လံာ်သိၣ်လီၤသီလီၤတၢ် 20:11 - Sgaw Karen Common Bible

¹¹ အဝဲသ့ၣ်မ့ၢ်အိးထီၣ်အတြဲၤတဖၣ်ဒီးဟ့ၣ်လီၤအသးန့ၣ်, အဝဲသ့ၣ်ခဲလၢာ်ကဘၣ်ကဲထီၣ်သုကုၢ်သုပှၤတဖၣ်ဒီးမၤန့ၢ်သုတၢ် မၤလၢတၢ်မၢဆူၣ်အီၤန့ၣ်လီၤ.

လံာ်သိၣ်လီၤသီလီၤတၢ် 20:11 Iomraidhean Croise

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:22

စီၤအလံၤၡါစံးဆၢဝဲ, “မၤသံတဂ့ၤ. ပှၤသုးဖိတဖၣ်လၢ နဖီၣ်န့ၢ်အီၤလၢတၢ်ဒုးအပူၤလၢနကမၤသံအီၤဒၣ်လဲာ်န့ၣ်, မၤသံအီၤတဂ့ၤ. ဟ့ၣ်အဝဲသ့ၣ်တၢ်တနီၤနီၤလၢကအီၣ်ဒီးကအီဝဲ အဂီၢ်ဒီးပျဲအဝဲသ့ၣ်က့ၤကဒါက့ၤဆူအစီၤပၤအအိၣ်န့ၣ်တက့ၢ်.”

စံးထီၣ်ပတြၢၤ 120:7

ဖဲယကတိၤတၢ်ဃူတၢ်ဖိးအဂ့ၢ်န့ၣ် အဝဲသ့ၣ်တဖၣ် အဲၣ်ဒိးတၢ်ဒုးတၢ်ယၤလီၤ.

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်သိၣ်လီၤသီလီၤတၢ် 20:10

ဖဲသုလဲၤထီၣ်ဒုးဝ့ၢ်တဖျၢၣ်န့ၣ်, အဆိကတၢၢ်ဟ့ၣ်အပှၤဂီၢ်မုၢ် အတၢ်ခွဲးတၢ်ယာ်တမံၤလၢကဟ့ၣ်လီၤအသးဒီးပာ်လီၤအစု ကဝဲၤတက့ၢ်.

လံာ်သိၣ်လီၤသီလီၤတၢ် 20:12

ဘၣ်ဆၣ်ဝ့ၢ်အပှၤဂီၢ်မုၢ်မ့ၢ်တဟ့ၣ်လီၤသးဘၣ်, မ့မ့ၢ်ဃုထၢလၢကဒုးတၢ်န့ၣ်, ကဝီၤဃာ်ဝ့ၢ်န့ၣ်ဒီးသုသုးမုၢ် တက့ၢ်.

လံာ်စီၤယိၤၡူ 16:10

နာ်က့ဒီး, အဝဲသ့ၣ်တဟီထီၣ် ကွံာ်ပှၤကနၤဧၣ်ဖိလၢဝ့ၢ်က့စ့ၢ်န့ၣ်ဘၣ်. အဃိသတးဒီးပှၤကနၤဧၣ်ဖိတဖၣ် အိၣ်ဆိးလၢပှၤအ့ဖရဲၣ်အသိးအကျါတုၤလီၤလၢမုၢ် မဆါတနံၤအံၤဘၣ်ဆၣ်ဒီးအဝဲသ့ၣ် ဘၣ်တၢ်မၤဆူၣ်အီၤလၢကမၤတၢ်ဒ်ကုၢ်တဖၣ်အသိးန့ၣ်လီၤ.

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.

လံာ်စီၤယိၤၡူ 9:8

အဝဲသ့ၣ်စံးဘၣ်စီၤယိၤၡူ, “ပမ့ၢ်နခ့နပှၤတဖၣ်လီၤ.” ဒီးစီၤယိၤၡူစံးဘၣ်အဝဲသ့ၣ်, “သုမ့ၢ်မတၤတဖၣ်လဲၣ်. ဒီးသုဟဲဖဲလဲၣ်ခီလဲၣ်.”

လံာ်စီၤယိၤၡူ 9:9

အဝဲသ့ၣ်စံးဘၣ်အီၤ, “ပဝဲနခ့နပှၤတဖၣ်အံၤပဟဲလၢထံကီၢ်လၢအယံၤတဘ့ၣ်, မ့ၢ်လၢပနၢ်ဟူဘၣ်ယွၤနကစၢ်အဂ့ၢ်အဃိလီၤ. ပနၢ်ဟူဘၣ်တၢ်ခဲလၢာ်လၢအဝဲမၤဝဲလၢကီၢ်အဲၤကူပတူး အပူၤ,

လံာ်ပှၤစံၣ်ညီၣ်ကွီၢ် 1:28

ဒီးဖဲပှၤအံၣ်စရ့လးဖိတဖၣ်အဂံၢ်ဆူၣ်အဘါဆူၣ်ထီၣ်န့ၣ်, အဝဲသ့ၣ်မၤဆူၣ်ပှၤကနၤဧၣ်ဖိလၢကမၤတၢ်လၢအဝဲသ့ၣ်အဂီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်တနီၣ်ထီၣ်ကွံာ်ဒံးပှၤကနၤဧၣ်ဖိခဲလၢာ်ဘၣ်လီၤ.