လံာ်သိၣ်လီၤသီလီၤတၢ် 20:20 - Sgaw Karen Common Bible

²⁰ သုကကူာ်လီၤကွံာ်သ့ၣ်အဂၤတဖၣ်ဒီးသူအီၤလၢတၢ်မၤထီၣ်ဟီၣ်ခိၣ် ထီၣ်စိကဝီၤဃးတၢ်အပူၤ, တုၤလၢဝ့ၢ်န့ၣ်ဘၣ်တၢ်မၤန့ၢ်ကွံာ်အီၤတစုန့ၣ်လီၤ.

လံာ်သိၣ်လီၤသီလီၤတၢ် 20:20 Iomraidhean Croise

လံာ်စီၤပၤခံဘ့ၣ်တဘ့ၣ် 3:19

သုကမၤနၢၤကွံာ်အဝဲသ့ၣ်အဝ့ၢ်အဃံအလၤလၢတၢ်မၤခၢၣ်သနၢၣ်အီၤတ ဖၣ်, ဒီးသုကကူာ်လီၤကွံာ်ကယဲၢ်အသ့ၣ်လၢပှၤအီၣ်အသၣ်အထူၣ်တဖၣ်, ဆွံကတံာ်ကွံာ်အထံထီၣ်ပၢၢ်ခဲလၢာ်, ဒီးမၤဟးဂီၤကွံာ်အစံာ်ဧိၤပှဲၤဧိၤလၢဟီၣ်ခိၣ်ညၣ်ထ့ၣ်ဂ့ၤခီဖျိ တၢ်မၤဘၢကွံာ်အီၤလၢလၢၢ်တဖၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:15

လၢဝ့ၢ်ယရူၤၡလ့ၣ်အပူၤန့ၣ်, အဝဲအပှၤမၤကဲထီၣ်တၢ်တဖၣ်, မၤတၢ်ပီးတၢ်လီတဖၣ်လၢတၢ်ခးပျၢ်အဂီၢ်, ဒီးလၢတၢ်ကွံာ်လၢၢ်ဖးဒိၣ်လၢပှၤပၢၤတၢ်အလီၢ်တဖၣ်ဒီးဝ့ၢ်ခိၣ် ဒူအသနၢၣ်တဖၣ်အဂီၢ်န့ၣ်လီၤ. အဝဲအတၢ်မံၤဟူသၣ်ဖျါရၤလီၤအသးသတုၤဆးဒးဒီးအဝဲအစိ အကမီၤဒိၣ်ထီၣ်ဝဲဒိၣ်ဒိၣ်ကလဲာ်မ့ၢ်လၢတၢ်မၤစၢၤလၢအမၤန့ၢ်ဝဲ လၢကစၢ်ယွၤအအိၣ်အဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:14

ဝ့ၢ်အဆံးဖိအိၣ်ဝဲတဝ့ၢ်လၢပှၤတအိၣ်လၢအပူၤအါဂၤဘၣ်န့ၣ်လီၤ. စီၤပၤလၢအစိကမီၤဒိၣ်ဝဲတဂၤဟဲဒုးအီၤလီၤ. အဝဲကဝီၤဃာ်ဝ့ၢ်အံၤဒီးကတဲာ်ကတီၤအသးလၢကမၤလီၤပှီၢ်ဝ့ၢ် အခိၣ်ဒူတဖၣ်န့ၣ်လီၤ.

လံာ်ယၡါယၤ 37:33

အအံၤမ့ၢ်တၢ်လၢယွၤစံးတ့ၢ်ဝဲဘၣ်ဃးဒီးပှၤအၤၡူၢ်ဖိအစီၤပၤ ဖးဒိၣ်န့ၣ်လီၤ. အဝဲတဟဲနုာ်ဘၣ်ဆူဝ့ၢ်အံၤအပူၤမ့ၢ်ဂ့ၤ, တခးထီဒါဘၣ်ပျၢ်နီတဘ့ၣ်မ့ၢ်ဂ့ၤဘၣ်. သုးဖိလၢအအိၣ်ဒီးကတီၤတဖၣ်တဟဲဘူးဘၣ်ဒီးဝ့ၢ်အံၤနီတဂၤ ဘၣ်. ဒီးတၢ်ဒုးတၢ်ယၤအဟီၣ်ခိၣ်ထီၣ်ထီတဖၣ်တဘၣ်တၢ်မၤထီၣ်ဝး တရံးအီၤနီတခါဘၣ်.

လံာ်ယံးရမံယၤ 33:4

ယၤ, ယွၤ, အံၣ်စရ့လးအကစၢ်ယွၤစံး, လၢဝ့ၢ်ယရူၤၡလ့ၣ် အဟံၣ်တဖၣ်ဒီး ကီၢ်ယူဒၤအစီၤပၤအနူၢ်အစီၤကဘၣ်တၢ်ရူၢ် လီၤကွံာ်အီၤခီဖျိတၢ်ကဝီၤဃာ်ဒီး တၢ်ဟဲထီၣ်ဒုးအီၤအဃိန့ၣ်လီၤ.

လံာ်ယံးရမံယၤ 6:6

ယွၤသ့တၢ်လၢာ်ဟ့ၣ်လီၤတ့ၢ်အကလုၢ်လၢစီၤပၤတဖၣ်အံၤကကူာ် လီၤသ့ၣ်တဖၣ်ဒီးမၤထီၣ်စိဟီၣ်ခိၣ်တဖၣ်လၢတၢ်ဝီၤတရံးဒုး ဝ့ၢ်ယရူၤရှလ့ၣ်အဂီၢ်န့ၣ်လီၤ. အဝဲစံးတ့ၢ်ဝဲ, “ယကစံၣ်ညီၣ်ဝ့ၢ်အံၤ မ့ၢ်လၢဝ့ၢ်အံၤပှဲၤဝဲဒီးတၢ်မၤအၢမၤနးအဃိလီၤ.

လံာ်ယဃ့းစက့လး 17:17

ကီၢ်အဲၤကူပတူးအစီၤပၤအသုးမုၢ်လၢအဂံၢ်ဆူၣ်ဘါဆူၣ်ဒၣ်လဲာ် န့ၣ်, ဖဲလၢပှၤဘၤဘူၤလိၣ်ဖိတဖၣ်မၤထီထီၣ်ဟီၣ်ခိၣ်ဝးတရံးဝ့ၢ်ဒီး ခူၣ်လီၤတၢ်ကျိၤတဖၣ်လၢကမၤသံပှၤဂီၢ်မုၢ်အါဂၤအခါန့ၣ်ဒုး စၢၤအီၤတၢ်တသ့ဘၣ်.

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 20:19

ဖဲသုကျဲးစၢးမၤန့ၢ်ဝ့ၢ်တဖျၢၣ်အခါန့ၣ်, တၢ်ကဝီၤဃာ်အီၤအဆၢ ကတီၢ်မ့ၢ်ယံာ်ထၢဒၣ်လဲာ်, ကူာ်လီၤကွံာ်အသ့ၣ်တဖၣ်လၢတၢ်အီၣ်အသၣ် သ့ဝဲန့ၣ်တဂ့ၤ. အီၣ်အသၣ်, ဘၣ်ဆၣ်မၤဟးဂီၤကွံာ်သ့ၣ်တဖၣ်န့ၣ် တဂ့ၤ. သ့ၣ်တဖၣ်န့ၣ်တမ့ၢ်ဘၣ်သုဒုၣ်သုဒါတဖၣ်ဘၣ်.

လံာ်သိၣ်လီၤသီလီၤတၢ် 21:1

ပစံးဒၣ်ကလိာ်, ပှၤတဂၤကဘၣ်တၢ်ထံၣ်န့ၢ်အီၤလၢဘၣ်တၢ်မၤသံအီၤ လၢကီၢ်လၢယွၤ, သုကစၢ်ယွၤဟ့ၣ်လီၤသုအစံာ်ပျီ တဘ့ၣ်အပူၤဒီးသုတသ့ၣ်ညါမတၤမၤသံကွံာ်အီၤလဲၣ်န့ၣ်ဘၣ်လီၤ.