လံာ်သိၣ်လီၤသီလီၤတၢ် 2:7 - Sgaw Karen Common Bible

⁷ သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 2:7 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 24:35

ယွၤဆိၣ်ဂ့ၤယကစၢ်ဒိၣ်မးဒီးဒုးကဲထီၣ်အီၤလၢပှၤထူးပှၤတီၤ တဂၤန့ၣ်လီၤ. ယွၤဟ့ၣ်အီၤလၢသိ, မဲာ်တဲးလဲးဒီးဂီၤဘုၣ်ဂီၤဖံးအဖုအဂီၢ် တဖၣ်, စ့, ထူဒီးကုၢ်ပိာ်မုၣ်ကုၢ်ပိာ်ခွါတဖၣ်, ကီၤလၤအူးဒီးကသ့ၣ် ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:27

စီၤလၤဘၣ်စံးဘၣ်အီၤ, “ပျဲယစံးတၢ်အံၤတက့ၢ်. ယမၤလိန့ၢ်တၢ်ခီဖျိတၢ်ဖးပှၤကညီအဘူၣ်အတီၤဒီးယနၢ်ပၢၢ်လၢ ယွၤဆိၣ်ဂ့ၤတ့ၢ်ယၤလၢနဃိလီၤ.

လံာ်တၢ်ကဲထီၣ်အခီၣ်ထံး 39:3

ဒီးအကစၢ်ထံၣ်ဝဲလၢယွၤအိၣ်ဒီးစီၤယိၤသးဒီးဒုးကဲထီၣ်လိၣ် ထီၣ်တၢ်လၢအမၤဝဲတမံၤလၢ်လၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 39:5

စးထီၣ်ဖဲန့ၣ်, ယွၤဆိၣ်ဂ့ၤပှၤအဲၤကူပတူးဖိအပှၤဟံၣ်ဖိဃီ ဖိဒီးကယဲၢ်တၢ်အိၣ်လၢအဟံၣ်အဃီပူၤဒီးအစံာ်ပူၤပျီပူၤခဲ လၢာ်လၢစီၤယိၤသးအဃိလီၤ.

လံာ်စီၤနဃ့မယၤ 9:21

ဒီးအနံၣ်လွံၢ်ဆံလၢပှၢ်မုၢ်ကနၢအပူၤန့ၣ်နဟ့ၣ်ကယဲၢ် တၢ်လၢအလိၣ်ဘၣ်ဝဲ, ဒီးအကူအသိးတလီၢ်လံၤဘၣ်ဝဲဘၣ်. ဒီးအခီၣ်တညိးထီၣ်လၢတၢ်ဆါအဃိန့ၣ်ဘၣ်.

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 107:4

ပှၤတနီၤလဲၤဝ့ၤဝီၤတၢ်လၢပှၢ်မုၢ်ကနၢ, လၢတၢ်လီၢ်အိၣ်သယုၢ်အပူၤ, ဒီးတထံၣ်န့ၢ်ကျဲဆူ ဝ့ၢ်လၢကအိၣ်ဝဲဆိးဝဲလၢအပူၤအဂီၢ်န့ၣ်ဘၣ်.

စံးထီၣ်ပတြၢၤ 31:7

ယကသူၣ်ခုသးခုဒီးသူၣ်ဖှံသးညီ လၢနတၢ်အဲၣ်ဂၢၢ်ကျၢၤအဃိန့ၣ်လီၤ. နထံၣ်လံယတၢ်နးတၢ်ဖှီၣ်, ဒီးသ့ၣ်ညါယတၢ်ကိၢ်တၢ်ဂီၤလံ.

စံးထီၣ်ပတြၢၤ 90:17

ယွၤ, ပကစၢ်ဧၢ, မ်နတၢ်ဆိၣ်ဂ့ၤဆိၣ်ဝါတဖၣ်အိၣ်ဒီးပှၤတက့ၢ်. ဟ့ၣ်လီၤလၢ်ပှၤတၢ်မၤနၢၤလၢ ပစုအတၢ်မၤခဲလၢာ်အပူၤန့ၣ်တက့ၢ်. မ့ၢ်မးပစုအတၢ်မၤန့ၣ်, ဒုးအိၣ်ဂၢၢ်ဆိးကျၢၤအီၤတက့ၢ်.

လံာ်တၢ်ဟးထီၣ်ကွံာ် 16:35

ပှၤအံၣ်စရ့လးဖိတဖၣ်အီၣ်ဝဲကိၣ်မၤနၤဆူညါအနံၣ်လွံၢ်ဆံတုၤ အဝဲသ့ၣ်လဲၤတုၤကီၢ်ကနၤဧၣ်, တၢ်လီၢ်ဖဲအဝဲသ့ၣ်သူၣ်လီၤဆီလီၤ အသးန့ၣ်လီၤ.

လံာ်ယံးရမံယၤ 2:2

လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ဟိၤၡ့ 13:5

ယအံးထွဲကွၢ်ထွဲနၤလၢတၢ်ဃ့ထီအလီၢ်တတီၤ, ပှၢ်မုၢ်ကနၢအပူၤလီၤ.

လံာ်ဧၤမိၣ် 2:10

ယထုးထီၣ်သုလၢကီၢ်အဲၤကူပတူးအပူၤ, ဒီးဆှၢတ့ၢ်သုလၢပှၢ် မုၢ်ကနၢအနံၣ်လွံၢ်ဆံဒီးဟ့ၣ်လီၤတ့ၢ်သုလၢပှၤအမိၢ် ဖိအကီၢ်လၢကကဲထီၣ်သုကီၢ်န့ၣ်လီၤ.

လံာ်တၢ်ဂံၢ် 1:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အပူၤ, ပူၤကွံာ်ခံနံၣ်တနံၣ်, လါခံလါတလါထီၣ်အခီၣ်ထံးကတၢၢ်တသီ န့ၣ်ယွၤကတိၤတၢ်ဒီးစီၤမိၤၡ့လၢယွၤအိၣ်ဝဲဆိးဝဲ အဒဲစီဆှံပူၤလၢကစၢၢ်စံၤနါအပှၢ်မုၢ်ကနၢပူၤန့ၣ်လီၤ. ယွၤစံးဝဲဒၣ်,

လံာ်တၢ်ဂံၢ် 14:33

သုဖိတဖၣ်ကဟးဝ့ၤဝီၤတၢ်လၢပှၢ်မုၢ်ကနၢအပူၤအနံၣ်လွံၢ်ဆံ, ကတူၢ်ဘၣ်တၢ်လၢသုတၢ်သးတတီတလိၤအဃိ, တုၤလၢပှၤလၢသုကျါလၢခံကတၢၢ်တဂၤသံဝဲတစုန့ၣ်လီၤ.

လံာ်တၢ်ဂံၢ် 14:34

သုကတူၢ်ဘၣ်တၢ်လၢအကြၢးဝဲဘၣ်ဝဲဒီးသုတၢ်ဒဲးဘးလၢအနံၣ် လွံၢ်ဆံအတီၢ်ပူၤ, တနံၣ်လၢအသီလွံၢ်ဆံစုာ်စုာ်အဂီၢ်လၢသုသူတ့ၢ်အီၤလၢတၢ်ဃု ထံၣ်သ့ၣ်ညါကီၢ်အဂီၢ်န့ၣ်လီၤ. သုကသ့ၣ်ညါယဘၣ်ထီဒါသုအခီပညီဒ်လဲၣ်န့ၣ်လီၤ.

လံာ်တၢ်ဂံၢ် 22:12

ကစၢ်ယွၤစံးဘၣ်စီၤဘံးလၣ်, “လဲၤဃုာ်တၢ်ဒီးပှၤတဖၣ်အံၤတ ဂ့ၤ. ဒီးပာ်တၢ်ဆိၣ်အၢတမံၤလၢကီၢ်အံၣ်စရ့လးအပှၤဂီၢ်မုၢ်အလိၤန့ၣ် တဂ့ၤ. အဂ့ၢ်ဒ်အံၤ, အဝဲသ့ၣ်အိၣ်ဒီးယတၢ်ဆိၣ်ဂ့ၤလီၤ.”

လံာ်တၢ်ဂံၢ် 32:13

ယွၤသးဒိၣ်ပှၤဂီၢ်မုၢ်ဒီးမၢအဟးဝ့ၤဝီၤလၢပှၢ်မုၢ်ကနၢအနံၣ် လွံၢ်ဆံ, တုၤလၢပှၤဒီတစိၤလၢအမၤတမုာ်အဝဲအသးန့ၣ် သံကွံာ်ဝဲခဲလၢာ်လီၤ.

လံာ်လူၤကၣ် 22:35

အန့ၣ်ဝံၤအလီၢ်ခံ, ယ့ၣ်ၡူးစံးဘၣ်အဝဲသ့ၣ်, “တဘျီဖဲယမၢလီၤသု, တအိၣ်ဒီးစ့ထၢၣ်မ့ၢ်ဂ့ၤ, တၢ်အီၣ်အထၢၣ်မ့ၢ်ဂ့ၤ, ခီၣ်ဖံးမ့ၢ်ဂ့ၤန့ၣ်, တၢ်တလၢတပှဲၤလၢသုဂီၢ်အိၣ်ဝဲတမံၤမံၤဒံးဧါ.”

လံာ်ယိၤဟၣ် 10:27

ယသိတဖၣ်ဒိကနၣ်ယကလုၢ်, ယသ့ၣ်ညါအီၤဒီးအဝဲသ့ၣ်ပိာ်ယခံလီၤ.

လံာ်သိၣ်လီၤသီလီၤတၢ် 1:19

ပမၤတၢ်လၢယွၤ, ပကစၢ်ယွၤမၤလိာ်တ့ၢ်ပှၤန့ၣ်လီၤ. ပဟးထီၣ်ကွံာ်လၢကစၢၢ်စံၤနါ, ဒီးလဲၤခီဖျိပှၢ်မုၢ်ကနၢဖး ဒိၣ်ဖးလဲၣ်ဒီးလီၤပျံၤလီၤဖုး, လၢပတၢ်လဲၤကျဲဆူပှၤဧၣ်မိၣ်ဖိတဖၣ်အကီၢ်လၢအပှဲၤဒီးတၢ်လူၢ်တၢ်တြီၤန့ၣ်လီၤ. ဖဲပလဲၤတုၤလၢဝ့ၢ်ကၤဒ့ၣ်ဘၢ်န့န့ၣ်,

လံာ်သိၣ်လီၤသီလီၤတၢ် 1:46

လၢတၢ်န့ၣ်အဃိ, ပအိၣ်ဆိးလၢဝ့ၢ်ကၤဒ့ၣ်အပူၤအါနံၤအါသီန့ၣ် လီၤ.

လံာ်သိၣ်လီၤသီလီၤတၢ် 2:14

တၢ်အံၤမ့ၢ်ဖဲပဟးထီၣ်ကွံာ်လၢဝ့ၢ်ကၤဒ့ၣ်ဘၢ်န့အကီၢ်အလီၢ်ခံ သၢဆံဃိးနံၣ်န့ၣ်လီၤ. ကယဲၢ်ပှၤဒုးတၢ်ယၤတၢ်ဖိလၢပှၤတစိၤန့ၣ်သံလၢာ်လံဝဲဒ်ယွၤစံး တ့ၢ်လၢပဝဲသ့ၣ်ကဘၣ်သံအသိးန့ၣ်လီၤ.

လံာ်သိၣ်လီၤသီလီၤတၢ် 2:6

သုကဘၣ်ပှ့ၤတၢ်အီၣ်ဒီးထံလၢအဝဲသ့ၣ်အအိၣ်လီၤ.

လံာ်သိၣ်လီၤသီလီၤတၢ် 29:4

ဘၣ်ဆၣ်တုၤလီၤလၢမုၢ်မဆါတနံၤအံၤဒၣ်လဲာ်, အဝဲတပျဲဒံးသုနၢ်ပၢၢ်တၢ်လၢသုကထံၣ်ဘၣ်တ့ၢ်အီၤတဖၣ်န့ၣ်ဘၣ်.

လံာ်သိၣ်လီၤသီလီၤတၢ် 29:5

လၢအနံၣ်လွံၢ်ဆံအတီၢ်ပူၤ, ယွၤဆှၢတ့ၢ်သုခီဖျိပှၢ်မုၢ်ကနၢ, ဒီးသုကူသုသိးဒီးသုခီၣ်ဖံးတဖၣ်တလီၢ်လံၤကွံာ်ဘၣ်.

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.