လံာ်သိၣ်လီၤသီလီၤတၢ် 20:5 - Sgaw Karen Common Bible

⁵ ဝံၤဒီးသုးခိၣ်သုးနၢ်တဖၣ်ကကတိၤလီၤတၢ်ဆူပှၤတဖၣ်ဒီးစံး, ဖဲအံၤ, မ့ၢ်ပှၤအိၣ်တဂၤဂၤလၢအဘှီထီၣ်ဟံၣ်တဖျၢၣ်ဝံၤဒၣ်သီသီ ဖိဒီးတပာ်စီဆှံဘၣ်ဒံးအီၤန့ၣ်ဧါ. မ့ၢ်အိၣ်ဒီး, အဝဲသ့ၣ်ကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲမ့ၢ်ဘၣ်တၢ်မၤသံအီၤလၢတၢ်ဒုးအပူၤဒီးပှၤအဂၤတဂၤကပာ်စီ ဆှံကွံာ်အဟံၣ်န့ၣ်လီၤ.

လံာ်သိၣ်လီၤသီလီၤတၢ် 20:5 Iomraidhean Croise

လံာ်စီၤနဃ့မယၤ 12:27

တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

စံးထီၣ်ပတြၢၤ 30:1

ယွၤဧၢ, ယပာ်ထီၣ်ထီနၤ, မ့ၢ်လၢနမၤပူၤဖျဲးယၤ, ဒီးတပျဲယဒုၣ်ယဒါသးခုလၢ ယဖီခိၣ်အဃိန့ၣ်လီၤ.

လံာ်တၢ်ဂံၢ် 31:14

စီၤမိၤၡ့သးဒိၣ်ထီၣ်ပှၤခိၣ်ပှၤနၢ်တဖၣ်, သုးခိၣ်သုးနၢ်တဖၣ် လၢအပၢဆှၢသုးမုၢ်အကထိတဖၣ်ဒီးအကရူၢ်တဖၣ်, လၢအဟဲက့ၤကဒါက့ၤလၢတၢ်ဒုးပျီပူၤန့ၣ်လီၤ.

လံာ်တၢ်ဂံၢ် 31:48

အန့ၣ်ဝံၤဒီးပဒိၣ်ပပှၢ်တဖၣ်လၢအပၢဆှၢသုးမုၢ်န့ၣ်လဲၤဆူ စီၤမိၤၡ့အအိၣ်, ဒီးပာ်ဖျါထီၣ်က့ၤဝဲ,

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်သိၣ်လီၤသီလီၤတၢ် 20:6

ဖဲအံၤ, မ့ၢ်ပှၤအိၣ်တဂၤဂၤလၢအသူၣ်လီၤဒံးဒၣ်အစပံးလီၢ်သီသီ ဖိဒီးတအိၣ်ဒံးဘၣ်ဒီးတၢ်ခွဲးတၢ်ယာ်လၢကဒဲးက့ၤစပံးသၣ်တဖၣ် န့ၣ်ဧါ. မ့ၢ်အိၣ်ဒီးအဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်အဝဲမ့ၢ်ဘၣ်တၢ်မၤသံအီၤလၢတၢ်ဒုးအပူၤဒီးပှၤ အဂၤတဂၤကမုာ်လၤသးခုဘၣ်အစပံးထံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:18

ဒီးလဲၤစိာ်တၢ်နုၢ်ထံလီၤသကၤအလိၣ်တဆံအံၤဆူသုးခိၣ်ဖးဒိၣ် အအိၣ်တက့ၢ်. ဃုသ့ၣ်ညါနဝဲၢ်တဖၣ်မ့ၢ်အအိၣ်မၤသးဒ်လဲၣ်ဒီးဟဲက့ၤစိာ်တၢ် တမံၤလၢကဒုးနဲၣ်တၢ်လၢနထံၣ်တ့ၢ်အဝဲသ့ၣ်ဒီးလၢအဝဲသ့ၣ်အိၣ် ဆူၣ်အိၣ်ချ့အဂ့ၢ်န့ၣ်တက့ၢ်.