လံာ်သိၣ်လီၤသီလီၤတၢ် 20:4 - Sgaw Karen Common Bible

⁴ ယွၤ, သုကစၢ်ယွၤကလဲၤဃုာ်ဒီးသုဒီးကဟ့ၣ်သုတၢ်မၤနၢၤန့ၣ် လီၤ.

လံာ်သိၣ်လီၤသီလီၤတၢ် 20:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 14:15

တုၤနနၢ်ဟူပှၤဟဲထီၣ်အသီၣ်လၢသ့ၣ်တဖၣ်အခံအလိၤန့ၣ်ဒီး, ဒုးတၢ်တက့ၢ်. အဂ့ၢ်ဒ်အံၤ, ယကလဲၤထီၣ်ဆိလၢနမဲာ်ညါလၢတၢ်မၤ နၢၤပှၤဖလ့ၡသးဖိအသုးမုၢ်အဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 13:12

ကစၢ်ယွၤ, အကစၢ်ဒၣ်ဝဲ, မ့ၢ်ပခိၣ်ပနၢ်ဒီးအဝဲအပှၤလုၢ်တၢ်အခိၣ် တဖၣ်အိၣ်ဖဲအံၤ, ဒီးအကွဲၤတဖၣ်, ကတဲာ်ကတီၤအသးလၢကအူ ထီၣ်ဝဲဒီးကိးဃီၤပှၤဆူတၢ်ဒုးထီဒါသုန့ၣ်လီၤ. အံၣ်စရ့လးအပှၤဂီၢ်မုၢ်သ့ၣ်ဧၢ, ဒုးတၢ်ထီဒါယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤတဂ့ၤ. သုမၤနၢၤတၢ်တသ့ဘၣ်.”

လံာ်တၢ်ဟးထီၣ်ကွံာ် 14:14

ယွၤကဒုးတၢ်လၢသုဂီၢ်ဒီးဖဲန့ၣ်အလီၢ်တအိၣ်လၢသုကမၤတၢ်နီ တမံၤဘၣ်.”

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 11:25

ဖဲသုလဲၤတၢ်တပူၤလၢ်လၢ်လၢကီၢ်ပူၤန့ၣ်, ယွၤ, သုကစၢ်ယွၤကဒုးပျံၤဘၣ်ဖုးဘၣ်ပှၤဂီၢ်မုၢ်လၢသု, ဒ်အဝဲအၢၣ်လီၤတ့ၢ်လံဝဲအသိး, ဒီးပှၤလၢအတြီသုသ့န့ၣ်တအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 3:22

ပျံၤအဝဲသ့ၣ်တဂ့ၤ, အဂ့ၢ်ဒ်အံၤ, ယွၤ, နကစၢ်ယွၤကဒုးတၢ်လၢနဂီၢ်န့ၣ်လီၤ.

လံာ်သိၣ်လီၤသီလီၤတၢ် 31:6

ပာ်လီၤသုသးလီၤတံၢ်လီၤဆဲးသပှၢ်တၢၢ်ဒီးအိၣ်ဒီးတၢ်နာ်အဂၢၢ် အကျၢၤတက့ၢ်. ပျံၤဘၣ်အဝဲသ့ၣ်တဂ့ၤ, ယွၤ, သုကစၢ်ယွၤအနီၢ်ကစၢ်ဒၣ်ဝဲကအိၣ်ဒီးသုလီၤ. အဝဲတလီၤတိၢ်ကွံာ်ဘၣ်လၢသုဂီၢ်မ့ၢ်ဂ့ၤ, ပာ်လီၤတဲာ်တ့ၢ်ကွံာ် သုမ့ၢ်ဂ့ၤန့ၣ်ဘၣ်.”

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:23

အဝဲသ့ၣ်ဒုးတၢ်ကျဲဒီဘိဖျိကွံာ်ဝ့ၢ်ဘ့ၤသအၤဝ့ၣ်လီၤ. ယွၤအုၣ်က့ၤခီၣ်က့ၤကီၢ်အံၣ်စရ့လးလၢမုၢ်နံၤအဝဲန့ၣ်လီၤ.