လံာ်သိၣ်လီၤသီလီၤတၢ် 2:8 - Sgaw Karen Common Bible

⁸ မၤသးဒ်န့ၣ်ဒီးပလဲၤဆူညါဒီးဟးထီၣ်ကွံာ်လၢကျဲလဲၤဆူ ဝ့ၢ်အ့လၤသးဒီးဝ့ၢ်ဧ့းစယိၣ်က့ဘ့ၢ်, ဆူပီၣ်လဲၣ်သံဒီးပလဲၤ တရံးဃီၤဆူကလံၤစိးမုၢ်ထီၣ်လိၤလိၤဆူကီၢ်မိၤအးန့ၣ်လီၤ.

လံာ်သိၣ်လီၤသီလီၤတၢ် 2:8 Iomraidhean Croise

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 9:26

စီၤၡလိၤမိၤဘှီထီၣ်စ့ၢ်ကီးကဘီတကရူၢ်ဖဲဝ့ၢ်ဧ့းစယိၣ်က့ ဘ့ၢ်လၢအအိၣ်ဘူးဒီးအ့လိးလၢအအိၣ်ဖဲပီၣ်လဲၣ်က့ၣ်ကျီၤအကၣ် ဘၣ်အနံၤ, လၢကီၢ်အဒိၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:22

စီၤဧူးစံယါဒုးန့ၢ်ကဒါက့ၤဒီးဘှီထီၣ်ကဒါက့ၤဝ့ၢ်အ့လး ဖဲအပၢ်သံဝံၤအလီၢ်ခံန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:6

(ဖဲတကတီၢ်ဃီန့ၣ်, ကီၢ်အဒိၣ်အစီၤပၤမၤန့ၢ်က့ၤတၢ်ပၢဘၣ်ဝ့ၢ် အ့လးဒီးဟီထီၣ်ကွံာ်ပှၤယူဒၤဖိတဖၣ်လၢအအိၣ်ဝဲ ဆိးဝဲဖဲန့ၣ်လီၤ. ပှၤအဒိၣ်ဖိတဖၣ်သူၣ်လီၤအလီၢ်အိၣ်လီၢ်ဆိး ဖဲဝ့ၢ်အ့လး, ဒီးအိၣ်ဆိးဒံးဝဲဖဲန့ၣ်လီၤ.)

လံာ်တၢ်ဂံၢ် 21:4

ပှၤအံၣ်စရ့လးဖိတဖၣ်ဟးထီၣ်ကွံာ်လၢကစၢၢ်ဃိၢ်လၢကျဲလၢ အလဲၤလီၤဆူပီၣ်လဲၣ်က့ၣ်ကျီၤအၤကဘၢ်ဒ်သိးကလဲၤတရံးကွံာ်ကီၢ် အဒိၣ်အကီၢ်ဆၢန့ၣ်လီၤ. ဘၣ်ဆၣ်ဒီးလၢကျဲန့ၣ်ပှၤဂီၢ်မုၢ်အတၢ်ဝံသးစူၤလီၤမၢ်ဝဲ,

လံာ်သိၣ်လီၤသီလီၤတၢ် 1:1

လၢလံာ်အံၤအပူၤအိၣ်ဒီးတၢ်ကတိၤတဖၣ်လၢစီၤမိၤၡ့ကတိၤတ့ၢ် ဝဲဆူကီၢ်အံၣ်စရ့လးအပှၤဂီၢ်မုၢ်, ဖဲအဝဲသ့ၣ်အိၣ်လၢပှၢ်မုၢ်ကနၢအပူၤလၢထံကျိယၢ်ဒ့ၣ်အမုၢ်ထီၣ် အခါန့ၣ်လီၤ. အဝဲသ့ၣ်အိၣ်လၢထံကျိယၢ်ဒ့ၣ်အတၢ်တြီၤပူၤဘူးဒီးဝ့ၢ်စူး, လၢအအိၣ်ဖဲလၢတၢ်ဘၢၣ်စၢၤဖဲတခီမ့ၢ်ဝ့ၢ်ပၤရၣ်ဒီးလၢအဂၤတခီ န့ၣ်အိၣ်ဒီးဝ့ၢ်တိဖလး, ဝ့ၢ်လၤဘၣ်, ဝ့ၢ်ဃစ့ရိးဒီးဝ့ၢ်ဒံစၤဟးတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:18

တုၤနုၤတစု, အဝဲသ့ၣ်လဲၤခီဖျိမဲးမုၢ်ခိၣ်ဒီးလဲၤတရံးကီၢ်အဒိၣ်ဒီးကီၢ်မိၤအး တုၤအတုၤလၢကီၢ်မိၤအးအမုၢ်ထီၣ်ဖဲထံကျိအၢ်နိၣ်အဘးခီန့ၣ်လီၤ. အဝဲသ့ၣ်သူၣ်အဒဲဖဲန့ၣ်ဘၣ်ဆၣ်ဒီးတလဲၤခီဂာ်ထံကျိအၢ်နိၣ်ဘၣ်. အဂ့ၢ်ဒ်အံၤ, မ့ၢ်ဝဲကီၢ်မိၤအးအထံဆၢကီၢ်ဆၢန့ၣ်လီၤ.