကလဲၤထီၣ်ဒုးအဝဲသ့ၣ်အဂီၢ်ဘၣ်. ပှၤအိၣ်ဖဲန့ၣ်တဖၣ်အဂံၢ်အဘါဆူၣ်ဒိၣ်န့ၢ်ပှၤတက့ၢ်လီၤ.”

လံာ်တၢ်ဂံၢ် 32:9

အဝဲသ့ၣ်လဲၤတ့ၢ်ဝဲယံၤတုၤလၢအ့ၡကိၤလးအတၢ်တြီၤပူၤဒီး ထံၣ်ဘၣ်တ့ၢ်ထံကီၢ်န့ၣ်, ဘၣ်ဆၣ်ဒီး, ဖဲအဝဲသ့ၣ်ဟဲက့ၤန့ၣ်အဝဲသ့ၣ်မၤဟးဂီၤပှၤဂီၢ် မုၢ်အသးလၢကလဲၤနုာ်လီၤဆူထံကီၢ်တဘ့ၣ်လၢယွၤဟ့ၣ်လီၤတ့ၢ် အဝဲသ့ၣ်အပူၤန့ၣ်လီၤ.

လံာ်လူၤကၣ် 9:62

ယ့ၣ်ၡူးစံးဘၣ်အီၤ, “ပှၤတဂၤဂ့ၤတဂၤဂ့ၤလၢအထူထီၣ်စံာ်ဒီး ကွၢ်ကဒါက့ၤဆူအလီၢ်ခံတလီၢ်လီၢ်န့ၣ်, အဘျုးအဖှိၣ်တအိၣ်ဝဲလၢ ကစၢ်ယွၤအဘီအမုၢ်အဂီၢ်နီတမံၤဘၣ်.”

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 20:9

တုၤသုးခိၣ်သုးနၢ်တဖၣ်ကတိၤတၢ်ဆူသုးမုၢ်အအိၣ်ဝံၤန့ၣ်, ပှၤခိၣ်ပှၤနၢ်တဖၣ်ကဘၣ်တၢ်ဃုထၢအီၤလၢပှၤတဖုစုာ်စုာ်အဂီၢ်န့ၣ် လီၤ.

လံာ်သိၣ်လီၤသီလီၤတၢ် 23:9

ဖဲသုအိၣ်ဆိးလၢတၢ်သူၣ်ဒဲအလီၢ်, ဖဲတၢ်ဒုးတၢ်ယၤအဆၢကတီၢ် န့ၣ်, သုဘၣ်ဟးဆှဲးတၢ်တမံၤလၢ်လၢ်လၢကမၤတကဆှီ သုဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 3:16

ဘၣ်ဆၣ်ဒီးမ့ၢ်နလၢၤ, ဒီးတကိၢ်မ့ၢ်ဂ့ၤ, တခုၣ်မ့ၢ်ဂ့ၤဘၣ်အဃိယကထူးပှဲာ်ကွံာ်နၤလၢယကိာ်ပူၤလီၤ.

လံာ်ပှၤစံၣ်ညီၣ်ကွီၢ် 7:3

ဘိးဘၣ်သ့ၣ်ညါပှၤဂီၢ်မုၢ်ဒီးစံး, ပှၤတဂၤလၢ်လၢ်လၢအပျံၤတၢ်န့ၣ် ကြၢးက့ၤကဒါက့ၤဆူဟံၣ်, ဒီးပကအိၣ်တ့ၢ်ပဝဲဖဲကစၢၢ်ကံးလဧးအံၤလီၤ.” လၢတၢ်န့ၣ်အဃိပှၤအဂၤခံကလးခံကထိ က့ၤကဒါက့ၤဝဲဒီး ပှၤတကလးအိၣ်တီၢ်ဝဲဒၣ်န့ၣ်လီၤ.