လံာ်သိၣ်လီၤသီလီၤတၢ် 20:7 - Sgaw Karen Common Bible

⁷ ဖဲအံၤ, မ့ၢ်ပှၤအိၣ်တဂၤဂၤလၢအမၤတၢ်အၢၣ်လီၤလၢကဒိးတ့ဒိး ဖျီအသးန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူ ဟံၣ်လီၤ. မ့တမ့ၢ်ဘၣ်န့ၣ်, အဝဲမ့ၢ်ဘၣ်တၢ်မၤသံအီၤလၢတၢ်ဒုး အပူၤဒီး, ပှၤအဂၤတဂၤကဒိးတ့ဒိးဖျီအသးဒီးပိာ်မုၣ်လၢအဝဲမၤန့ၢ်တၢ် တ့တၢ်ဖျီအတၢ်အၢၣ်လီၤဒီးအီၤန့ၣ်လီၤ.’

လံာ်သိၣ်လီၤသီလီၤတၢ် 20:7 Iomraidhean Croise

လံာ်မးသဲ 1:18

ယ့ၣ်ၡူးခရံာ်အတၢ်အိၣ်ဖျဲၣ်ထီၣ်မၤအသးဒ်အံၤလီၤ. အမိၢ်နီၢ်မၤရံ ဘၣ်တၢ်အဲၣ်တီတ့ၢ်အီၤဒီးစီၤယိၤသးလီၤ. ဘၣ်ဆၣ်တချုးလၢအဝဲသ့ၣ်အိၣ်ဃုာ်ဒံးဘၣ်ဒ်နီၢ်ဒီမိဝၤအသိးန့ၣ်, တၢ်မၤအသးလၢနီၢ်မၤရံအိၣ်ထီၣ်ဒီးအဟုးအသးခီဖျိသးစီဆှံ အစိကမီၤန့ၣ်လီၤ.

လံာ်သိၣ်လီၤသီလီၤတၢ် 20:6

ဖဲအံၤ, မ့ၢ်ပှၤအိၣ်တဂၤဂၤလၢအသူၣ်လီၤဒံးဒၣ်အစပံးလီၢ်သီသီ ဖိဒီးတအိၣ်ဒံးဘၣ်ဒီးတၢ်ခွဲးတၢ်ယာ်လၢကဒဲးက့ၤစပံးသၣ်တဖၣ် န့ၣ်ဧါ. မ့ၢ်အိၣ်ဒီးအဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်အဝဲမ့ၢ်ဘၣ်တၢ်မၤသံအီၤလၢတၢ်ဒုးအပူၤဒီးပှၤ အဂၤတဂၤကမုာ်လၤသးခုဘၣ်အစပံးထံန့ၣ်လီၤ.

လံာ်သိၣ်လီၤသီလီၤတၢ် 24:5

ဖဲပိာ်ခွါတဂၤဒိးတ့ဒိးဖျီအသးဝံၤသီသီန့ၣ်, တၢ်တဘၣ်မၢဆူၣ်အဝဲနုာ်လီၤဆူသုးပူၤမ့ၢ်ဂ့ၤ, ကမျၢၢ်အတၢ်ဖံးတၢ်မၤအဂၤတမံၤမံၤအပူၤမ့ၢ်ဂ့ၤန့ၣ်ဘၣ်. တၢ်ကဘၣ်ပျဲပူၤဖျဲးအီၤလၢတၢ်မၤအမူအဒါဒီတနံၣ်ညါဒ်သိးအဝဲ ကအိၣ်လၢဟံၣ်ဒီးမၤသူၣ်ဖှံသးညီအမါကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 28:30

သုကမၤတၢ်အၢၣ်လီၤအီလီၤဒီးပိာ်မုၣ်သးစၢ်တဂၤလၢတၢ်တ့တၢ်ဖျီအဂီၢ်, ဘၣ်ဆၣ်ပှၤအဂၤတဂၤဒၣ်ကဖျီအသးဒီးအီၤန့ၣ်လီၤ. သုကဘှီထီၣ်ဟံၣ်တဖျၢၣ်, ဘၣ်ဆၣ်သုတအိၣ်တဆိးဘၣ်လၢအပူၤလ့ၤ တက့ၤဘၣ်. သုကသူၣ်လီၤဖျးလီၤစပံးလီၢ်တလီၢ်, ဘၣ်ဆၣ်သုတအီၣ်ဘၣ်အစပံးသၣ်တဖၣ်လ့ၤတက့ၤဘၣ်.

၂ တံၤမသ့း 2:4

ပှၤသုးဖိလၢအအိၣ်လၢတၢ်ဖံးတၢ်မၤအပူၤတဂၤန့ၣ်, သးအိၣ်မၤမုာ်မၤမံဘၣ်အသုးခိၣ်အသးသတးဒီး, အဝဲတမၤတံာ်တာ်အသးလၢပှၤပတီၢ်မုၣ်အတၢ် ဂ့ၢ်တၢ်ကျိၤတဖၣ်န့ၣ်ဘၣ်.