လံာ်သိၣ်လီၤသီလီၤတၢ် 2:4 - Sgaw Karen Common Bible

⁴ အဝဲတဲဘၣ်ယၤလၢယကဟ့ၣ်လီၤသုတၢ်သိၣ်လိနဲၣ်ယုၤတဖၣ်ဒ်လၢလာ် အံၤအသိးန့ၣ်လီၤ. ဘူးထီၣ်လၢသုကလဲၤခီဂာ်ဘၣ်ကီၢ်အဒိၣ်လၢအပှဲၤဒီးတၢ်လူၢ်တၢ်တြီၤ, လၢအမ့ၢ်စီၤဧ့ၡီၤအစၢၤအသွဲၣ်တဖၣ်, သုဘူးသုတံၢ်လၢသုတသ့ၣ်ညါသ့ၣ်ခိးအီၤအလီၢ်ကဝီၤန့ၣ်လံ. အဝဲသ့ၣ်ကပျံၤဘၣ်ဖုးဘၣ်သု,

လံာ်သိၣ်လီၤသီလီၤတၢ် 2:4 Iomraidhean Croise

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 36:8

လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

လံာ်တၢ်ဟးထီၣ်ကွံာ် 15:15

ခိၣ်နၢ်တဖၣ်လၢကီၢ်အဒိၣ်အပူၤန့ၣ်ပျံၤတၢ်နးနးကလဲာ်, ကီၢ်မိၤအးအပှၤဂံၢ်ဆူၣ်ဘါဆူၣ်တဖၣ်ကနိးကစုာ်ဝဲ, ဒီးပှၤဂီၢ်မုၢ်လၢကီၢ်ကနၤဧၣ်အတၢ်သူၣ်ဒူသးဒူ လီၤမၢ်ကွံာ်လီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

အ့းဖ့းစူး 5:15

လၢတၢ်န့ၣ်အဃိပလီၢ်သုသးလၢသုတၢ်အိၣ်မူအပူၤတက့ၢ်. တဘၣ်အိၣ်မူဒ်ပှၤလၢအသးတဆးတဖၣ်အသိးန့ၣ်တဂ့ၤ. မ့မ့ၢ်, အိၣ်မူဒ်ပှၤကူၣ်တၢ်သ့အသိးန့ၣ်တက့ၢ်.

လံာ်သိၣ်လီၤသီလီၤတၢ် 23:7

သးဘၣ်အၢပှၤအဒိၣ်တဖၣ်တဂ့ၤ. အဝဲသ့ၣ်မ့ၢ်သုဘူးသုတံၢ်တဖၣ် န့ၣ်လီၤ. ဒီးသးဘၣ်အၢပှၤအဲၤကူပတူးဖိတဖၣ်န့ၣ်တဂ့ၤ, တဘျီန့ၣ်သုအိၣ်ဆိးတ့ၢ်လၢအဝဲသ့ၣ်အကီၢ်ပူၤန့ၣ်လီၤ.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.