လံာ်သိၣ်လီၤသီလီၤတၢ် 2:5 - Sgaw Karen Common Bible

⁵ ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.

လံာ်သိၣ်လီၤသီလီၤတၢ် 2:5 Iomraidhean Croise

လံာ်တၢ်ကဲထီၣ်အခီၣ်ထံး 36:8

လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

လံာ်တၢ်ကဲထီၣ်အခီၣ်ထံး 36:9

ဒီးအအံၤမ့ၢ်စီၤဧ့ၡီၤ, ပှၤအဒိၣ်ဖိသ့ၣ်တဖၣ်အပၢ်လၢပျၢၤအစၢၤ အသွဲၣ်တဖၣ်န့ၣ်လီၤ.

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

မၤတၢ် 7:5

ဖဲန့ၣ်အကတီၢ်, ကစၢ်ယွၤတဟ့ၣ်အီၤဟီၣ်ခိၣ်နီတက့လၢကကဲအတၢ် ဒၣ်ဝဲန့ၣ်ဘၣ်. ထဲတပျၢ်ဧိၤဒၣ်လဲာ်တဟ့ၣ်ဝဲဘၣ်. ဘၣ်ဆၣ်, ကစၢ်ယွၤအၢၣ်လီၤအီလီၤဝဲလၢအကဟ့ၣ်အီၤဟီၣ်ခိၣ်အံၤ လၢအကကဲထီၣ်အတၢ်ဒၣ်ဝဲဒီးအစၢၤအသွဲၣ်တဖၣ်အတၢ် န့ၣ်လီၤ. ဖဲကစၢ်ယွၤမၤတၢ်အၢၣ်လီၤအီလီၤတမံၤအံၤ အကတီၢ်န့ၣ်, စီၤအၤဘြၤဟၣ်အဖိအလံၤတအိၣ်နီတဂၤဘၣ်.

လံာ်သိၣ်လီၤသီလီၤတၢ် 2:22

ယွၤမၤတ့ၢ်တၢ်တမံၤဃီလၢပှၤအဒိၣ်ဖိတဖၣ်အဂီၢ်လၢအမ့ၢ်စီၤဧ့ ၡီၤအစၢၤအသွဲၣ်လၢအအိၣ်ဆိးဝဲဖဲကီၢ်အဒိၣ်လၢအပှဲၤဒီးကစၢၢ် ကလိန့ၣ်လီၤ. အဝဲမၤဟးဂီၤကွံာ်ပှၤဃိရံၤဖိတဖၣ်သတးဒီး ဟံးန့ၢ်ကွံာ် အဝဲသ့ၣ်အထံအကီဲၢ်ဒီး အိၣ်ဆိဒံးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 2:6

သုကဘၣ်ပှ့ၤတၢ်အီၣ်ဒီးထံလၢအဝဲသ့ၣ်အအိၣ်လီၤ.

လံာ်သိၣ်လီၤသီလီၤတၢ် 32:8

တၢ်ထီကတၢၢ်တဂၤန့ၣ်ပာ်လီၤန့ၢ်တ့ၢ်ပှၤကလုာ်တဖၣ်လၢအဝဲသ့ၣ် အထံအကီၢ်တဖၣ်, ဒီးအဝဲစံၣ်ညီၣ်တဲာ်တ့ၢ်ဝဲလၢပှၤဂီၢ်မုၢ်တဖၣ်ကဘၣ်အိၣ်ဆိးဖဲ လဲၣ်န့ၣ်လီၤ. ပှၤတကလုာ်စုာ်စုာ်အဂီၢ်န့ၣ်အဝဲပာ်လီၤန့ၢ်အီၤအကလူးလၢကအံး ထွဲကွၢ်ထွဲအီၤန့ၣ်လီၤ.

လံာ်စီၤယိၤၡူ 24:4

ဒီးယဟ့ၣ်လီၤစီၤအံၤစဲးန့ၣ်လၢစီၤယၤကိာ်ဒီးစီၤဧ့ၡီၤ လီၤ. ယဟ့ၣ်လီၤစီၤဧ့ၡီၤလၢကစၢၢ်စ့ဧၢ်လၢအတၢ်န့ၢ်သါအဂီၢ်, မ့မ့ၢ်စီၤယၤကိာ်ဒီးအဖိအလံၤခဲလၢာ်လဲၤလီၤဆူအဲၤကူပတူး န့ၣ်လီၤ.