လံာ်သိၣ်လီၤသီလီၤတၢ် 2:36 - Sgaw Karen Common Bible

³⁶ ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်သိၣ်လီၤသီလီၤတၢ် 2:36 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:5

အဝဲသ့ၣ်လဲၤခီဂာ်ထံကျိယၢ်ဒ့ၣ်ဒီးသူၣ်ဒဲဖဲဝ့ၢ်ဧရိၤဧ့ၢ်, ဝ့ၢ်တဝ့ၢ်လၢအအိၣ်ဖဲတၢ်တြီၤပူၤအခၢၣ်သးလၢပှၤကးဖိအဒူၣ် အလီၢ်ကဝီၤအပူၤ, အကလံၤထံးန့ၣ်လီၤ. ဖဲန့ၣ်အဝဲသ့ၣ်လဲၤဆူကလံၤစိးဆူဝ့ၢ်ယၤစ့ၢ်,

လံာ်စီၤပၤခံဘ့ၣ်တဘ့ၣ် 10:33

စးထီၣ်လၢထံကျိယၢ်ဒ့ၣ်အမုၢ်ထီၣ်, ယံၤဝဲတုၤလၢကလံၤစိးလၢ ဝ့ၢ်ဧရိၤဧ့ၢ်လၢအအိၣ်လၢထံကျိအၢ်နိၣ်အကၢၢ်နံၤန့ၣ်လီၤ. တၢ်လီၢ်အံၤအိၣ်ဃုာ်ဒီးလီၢ်ကဝီၤတဖၣ်လၢအမ့ၢ်ကီၢ်ကံးလဧးဒီး ကီၢ်ဘၤၡၣ်ဖဲပှၤကးဖိ, ပှၤရူၤဘ့ၣ်ဖိဒီးပှၤမုၢ်ထီၣ်မနၤၡ့ၤဖိအဒူၣ်တဖၣ်အိၣ်ဆိးဝဲန့ၣ်လီၤ.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 23:31

ယကမၤလဲၢ်ထီၣ်သုကီၢ်အဆၢစးထီၣ်လၢပီၣ်လဲၣ်က့ၣ်ကျီၤအကၣ်ဘၣ် ပၢၢ်တုၤလၢထံကျိဖးဒိၣ်ဖရၤသးဒီးစးထီၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်တုၤလၢပှၢ်မုၢ်ကနၢန့ၣ်လီၤ. ယကဟ့ၣ်သုတၢ်စိတၢ်ကမီၤလၢပှၤအိၣ်လၢကီၢ်န့ၣ်တဖၣ်အဖီခိၣ်ဒီး သုကနီၣ်ထီၣ်ကွံာ်အီၤဖဲသုလဲၤထီၣ်ဒုးတၢ်န့ၣ်လီၤ.

လံာ်ယၡါယၤ 17:2

ကီၢ်စူၤရံအဝ့ၢ်တဖၣ်ကဘၣ်တၢ်ဟးသဒၣ်ကွံာ်အီၤလီၤထူလီၤယိာ် လီၤ. ကကဲထီၣ်သိဒီးကျီၢ်အီၣ်ဆၣ်အလီၢ်, ဒီးပှၤတနီၣ်ထီၣ်ဟီထီၣ်ကွံာ်အဝဲသ့ၣ်နီတဂၤဘၣ်.

လံာ်ယံးရမံယၤ 48:19

သုဝဲလၢ အအိၣ်ဝဲဆိးဝဲလၢ ဝ့ၢ်ဧရိၤဧ့ၢ်သ့ၣ်ဧၢ, ဆၢထၢၣ်လၢကျဲကပၤဒီးအိၣ်ခိးတၢ်တက့ၢ်. သံကွၢ်ပှၤတဖၣ်လၢအဃ့ၢ်ကွံာ် ဒီးသုကသ့ၣ် ညါတၢ်လၢ အမၤတ့ၢ်အသးန့ၣ်တက့ၢ်.

လံာ်တၢ်ဂံၢ် 32:34

ကးအဒူၣ်ဘှီထီၣ်က့ၤဝ့ၢ်အိၣ်ဒီးအခိၣ်ဒူတဖၣ်လၢအမ့ၢ်ဒံၤဘိၣ်, ဧးတၤရိး, ဧရိၤဧ့ၢ်,

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 3:12

ဖဲပဟံးန့ၢ်ကီၢ်န့ၣ်ဒ်ပတၢ်အသိးန့ၣ်, ယဟ့ၣ်လီၤရူၤဘ့ၣ်ဒီးကး အဒူၣ်လၢတၢ်လီၢ်ကဝီၤလၢအအိၣ်လၢဝ့ၢ်ဧရိၤဧ့ၢ်ကလံၤစိးတခီ ဘူးဒီးထံကျိအၢ်နိၣ်ဒီးကီၢ်ကံးလဧးအလီၢ်ကဝီၤလၢအအိၣ်ဒီး အတၢ်လူၢ်တၢ်တြီၤတနီၤဃုာ်ဒီးအခူအဝ့ၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:48

ကီၢ်အံၤလဲၢ်ဝဲစးထီၣ်လၢဝ့ၢ်ဧရိၤဧ့ၢ်, လၢအအိၣ်လၢထံကျိ အၤနိၣ်ကၢၢ်နံၤဒီးလဲၤဆူကလံၤစိးတခီဒီတကျိၤတုၤဆူကစၢၢ် စံရယိၣ်လၢအမ့ၢ်ဃ့ရမိၣ်န့ၣ်လီၤ.

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.

လံာ်စီၤယိၤၡူ 12:2

တဂၤမ့ၢ်ဝဲစီၤစံဃိၣ်, ပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်လီၤ. အဘီမုၢ်ပၣ်ဃုာ်ဒီးကီၢ်ကံးလဧးတဝာ်, စးထီၣ်လၢဝ့ၢ်ဧရိၤဧ့ၢ် (လၢအအိၣ်လၢထံကျိအၢ်နိၣ်အတၢ်ပၢၤခိၣ်အထိးနါ) ဒီးလၢဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သး, ပၢၢ်တုၤလၢထံကျိယးဘိးလၢအအိၣ်လၢဧၣ်မိၣ်အကီၢ်ဆၢ,

လံာ်စီၤယိၤၡူ 13:16

အဝဲသ့ၣ်အထံအကီၢ်လဲၤတုၤလၢဧရိၤဧ့ၢ် (လၢအၢ်နိၣ်အတၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်အဝဲန့ၣ်အခၢၣ်သးဒီး ပၣ်ဃုာ်ဒီးတၢ်ပၢၤခိၣ်ထီၣ်ထီဝးတရံးမ့ဒဘၤလီၤ.

လံာ်စီၤယိၤၡူ 13:9

အဝဲသ့ၣ်အကီၢ်လဲၤတုၤလၢဝ့ၢ်ဧရိၤဧ့ၢ် (လၢအၢ်နိၣ်တၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သးပၣ်ဃုာ်ဒီး မ့ဒဘၤအတၢ်ပၢၤခိၣ်ထီၣ်ထီတုၤလၢဒံဘိၣ်န့ၣ်လီၤ.

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 11:22

ဒီးအဝဲသ့ၣ်ဟံးန့ၢ်ပၢဘၣ်ကယဲၢ်ပှၤအမိၢ်ဖိတဖၣ်အလီၢ်အကျဲ စးထီၣ်လၢထံကျိအၢ်နိၣ် လၢကလံၤထံးတခီတုၤလၢထံကျိ ယးဘိးလၢကလံၤစိးတခီ, ဒီးလၢမဲးမုၢ်ခိၣ်လၢမုၢ်ထီၣ်တခီ တုၤလၢထံကျိယၢ်ဒ့ၣ်လၢမုၢ်နုာ်တခီန့ၣ်လီၤ.

လံာ်ပှၤစံၣ်ညီၣ်ကွီၢ် 11:26

ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.