လံာ်သိၣ်လီၤသီလီၤတၢ် 2:37 - Sgaw Karen Common Bible

³⁷ ဘၣ်ဆၣ် ပတလဲၤဘူးဘၣ်ဒီး ပှၤဧၤမိၣ်ဖိတဖၣ်အလီၢ်ကဝီၤအဃၢၤမ့ၢ်ဂ့ၤ, ပတလဲၤဘၣ်ဆူ ထံကျိယးဘိးအကၢၢ်နံၤမ့ၢ်ဂ့ၤ, ပတလဲၤဘၣ်ဆူဝ့ၢ်တဖၣ်လၢ အအိၣ်လၢ တၢ်လူၢ်ဒီခိၣ်မ့ၢ်ဂ့ၤ ဆူတၢ်လီၢ်အဂုၤအဂၤဖဲ ယွၤပကစၢ်ယွၤ မၤလိာ်ပှၤလၢ ပတဘၣ်လဲၤဝဲန့ၣ်ဘၣ်.

လံာ်သိၣ်လီၤသီလီၤတၢ် 2:37 Iomraidhean Croise

လံာ်တၢ်ကဲထီၣ်အခီၣ်ထံး 32:22

ဒီးတနၤဃီန့ၣ်, စီၤယၤကိာ်ဂဲၤထၢၣ်ဒီးကိးထီၣ်အမါခံဂၤ, သံၣ်မါခံဂၤဒီးအဖိတဆံတဂၤဒီးခီဂာ်ထံကျိယးဘိးန့ၣ် လီၤ.

လံာ်တၢ်ဂံၢ် 21:24

ဘၣ်ဆၣ်ဒီးပှၤအံၣ်စရ့လးဖိတဖၣ်မၤသံကွံာ်ဒုၣ်ဒါအါဂၤလၢတၢ် ဒုးပူၤဒီးမၤန့ၢ်အဝဲသ့ၣ်အကီၢ်စးထီၣ်လၢထံကျိအၢ်နိၣ်ကလံၤစိးတခီတုၤဆူယၢ်ဘိး, ဒ်ပစံးတၢ်အသိးတုၤဆူပှၤအမိၢ်ဖိတဖၣ်အအိၣ်, မ့ၢ်လၢပှၤအမိၢ်ဖိတဖၣ်အကီၢ်ဆၢန့ၣ်ဘၣ်တၢ်ဒီဒၣ်ဃးအီၤခၢၣ် တနၢၣ်အဃိန့ၣ်လီၤ.

လံာ်သိၣ်လီၤသီလီၤတၢ် 2:19

အန့ၣ်တစု, သုကဘူးထီၣ်ဒီးပှၤဧၣ်မိၣ်ဖိတဖၣ်, လၢအမ့ၢ်စီၤလိာ်အစၢၤအသွဲၣ်တဖၣ်အကီၢ်န့ၣ်လီၤ. မၤကီမၤခဲအဝဲသ့ၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ, ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယတဟ့ၣ်ဘၣ်သုလၢကီၢ်လၢယဟ့ၣ်လီၤတ့ၢ်အဝဲသ့ၣ်န့ၣ်နီတစဲးဘၣ်.

လံာ်သိၣ်လီၤသီလီၤတၢ် 2:5

ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.

လံာ်သိၣ်လီၤသီလီၤတၢ် 2:9

ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.

လံာ်သိၣ်လီၤသီလီၤတၢ် 3:16

ဒီးလၢရူၤဘ့ၣ်အဒူၣ်ဒီးကးအဒူၣ်အဂီၢ်န့ၣ်ယဟ့ၣ်လီၤတၢ်လီၢ် ကဝီၤစးထီၣ်လၢကီၢ်ကံးလဧးအဆၢတုၤလၢထံကျိအၢ်နိၣ်န့ၣ်လီၤ. ထံကျိအၢ်နိၣ်အခၢၣ်သးန့ၣ်မ့ၢ်ဝဲအကီၢ်ဆၢလၢကလံၤထံး, ဒီးအဝဲသ့ၣ်အကလံၤစိးအကီၢ်ဆၢန့ၣ်မ့ၢ်ဝဲထံကျိယးဘိး, လၢအမ့ၢ်ဝဲပှၤဧၣ်မိၣ်ဖိတဖၣ်အကီၢ်ဆၢတနီၤန့ၣ်လီၤ.

လံာ်စီၤယိၤၡူ 12:2

တဂၤမ့ၢ်ဝဲစီၤစံဃိၣ်, ပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်လီၤ. အဘီမုၢ်ပၣ်ဃုာ်ဒီးကီၢ်ကံးလဧးတဝာ်, စးထီၣ်လၢဝ့ၢ်ဧရိၤဧ့ၢ် (လၢအအိၣ်လၢထံကျိအၢ်နိၣ်အတၢ်ပၢၤခိၣ်အထိးနါ) ဒီးလၢဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သး, ပၢၢ်တုၤလၢထံကျိယးဘိးလၢအအိၣ်လၢဧၣ်မိၣ်အကီၢ်ဆၢ,

လံာ်ပှၤစံၣ်ညီၣ်ကွီၢ် 11:15

တမ့ၢ်ပှၤအံၣ်စရ့လးဖိဂုာ်န့ၢ်မိၤအး, မ့တမ့ၢ်ဧၣ်မိၣ်အကီၢ် န့ၣ်ဘၣ်.

လံာ်ပှၤစံၣ်ညီၣ်ကွီၢ် 11:22

ဒီးအဝဲသ့ၣ်ဟံးန့ၢ်ပၢဘၣ်ကယဲၢ်ပှၤအမိၢ်ဖိတဖၣ်အလီၢ်အကျဲ စးထီၣ်လၢထံကျိအၢ်နိၣ် လၢကလံၤထံးတခီတုၤလၢထံကျိ ယးဘိးလၢကလံၤစိးတခီ, ဒီးလၢမဲးမုၢ်ခိၣ်လၢမုၢ်ထီၣ်တခီ တုၤလၢထံကျိယၢ်ဒ့ၣ်လၢမုၢ်နုာ်တခီန့ၣ်လီၤ.