လံာ်သိၣ်လီၤသီလီၤတၢ် 2:9 - Sgaw Karen Common Bible

⁹ ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.

လံာ်သိၣ်လီၤသီလီၤတၢ် 2:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:10

ခဲကနံၣ်အံၤပှၤဂီၢ်မုၢ်လၢကီၢ်ဧၣ်မိၣ်, ကီၢ်မိၤအးဒီးကီၢ်အဒိၣ်တဖၣ်ဟဲထီၣ်ဒုးပှၤလံ. ဖဲပမိၢ်ပၢ်ဖံဖုလၢပျၢၤတဖၣ်ဟးထီၣ်လၢကီၢ်အဲၤကူပတူးအပူၤ န့ၣ်, နတပျဲအဝဲသ့ၣ်လဲၤနုာ်ဆူထံကီၢ်သ့ၣ်တဖၣ်န့ၣ်အပူၤဘၣ်. လၢတၢ်န့ၣ်, အဃိပမိၢ်ပၢ်ဖံဖုလၢပျၢၤတဖၣ်လဲၤပူၤကွံာ်လၢ အဝဲသ့ၣ်အကီၢ်အဃၢၤဒီးတမၤဟးဂီၤကွံာ်ဘၣ်အဝဲသ့ၣ်ဘၣ်.

စံးထီၣ်ပတြၢၤ 83:8

ပှၤအၤၡူၢ်ဖိပာ်ဖှိၣ်စ့ၢ်ကီးအသးဒီးအဝဲသ့ၣ် ဒ်ပှၤဒီသိၣ်ဒီမှံၤလၢအဂံၢ်ဆူၣ်ဘါဆူၣ်လၢအမ့ၢ် စီၤလိၣ်အစၢၤအသွဲၣ်တဖၣ်န့ၣ်လီၤ. စ့လၤ

လံာ်ယၡါယၤ 15:1

အအံၤမ့ၢ်တၢ်ကစီၣ်ဘၣ်ဃးမိၤအးအကီၢ်လီၤ. ဝ့ၢ်ဧၢ်ဒီးဝ့ၢ်ကံၢ်တဖၣ်ဘၣ်တၢ်မၤဟးဂီၤ အီၤလၢတနၤဃီအတီၢ်ပူၤဒီးတၢ်ဘှ့ၣ် တၢ်ဘှီၣ်လုၣ်ဘၢကီၢ်မိၤအးဒီဘ့ၣ်န့ၣ်လီၤ.

လံာ်တၢ်ဂံၢ် 21:15

ဒီးတၢ်တြီၤတဖၣ်အတၢ်လီၤဘံသးလၢအယံၤဝဲတုၤလၢဝ့ၢ်ဧၢ်ဒီး လိၤလိၤကီၢ်မိၤအးအဆၢန့ၣ်လီၤ.”

လံာ်တၢ်ဂံၢ် 21:28

တဘျီလၢဝ့ၢ်ဃ့ၡဘိၣ်အံၤအပူၤန့ၣ်, စီၤပၤစံဃိၣ်အသုးမုၢ်ဟး ထီၣ်ဝဲဒ်မ့ၣ်အူအသိးလီၤ. သုးမုၢ်န့ၣ်မၤဟးဂီၤတ့ၢ်ကီၢ်မိၤအးအဝ့ၢ်ဧၢ်, ဒီးမၤလီၤကလဲ ကွံာ်တၢ်လုၢ်လီၢ်တဖၣ်လၢဝ့ၢ်အၤနိၣ်အထးခီန့ၣ်လီၤ.

လံာ်တၢ်ဂံၢ် 22:4

ပှၤမိၤအးဖိတဖၣ်စံးဘၣ်ပှၤမံးဒယၣ်ဖိအခိၣ်အနၢ်တဖၣ်, “ပှၤတဖုအံၤတယံာ်ဘၣ်ဒီးကမၤဟးဂီၤကွံာ်တၢ်ကိးမံၤဒဲးလၢ ပခိၣ်ပဃၢၤဝးဝးဒ်ကျီၢ်ဖါတံၢ်တဒုလၢအအီၣ်တပံၢ်တမါလၢအီၣ်ဆၣ် အလီၢ်တခါအပူၤအသိးန့ၣ်လီၤ.”

လံာ်သိၣ်လီၤသီလီၤတၢ် 2:29

တုၤလၢပခီဂာ်ကွံာ်ထံကျိယၢ်ဒ့ၣ်ဒီး လဲၤနုာ်ဆူ ကီၢ်တဘ့ၣ်လၢယွၤပကစၢ်ယွၤဟ့ၣ်ပှၤအပူၤန့ၣ်လီၤ. စီၤဧ့ၡီၤ အစၢၤအသွဲၣ်တဖၣ်လၢ အအိၣ်ဝဲဆိးဝဲလၢ ကီၢ်အဒိၣ်အပူၤဒီး ပှၤမိၤအးဖိတဖၣ်လၢ အအိၣ်ဝဲဆိးဝဲလၢ ဝ့ၢ်ဧၢ်, ပျဲပခီဂာ်အလီၢ်ကဝီၤလီၤ.

လံာ်သိၣ်လီၤသီလီၤတၢ် 2:5

ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:15

တမ့ၢ်ပှၤအံၣ်စရ့လးဖိဂုာ်န့ၢ်မိၤအး, မ့တမ့ၢ်ဧၣ်မိၣ်အကီၢ် န့ၣ်ဘၣ်.

လံာ်ပှၤစံၣ်ညီၣ်ကွီၢ် 11:17

တုၤနုၤတစု, အဝဲသ့ၣ်ဆှၢလီၤကလူးတဖၣ်ဆူကီၢ်အဒိၣ်အစီၤပၤ အအိၣ်ဒ်သိးကဃ့တၢ်ပျဲလၢကလဲၤခီဂာ်ဘၣ် အထံအကီၢ်န့ၣ်လီၤ. ဘၣ်ဆၣ်ဒီးကီၢ်အဒိၣ်အစီၤပၤတပျဲအဝဲသ့ၣ်ဘၣ်. အဝဲသ့ၣ်ဃ့စ့ၢ်ကီးတၢ်ပျဲလၢကီၢ်မိၤအးအစီၤပၤန့ၣ်လီၤ. အဝဲစ့ၢ်ကီးတဟ့ၣ်တၢ်ပျဲလၢအဝဲသ့ၣ်ကလဲၤခီဂာ်အထံအကီၢ်ဘၣ်. မၤသးဒ်န့ၣ်ဒီးပှၤအံၣ်စရ့လးဖိတဖၣ်အိၣ်ကတီၢ်ဖဲကၤဒ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:18

တုၤနုၤတစု, အဝဲသ့ၣ်လဲၤခီဖျိမဲးမုၢ်ခိၣ်ဒီးလဲၤတရံးကီၢ်အဒိၣ်ဒီးကီၢ်မိၤအး တုၤအတုၤလၢကီၢ်မိၤအးအမုၢ်ထီၣ်ဖဲထံကျိအၢ်နိၣ်အဘးခီန့ၣ်လီၤ. အဝဲသ့ၣ်သူၣ်အဒဲဖဲန့ၣ်ဘၣ်ဆၣ်ဒီးတလဲၤခီဂာ်ထံကျိအၢ်နိၣ်ဘၣ်. အဂ့ၢ်ဒ်အံၤ, မ့ၢ်ဝဲကီၢ်မိၤအးအထံဆၢကီၢ်ဆၢန့ၣ်လီၤ.