လံာ်သိၣ်လီၤသီလီၤတၢ် 20:1 - Sgaw Karen Common Bible

¹ တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်သိၣ်လီၤသီလီၤတၢ် 20:1 Iomraidhean Croise

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:10

စီၤအၤစါဟးထီၣ်လၢကလဲၤဒုးအီၤအဂီၢ်, ဒီးပှၤခံခီလိာ်ဟံး န့ၢ်အတၢ်လီၢ်ဖဲကစၢၢ်ကဆူးစဖၤသး, ဘူးဒီးဝ့ၢ်မရ့ၡၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:11

စီၤအၤစါဃ့ဘါထုကဖၣ်ဆူယွၤ, အကစၢ်ယွၤအအိၣ်စံးဝဲ, “ယွၤဧၢ, နမၤစၢၤသုးမုၢ်လၢအဂံၢ်အဘါစၢ်ဝဲတဖုသ့ဝဲ ညီကဒၣ်ဒ်ပှၤတဖုလၢအဂံၢ်ဆူၣ်ဘါဆူၣ်အသိးန့ၣ်လီၤ. ယွၤ, ပကစၢ်ယွၤဧၢ, မၤစၢၤပှၤခဲအံၤန့ၣ်တက့ၢ်. အဂ့ၢ်ဒ်အံၤ, ပသန့ၤပသးလၢနၤဒီးလၢနမံၤအပူၤန့ၣ်, ပဟဲထီၣ်လၢပကဒုးတၢ်ထီဒါသုးမုၢ်ဖးဒိၣ်အံၤန့ၣ်လီၤ. ယွၤဧၢ, နမ့ၢ်ပကစၢ်ယွၤလီၤ. ပှၤမုၢ်လၢ်လၢအကမၤနၢၤကွံာ်နၤ တသ့နီတဂၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:15

စီၤယၤဃစအ့လးစံးဝဲ, “နဲဒၣ်တၢ်ဒိၣ်စီၤပၤဖးဒိၣ်ဒီး ကယဲၢ်သုဝဲပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်အပူၤ သ့ၣ်ဧၢ, ယွၤစံးဝဲဒၣ်, လၢသုတ့ၢ်စၢ်လီၤသုဂံၢ်သုဘါမ့ၢ်ဂ့ၤ, ပျံၤတၢ်ဖုးတၢ်လၢသုကကွၢ်ဆၢၣ်မဲာ်သုးမုၢ်ဖးဒိၣ်အံၤမ့ၢ်ဂ့ၤ, အလီၢ်တအိၣ်ဘၣ်. တၢ်ဒုးန့ၣ်သန့ၤထီၣ်အသးလၢယွၤအဖီခိၣ်ဒီး တမ့ၢ်ဘၣ်လၢသုဖီခိၣ်ဘၣ်.

စံးထီၣ်ပတြၢၤ 118:6

ယွၤအိၣ်ဒီးယၤဒီးယတပျံၤဘၣ်တၢ်ဘၣ်. ပှၤကညီမၤယၤကသ့မနုၤလဲၣ်.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

စံးထီၣ်ပတြၢၤ 23:4

တုၤယလဲၤလၢတၢ်သံအကဒု အကစၢၢ်ကဆူးပူၤဒၣ်လဲာ်န့ၣ်, ယတပျံၤဘၣ်တၢ်အၢဘၣ်. အဂ့ၢ်ဒ်အံၤ, နအိၣ်ဒီးယၤလီၤ. နနီၣ်ထိးဘိဒီးနနီၣ်ထိးတဘိန့ၣ် မၤမုာ်ထီၣ်က့ၤယၤလီၤ.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:8

ဟဲဒီးကွၢ်တၢ်လၢယွၤမၤတဖၣ်န့ၣ်တက့ၢ်. ကွၢ်တၢ်လီၤလးသ့ၣ်တဖၣ်လၢအမၤတ့ၢ်ဝဲလၢ ဟီၣ်ခိၣ်ချၢန့ၣ်တက့ၢ်.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 16:14

ယွၤစံးဝဲဒၣ်, “တၢ်ဆၢကတီၢ်ဟဲဝဲဖဲပှၤဂီၢ်မုၢ်တ ဆိၣ်လီၤလၢၤအသးလၢယမံၤအပူၤဒီးပာ်ယၤဒ်အမ့ၢ်ကစၢ်ယွၤလၢ အမူဝဲလၢအဟဲစိာ်ထီၣ်ကွံာ်ကီၢ်အံၣ်စရ့လးအပှၤ ဂီၢ်မုၢ်လၢကီၢ်အဲၤကူပတူးအပူၤန့ၣ်ဘၣ်လီၤ.

လံာ်စကၤရယၤ 10:5

ကီၢ်ယူဒၤအပှၤဂီၢ်မုၢ်ကမၤနၢၤတၢ်ဒ်ပှၤ သုးဖိတဖၣ်လၢယီၢ်တံၢ်လီၤအဒုၣ်အဒါတဖၣ် လၢကျဲဘိတဖၣ်အကပံၢ်အကျါအသိးန့ၣ်လီၤ. အဝဲသ့ၣ်ကဒုးတၢ်မ့ၢ်လၢကစၢ်ယွၤအိၣ်ဒီးအဝဲသ့ၣ်အဃိဒီးအဝဲ သ့ၣ်ကမၤနၢၤဒၣ်လဲာ်ဒုၣ်ဒါအပှၤဒိးကသ့ၣ်တဖၣ်န့ၣ်လီၤ.

လံာ်တၢ်ဂံၢ် 10:9

ဖဲသုဒုးတၢ်ယၤတၢ်လၢသုကီၢ်ပူၤ, ဒီးသုကဘၣ်ဒီဒၣ်သုသးထီ ဒါသုဒုၣ်သုဒါလၢအဟဲဒုးတၢ်ဒီးသုအခါန့ၣ်, အူထီၣ်တၢ်ဒုးသုးအတၢ်ပနီၣ်လၢကွဲၤတဖၣ်အံၤတက့ၢ်. ယၤ, ယွၤသုကစၢ်ယွၤကမၤစၢၤသုဒီးအုၣ်က့ၤခီၣ်က့ၤသုလၢသု ဒုၣ်သုဒါတဖၣ်အစုပူၤန့ၣ်လီၤ.

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 1:29

ဘၣ်ဆၣ်ဒီးယတဲဘၣ်သု, ပျံၤပှၤဂီၢ်မုၢ်တဖၣ်န့ၣ်တဂ့ၤ.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 20:2

တချုးလၢသုစးထီၣ်ဒုးတၢ်န့ၣ်, ပှၤလုၢ်တၢ်အခိၣ်တဂၤကဘၣ်ဟဲထီၣ် ဆူတၢ်မဲာ်ညါဒီးစံးဘၣ်သုးမုၢ်,

လံာ်သိၣ်လီၤသီလီၤတၢ် 20:3

ကီၢ်အံၣ်စရ့လးအပှၤသ့ၣ်ဧၢ, ဒိကနၣ်တၢ်တက့ၢ်. တနံၤအံၤသုကလဲၤဆူတၢ်ဒုးတၢ်ယၤအပူၤလီၤ. ပျံၤဘၣ်သုဒုၣ်သုဒါတဖၣ်မ့ၢ်ဂ့ၤ, မၤဟါမၢ်ကွံာ်သုတၢ်သးခူ တလ့ၢ်မ့ၢ်ဂ့ၤ, ပျံၤတၢ်ကလီကလီလၢအဂ့ၢ်တအိၣ်ကျိၤတအိၣ်မ့ၢ်ဂ့ၤ န့ၣ်တဂ့ၤ.

လံာ်သိၣ်လီၤသီလီၤတၢ် 31:6

ပာ်လီၤသုသးလီၤတံၢ်လီၤဆဲးသပှၢ်တၢၢ်ဒီးအိၣ်ဒီးတၢ်နာ်အဂၢၢ် အကျၢၤတက့ၢ်. ပျံၤဘၣ်အဝဲသ့ၣ်တဂ့ၤ, ယွၤ, သုကစၢ်ယွၤအနီၢ်ကစၢ်ဒၣ်ဝဲကအိၣ်ဒီးသုလီၤ. အဝဲတလီၤတိၢ်ကွံာ်ဘၣ်လၢသုဂီၢ်မ့ၢ်ဂ့ၤ, ပာ်လီၤတဲာ်တ့ၢ်ကွံာ် သုမ့ၢ်ဂ့ၤန့ၣ်ဘၣ်.”

လံာ်သိၣ်လီၤသီလီၤတၢ် 31:8

ယွၤအကစၢ်ဒၣ်ဝဲကဆှၢနၤဒီးကအိၣ်ဒီးနၤန့ၣ်လီၤ. အဝဲတလီၤတိၢ်ကွံာ်ဘၣ်လၢနဂီၢ်မ့ၢ်ဂ့ၤပာ်လီၤတဲာ်တ့ၢ်ကွံာ်နၤ မ့ၢ်ဂ့ၤဘၣ်. အဃိတ့ၢ်စၢ်လီၤနဂံၢ်နဘါဒီးပျံၤတၢ်ဖုးတၢ်တဂ့ၤ.”

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 7:18

ပျံၤဘၣ်အဝဲသ့ၣ်တဂ့ၤ. သ့ၣ်နီၣ်ထီၣ်တၢ်လၢယွၤ, သုကစၢ်ယွၤမၤတ့ၢ်ဘၣ်ကီၢ်အဲၤကူပတူးအစီၤပၤဒီးအပှၤဂီၢ်မုၢ် ခဲလၢာ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 11:9

ဒီးစီၤယိၤၡူမၤဒ်ယွၤမၤလိာ်တ့ၢ်အီၤအသိး, ကျီတဲာ်ကွံာ်အဝဲ သ့ၣ်အကသ့ၣ်တဖၣ်အခီၣ်ထူၣ် ဒီးဒွဲၣ်အူထီၣ်ကွံာ်အဝဲသ့ၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.

လံာ်ပှၤစံၣ်ညီၣ်ကွီၢ် 6:12

ယွၤအကလူးအိၣ်ဖျါထီၣ်လၢအမဲာ်ညါဒီးစံးဘၣ်အီၤ, “ယွၤအိၣ်ဒီးနၤ, ပှၤအဒူဒီးအဂံၢ်အဘါဆူၣ်တဂၤဧၢ”.

လံာ်ပှၤစံၣ်ညီၣ်ကွီၢ် 6:16

ဒီးယွၤစံးဆၢဝဲ, “နမၤတၢ်တမံၤန့ၣ်သ့, မ့ၢ်လၢယမၤစၢၤနၤအဃိန့ၣ်လီၤ. နကတီၢ်သဘှံးပှၤမံးဒယၣ်ဖိတဖၣ်ညီညီဒ်အဝဲသ့ၣ်မ့ၢ်ပှၤတဂၤဧိၤ အသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:32

စီၤဒၤဝံးစံးဘၣ်စီၤစီလူး, “တၢ်ဒိၣ်စီၤပၤဖးဒိၣ်ဧၢ, တကြၢးလၢပှၤကပျံၤဘၣ်ပှၤဖလ့ၡသးဖိတဂၤအံၤနီတစဲးဘၣ်. ယကလဲၤဒီးဒုးအီၤလီၤ.”